ساعدوني يا بنات ابغى اتغير وبطنش زوجي ولا راح يهمني

الله يعينك معه و يسهل عليك حياتك ان شاء الله
بيني و بينك الكشخة للحرمة و للريال في نفس الوقت
غلط اذا الوحدة فكرت انه حياتها لازم تتمحور على هالريال
لازم تكون لك قناعتك انك جاعدة تكشخين لنفسك قبل لا تكشخين لريلك
بعدين غلط انك تهملين نفسك لدرجة انه اهلك يحسوا فيك و ينتقدوك
لازم مشاكلك تظل بمحيط بيتك
كشخي و فرفشي و بييني للكل امن كول و لا صاير شئ بعدين انتي موظفة يعني ريحي اعصابك و ريلاكس ع الاخر عشان صحتك فديتك
و خلي الريال عقب
بس في اذية كله بادري بالرومانسية^_^ و اذا كعمك سكتي شوي و بعدها ردي حاولي فيه
و شوفيه عقب بيتغير و لا لا
عاد طمنينا
نبي نسمع الاخبار الطيبة من باكر ان شاء الله

مرحبا بنت عمان
اولا انا ترى احب اهل عمان مره ما شالله عليهم اخلاق وادب وذوق
ثاني شي يا قلبي
انا والله ما بين علي مشاكلي الا لانه وداني بيت اهلي تزاعلت معاه وسبب تافه يا ليته يسوى
وبصراحه هم لاحظو لاني ممنوع اروح معاهم السوق او اطلع معاهم او اي شي وملابسي ما تتغير كني شحاته
بس ان شالله انا لازم اتغير باذن الله وبسوي كل الي ابيه

الله يعينك هذه النوعيه من الرجال الحياه معاهم صعبه
ادعي الله يفرج همك ويهدي زوجك

ام حسام
شوفي فديتك انا مخطوبة في الوقت الحالي
و خطيبي عصبي عصبي عصبي و اكره هالصفة اللي فيه و ياما صارحته بهالشئ
في ايام اجول خلاص تراني طفرت و بجول لاهلي ما ابيه
و بعدين اتعوذ من ابليس و اجول اذا في ماقدر اتحمل منه كلمة بتنجلب حياتي جحيم
لا و الاسوء اني اوسوس انه بعدين بيهملني و بيحولي حياتي جحيم و من هالامور
عاد طبقت نظام نغير فيه بو الشباب
طبعا الريال الشرقي طبعه جاف بالاصل
الحين كل ما اناقشه في شئ و احس انه صوته بد يعلى انبهه انه صوتك بدى يعلى و اذا علا اكثر تراني بزعل
اهو متفق من قبل معي انه صفة العصبية موب زينة فيه و بيحاول يغيرها
لما يهاوشني في شئ اجوله......اسم الدلع مالي تراه بتظل حبيبتك موب شئ تصارخ عليها كذية"بنغمة دلال" شوي شوي يلين و يجولي شنو مضايجه فيني بكل هداوة و انا بدلع اجوله انا كنت اقصد كذية و تصير امورنا عسل على عسل و الحمدلله
بالنسبة للمصروف تراه راتبه اقل من راتبي بس اعيدها عليه من الحين انه انته ملزوم تصرف علي لانه حاليا ابوي يصرف علي بغض النظر اني اشتغل بس انا بيني و بين نفسي جايلة اني ما راح اضغط عليه لانه من الحين يفهمني فلوسه وين تروح في حال نقصني شئ بشل منه غير كذية بيزاتي معي و مرفهة الحمدلله على نفسي
بالنسبة للطلعة مع اهلك و غير اهلك الريال يحب يفرض سيطرته و يخلي الحرمة في البيت
صار لنا 4 اشهر من الخطوبة بس طول اذيك الفترة اطلع بطلوع الروح و في اوقات ماشي طلعة بس ما اسكت له افهمه انه هذول اهلي مشتاجتلهم,هذي صديقتي ما تجصر فيني,انا من حقي افرفش مع صديقاتي بالطلعة مع بعض في العشى دام انت مو موجود او موب قادر اطلعني بيرفض طلعتك صح بس صدجيني الكلام بيدور في رأسه يعني تكلمي و سكتي عنه خبرتك هذيك الشهور اطلع بطلوع الروح و الحين الحمدلله صرت اخبره كأنه تحصيل حاصل لانه ما يجولي ماشي حتى اذكر من يومين كنت اجوله برجع من العرس الساعة3 الفجر جالي عادي تراه عرس لاه يعني مو بيدك ماتقدري اطلعي من وقت و قبل يحرق تلفوني من سالفة يالله رجعي من وقت
مثل ما وصيتك حبيبتي اهي السالفة يبي لها بس وقت و ان شاء الله يلين بس صبري عليه و عسى صبرك يبين في عيونه

