ساعدوني ياحبايبي

صباح _ مساء لكل الفراشات الرشيقات
واللي للحين ماوصلوا لوزن اللي هم يطمحون له ربي يعينهم
وينزل الوزن وهم بصحة وعافية ..
بقولكم قصتي ..
من تقريبا سنة ونص نزل وزني والكل لاحظ بهالشي وبعدين أهملت نفسي بسبب الضروف اللي عندي
ربي يفرجها على كل مسلم ياحيي ياقيوم
كان وزني 73
ومع التمارين اللي أسويها نزل
عندي جهاز وكل يوم شوي أتمرن عليه نص ساعه ولا ثلت على حسب مزاجي
والتمرين الثاني
أكون منسدحة على الأرض وأرفع رجولي وكأني راكبة سيكل وأحرك رجولي وكنت أضغط على بطني لأخر
شي وأستمر بالحركة
هذا التمرين والله إنه رهيب ويجيب نتيجة يخفف من الوروك والمؤخرة وفوق هذا يشد البطن
أذكر كانت عندي تنورة ولا تنزل لازم أرفعها وأخلعها بس من بعد هالتمارين صارت تنزل
والشي الثالث اللي أسويه
أشرب شاي الضيافة لإنقاص الوزن بعد كل وجبه والحمدالله نزل وزني
أدري طولت عليكم بالسالفة بس أبي أعرف كم وزني الحين
مشكلتي أخوي والله مايخليني أطلع من البيت ولا أوقف عند الباب حسبي الله ونعم الوكيل
أبي أعرف وزني كم صار الحين
لإن من كم شهر وزنت بالمستشفى 80 والحين الله العالم مدري
أبي أرجع للتمارين من أول وجديد بس
كيف وأنا ماعرفت الوزن الحالي
طبعا ً فطور ما أفطر بس أسوي كافي ويمكن لاا
والغدا أكل شوي رز وبعد الغدا الين بالليل مافي شي بس أشرب ماي وأكل حبة برتقالة صغيرة
والعشا محذوف
طولي 157
والخصر 89
الله يساعدنا ونوصل للوزن المطلوب
هذا صورة مشابهه للجهاز اللي عندي بس الفرق ان حقي مافي شاشة
هذا مع تحريك اليدين للأمام والخلف أما اللي عندي تحريك اليدين للأمام والخلف وتحريك كامل الجسم الجزء العلوي والسفلي
وبإمكانك تخلين يدينك ثابتين ويتحرك الجزء السفلي من الجسم فقط
اللهم متعنا بالصحة والعافية