ساعدوني ياصاحبات الخبره كيف اجهز بيتي للعيد

كل عام وانتم بخير والله يتقبل منا منكم صيامنا وقيامنا امين يارب
ياجماعة الخير --- انا مو عارفه كيف اجهز بيتي للعيد وايش اقدم وايش اعمل
هذا اول عيد ليه بعد الزواج وابغى ابهر اهل زوجي وزوجي واهلي كمان بالبيت وسفرة العيد
ابغى اعمل طاولة بالركن بغرفة الضيوف فيها الحلويات والتمر والتوزيعات ---- الخ بس مو عارفه كيف وايش اقدم كمان
ابغى اجيب اشياء للبيت تدل على العيد وروح العيد من صواني او لمبات او فوانيس
ابغى كمان الاشياء التقليديه اللي بتقدموها عادة بالعيد من الاكلات وطريقة تقديمها خاصة اهل جده ايش عندكم من اطباق معروفه في العيد
طولت عليكم لكن ابغى ساعدوني الله يعطيكم العافيه ولا تقولوا مايمدي ان شاء الله يمدي لان اهل زوجي برى جده يعني ممكن بعد كم يوم يجوني بس برضه ابغى اجهز البيت ليهم حق العيد لو حتى يزوروني بعد شهر مو مشكله اهم شي اتجمل وارفع راسي قدامهم
وسلامتكم يالغاليات
انتظر تفاعلكم معايه ويسلم راسكم