اهلين allola
صادقه والله ها النوعية من الرجال يبي لهم صبر وطولة بال الله يعين عليهم

ايش اقول لك يا بنت عمان
انا حاولت معه بالطيب واللين وهذاني قاعده احاول معه لكن المشكله ان ماعاد لي خاطر اني اجامل واداري طفشت منه ومن اسلوبه وطريقته
يحسسني اني ما اعرف اسوي ولا شي
لدرجة انه لما يبي يجيني ظيوف يقول لا تنسي ترتبي الكاسات وتحطيها على الطاوله ومن ها الحكي
يعني كيف بالله ناس يجون عندي وما احط كاسات للشاهي او للعصير
فهمتي يا قلبي
يعني يحسسني اني غبيه وخبلا وما افهم ولا شي بها الدنيا وانه متحملني بس عشان العيال
يحاول انه هو يسوي كل شي
هو يبغى يرتب البيت وهو يبغى يطبخ وهو يقدم الظيافه للناس
ما ادري وش قصده وفي النهايه هو وهله طفشوني كل ما صار شي قالو انتي بارده
طبعا لانه يروح عندهم ويجلس يسال كيف يسوي الكبسه وكيف يسوي الملوخية
يعطيهم فكره عني اني ما ادبر شي بالحياة
والله طفشت من ها الاسلوب الغبي
ودي احس بكياني اني حرمه واقدر انجز بس للاسف حطمني ها الانسان الله ياخذه ويريحني منه

حببتى عن تجربه عليك بالاستغفار كتير والله راح تلحظى الفرق بسرعه وياريت يكون بعد صلاة الفجر او اى وقت من اليوم المهم خالى دايما الاستغفار على بالك والله يهدى زوجك وازواج المسلمات

اختي انا زوجي نفس زوجك يعامل فيا كاني بيبي وبالدات قدام اهله كل ما نروح لاهله ونرجع في السيارة لازم تصير مشكلة زمان كنت اعصب واركز على مل كلمة يقولها وما ابي احد ياخد فكرة عليا غلط ودايما اجري واسوي لكن رضا الناس غاية لا تدرك كان لما نتغدى ونكمل غدى يقولي ارفعي الصحون قدام امه وغيره كاني بنت صغيرة وامها تقوللها ايش تسوي وغيره من هالحركات لكن الحين اصبحت ما افكر في هالموضوع واصبحت ثقتي في نفسي كبيرة لكن بعد ايش بعد 5 سنين زواج وطفلين وبديت اهتم بنفسي وعيالي وبس وما ليا دخل في شئ المهم ضميري مرتاح وما اسوي غلط خلاص اطنش وما عليا من شئ هادا هوا الاسلوب الي انا متبعته الحين وبدى يفيد معاي وانا مبسوطة فيه اختي ركزي على نفسك وعيالك هادا هوا الشئ الي راح يفيدك مادام هوا واهله مايعجبهم شئ تقبلي مروري وان شاء الله اكون افدتك

الله يهديك يام حسام . لا تدعين عليه ..... والله يهديه ..
تعرفين . انا متزوجه من 3 سنوات وكانك تتكلمين عن زوجي .. كثير من الاوقات يحسسني اني ماعرف شي وحتى عند اهله لما يشوف اكله او طبخه مسوينها يقوم يمدحها ويبالغ في مدحها كأني ماقد سويت له شي جديد او غريب ..
واذا على الطلعات انا مايخليني اروح لصديقاتي وافرفش معهم حتى لو كانو يجتمعون بمكان عام غير البيت مثلا ملاهي او منتزه مايوديني معهم ..
وبالنسبه للتكشخ انا كثير اتكشخ له واجدد اغراضي وملابسي لكن هو.. .. شقول بس .. عمرة ماهتم بنفسه لي ..ابدا ابدا ..
وغير كذا ... يحب يتحكم بلبسي ومايخليني براحتي يعني مايخليني البس اي شي لما بروح لعزيمه او طلعه .. <<< وش تعليقاتكم ياحلوات .. ترى انا بعد مليت من تصرفات زوجي اللي مالها مبرر ...
اوقات يجيني شعور انى اكرهه .. واتحسف انى تزوجت ,,
يللا تكفون ساعدونا ياحلوات .......