ساعدوني يا بنات الشرقية ابغى محل غرف اطفال

انا ما اعرف شي في الدمام لكن سمعت مرة وحدة تقولي في سيتي ماكس غرف اطفال مدري اسرة اطفال مرة تجنن اذا عندكم سيتي ماكس روحي شوفي عندهم وان شاء اله البنات يساعدونك

حبيبتى عندك الحلم الجميل للاطفال تجنن

تسلمين اختي ام رغوة ماقصرتي
اللي اعرفه سيتي ماكس ماعندهم غرف
انا رحت لهوم سنتر بس ماعجبتني بضاعتهم
اختي ام سيدرا مشكورة
بس ممكن اعرف وين مكانه؟؟
بانتظار ردك

وعليكم السلام
تعرفين نفق الدمام اللي فيه مشاكل ، الاشارة اللي فوق
بحيث تكونين وافقه والملعب على اليسار ، هناك تقريبا في محلين او ثلاث محلات لاثاث الاطفال
وعندك بالخبر ، ورى اسواق التميمي اللي على الكورنيش
فيه بالخلف بالمنظقه اللي ورى ، محلات كثيره من ضمنهم محلات اطفال
اذا ماخانتني الذاكره ..
لاني من زمان عن الدمام والخبر ..

هلا اختى والله انا تونى مفصله غرفه نوم من الحلم الجميل وعندهم كتلوجات منها استيل اطفال من تصميمهم صور ومنها ستيل اطفال بعد بس افخم وهوكتلوج صغيربس كتلوج جاهز وهو الاحلى اسئلى عن الكتلوج
انا شفت غرفه فى كيكا وفصلت مثلها والحمد الله ضبطت سواها لى من خشب الاوك ولونها من درجات الابيض الى البيج الفاتح وواضح فيها نقش الخشب وصايره احلى سويت فيها حركه الدوليب الشفافه فى الدولاب والشموفينه والكمودينه وسوايت مرايه لها بابين ينفتحون وبينسكرون اذ رحتى المحل قوليله الفكره وراح يعرفها بس ماخذيت اسره سويت خلفيه وشرايت من بيت المراتب مرتبه مثل نظام الفنادق احلى واقوه
والوصف مثل ماقالت الاخت عذب لجوري بس صاير الشارع مسكر وفيه لفتت تدخلين عليها وراح تدخلين شارع ضيق بين البيوت وفيه لفته بعد حنا ندخل فى الدعوس وهوضايق بعدين تجى لك براحه تشوف فيها نزله بيسطه للسياره وبعدين تشوفين المحل والمحل فى مدينه العمال
اتمنا افدتك

http://www.bdreams.net/ هذه موقع الحلم الجميل
وعندك بعد ايكيا بس لاوم تنسقين بلغرفه وعندك بعد هوم سنتر

عذب الجوري
ام جنى وجوان
جزاكم الله الف خير ماقصرتو
الله يناولكم اللي ببالكم يارب
اختي ام جنى
اللي فهمته منك انهم يفصلون على كيفك يعني صح؟؟
كذا احسن لأن عندي افكار ابغاهم يسوونها
على فكرة شفت ايكيا بس غرف الاطفال ماعجبتني ساده مره وانا اطفالي صغار يبغون ملون وولدي يبغى على شكل سيارة وشفت هوم بلازا بس حسيته مايتحمل مره خفيف
بس عجبتني مره فكرتك اللي تاخذي من عندهم الظهر والسرير تحطين زي نظام الفنادق
مشكوره حبيبتي افدتيني كثير والمحل تذكرته دايم نمر من قدامه وحنا رايحيين الخبر
تقبلي تحياتي

هلا حبيبتى ايه يفصلون لك الى تبغينه انا جبت موديل غرفه بناتى وهم فصلوها لى وحتى سيارات يسون لانى شفت عندهم موديلات لسيارات حتى الموقع الى حطيته فيه موديل للغرف وسيارات انا كلفتنى كامل 4400
والمراتب الوحده 800 ريال من (بيت المراتب) وخذيت منه بعد مفرش ضد البلل (احتياط) بس اذبتفصلين روحى من بدري لانه الغرفه يفصلونها لمده شهر ونصف واكثر بعد اول شى يسوي عينه للصبغ وبعدين يبدء والصبغه الى صبغ لنا الغرفه صبغه ناريه
موفقه حبيبتى

تسلمين اختي ام جنى وجوان
طيب وين بيت المراتب؟
سامحيني تعبتك معي