ساعدوني ولو بفكره

بفكر ياقلبي وارجعلك حبيت ارد عليك

مدام تراث لابد من التمر
وعاد التمر انواعه كثيره
خذي اللي يعجبك ويقدم للمعازيم
واهم شي العوده تراها مهمه لضيوفكم
سي يو

ممكن تقدمون هدايا للمعازيم من التراث .. يعني اتسون خيشه حق العيش تكون مربعه الشكل او شوي مستطيله قد كف اليد أو أصغر شوي و عليها من فوق وردتين صغار و مربوطه بشريط أو خيط ملون..و داخلهم حلاوه..فكرة حلوه و شفتها بعرس,,,
و الخيط كانو مدخلينا بالخيش بحيث لما تسحبينه اتصكر الخيشه .. وصلت الفكرة او لأ ؟؟؟
بالتوفيج يا قلبي..

انا شفت في زواج حاطين سماط من السعف النخل عرفتيه وحاطين فيه ( اقط ) و (تمر) و(جليجاء) و (وفتيت)

أهم شي تحطين مفارش سدو راقية خامتها خفيفة لا تكون ثقيلة مالت الشتا
لأن السدو لو تحطينه بروحه بس راح يغنيج عن كل الأفكار الثانيه .
وبعد تمام لما تحطين حلوى الرهش ، لأنها مع القهوه العربية تهبل
تقطعينها مربعات صغار علشان تصير حق تقديم
وقبل أهلنا عايشين على الرهش ترى لأنه دسم ويدفيهم من البرد
وحلو التقديم اللي الحين ما يستخدمونة يعني لو تحطينه راح تتميزين
و حطي للمعازيم مهفات من السعف تعرفينهم ؟؟ توزعينهم على الطاولات حدهم بيسوون جو حلو
وتلقينهم رخاص وتشترينهم جملة بعد
وبسأل أمي واردلج ياقلبي حق أفكار ثانية

ياهلا قمر فكري ورديلي تكفين
:

تاليا
مشكور اختي وبالنسبه للتمر ذا اساسي
<< وصت من الاحساء يجيبولها ههه
:

ياهلا دلوعه الامارات هالفكره اعجبتني ان شاء الله بسويه
مشكوره وجزاك الله الف خير
:

فراشه ولكن ؟ تسلمين اختي
الف شكر لردك
: