ساعدوني ياصبايا

موفقة يالغلا
ان شاء الله راح انسخ لك دلكة واذا نسيت راسليني

الف مبروك يالغاليه .. والله يوفقك ويسهل امرك يارب .. ويجعل بيتك بيت السعاده يارب
بالنسبه للخلطات شوفي عندي كم خلطه انا مجربتها وحلووه وبسيطه وان شاء الله مامنها مضره
اول شئ صابونك الاساسي صابون الطااوس والصابون المغربي
ثانيا بالنسبه للوجه والرقبه وفتحة الصدر : عندك الزبادي مع العسل
الاماكن الداكنه مثل الركبه والكوع ادعكيها باليمون والجلوسليد الاحمر
ولتطويل الرموش عليك بالفازلين بس انتبهي لا تدخلينه بعيونك
ولترطيب الشفايف عليك هم بعد بالفازلين
ويسعدك ربي

اول شي حياس يَ خيتي في عائلتنا الدميله ..
والف الف مبروك .. والله يتمم لك على خير وكل البنات وانا معاكم ..
بَ النسبه للخلطات انا ماني راعيتها لأني كسول كل يوم اقول بتشجع واطلع اكسل من اليوم اللي قبل .. ^^
بس افضل شي وجربته من قبل حسيت اني ناعمه وفتحت وليتني استمريت .. :(
جلوسليد الاحمر + زيت لوز مر + ليمون + ماي ورد ..
لطخي نفسك فيه وارقدي ولا قمتي من النوم تسبحي بَ صابونة البابايا 3 في 1 افضل شي هي ..
وحمام مغربي كل اسبوع جربته شهرين قبل ملكتي .. قسم اني صرت الق لق
الشعر عندك زيت النارجيل اللي علبته خضرا معدن .. اخقق شي في الحياه لو تستمرين عليه من غير شي وربي يطلع شعرك ياخذ العقل صحي ويلمع وكل ابو شي ..
واخر شطفه لشعرك خليها بماي بارد عشان تتسكر المسامات ولا يتساقط شعرس الحلو
نجي للتجهيز .. ^^
اول شي خذي مبلغ بسيط من مهرك لو مية تصدقي فيها عشان ربي يبارك لك ..
بعدين اعزلي فلوس الفستان والكوافير حق يوم الزواج .. ودام زواجك بشهر 10 _ عندك في شهر سبعه التخفيضات استغليها
ولا تخمين السوق كله كأنك مهاجره
لا خذي شي تستفيدين منه .. يعني بعض البنات طاحت بيدها فلوس تروح تشتري لك مثلاً ميك اب .. تاخد كحل اسود وازرق واخضر وما ادري وشو .. وهي ما تستخدمهم اصلاً شدعوه يختي السوق بيطير ..
يعني خليك عقلانيه في المشتريات بحيث انك تقسمين مهرك تقسيم مرتب ويكفيك مو عقب تخلص فلوسك وتلاقين نفسك توهقتي واشياء كثير ما خلصتيها ..
أبدي حالياً بَ الاشياء اللي مالها موضه ... مثل الاجهزه .. براون لإزالة الشعر .. سيشوار ... استريتر
بيجامات خدي قطن شورتات وبرمودات وطوال لأيام الدوره + بيجامات حرير & ساتان
^ تحسسك انك عروس هالاشكال انك عروس
قمصان نوم قميص أول ليله + قمصان حراير وخلي الوانها زاهيه وشكلي ونوعي بالالوان والاشكال + بي بي دول + لانجري
وخذي لك ثلاث ارواب او روبين الوان اساسيه تحتاجينها وتكون تليق مع اي قميص يعني لو جيتي رايحه دورات المياه وانتِ بَ كرامه تلطشينه وتلبسينه وتمشين ..
فساتين للبيت نعومه .. شورتات .. توبات .. بديهات .. برمودات ارواب قطنيه قصيره هذي حلوه وقت شغل البيت تلاقينها عند سيتي ماكس وريد تاغ وهالاماكن ..
نجي لفساتين السهره .. انا من رأيي تاخذين واحد او اثنين حنا البنات ما صرنا نحبهم كثير ... ملابس الطلعات .. فصلي لك تيورين كشخه .. فساتين نعومه .. بلايز نوعي وشكلي بأشكالها ما بين رسمي وساده ومشجر ومقلم ومخطط واللي تبين ..
كم بنطلون حلوين .. جينز .. كريب .. تنانير طويله وقصيره بَ الوان واقمشه مختلفه
شوزات وشنط خذي الوان اساسيه تليق مع اغلب الملابس وعقب لا خلصتي من الاساسيات شوفي الالوان الثانيه واللي خاطرك فيه ..
الميك اب .. لا تاخذين شي ما تستخدمينه .. بودرة ماك المضغوطه الاستيديو لا تتعدينها حلوه وخفيفه + ارواج عندك ريفلون وريميل حلوه + ماسكرا افضل شي لانكوم وريفلون السودا بودرة لمسه اخيره من فور ايفير حلوه .. بلاشرات مكياجي المشمشي حلو برضو
عطور
خذي لك مجموعه حق يوم الزواج ولا تكثرين اساساً بتجيك هدايا عطور واجد .. ام ام ايش يَ ربي ايش يَ ربي ..
اوه الذهب نسيته
> دايم اخر اهتمامي ..
خذي لك طقم نعوم واحد + شبكتك + سوارتين + كم خاتم وتراه بياخذ واجد من مهرك لأنه غالي هالايام
هذا اللي في بالي اذا تذكرت شي جيتك ..

وعليكم السلآآم ..
ادخلي قسم البشر افضل ..
و ما اعرف شيء ب القصيم يدوب فرقت بين عنيزه الرس بريده ^_*..
من المندوب .. ودي افيك لكن بنات القصيم ماراح يبخلوو ..
يتقل للقسم المناسب |~

اولا الف مبروك ربي يتمم لك على خير
بالنسبه لي انا جربت خلطات كثيره واحس انه مافي نتيجه وانا من النوع الكسول
واحس اللي استفدت منه هو الصابونه المغربيه و ليفه وصنفره للجسم و موية ورد وساونا
هذه الصابونه المغربيه تلاقيها في الصيدليه
هذه الساونا اشتريت مثله من محمود سعيد ب290
الطريقه
سوي الساونا مرتين في الاسبوع مره بس ساونا وبعدين تروشي عادي ومره
سوي الساونا يعني حول عشره دقايق وبعدين روحي للحمام وخذي ليفه ناعمه وحطي عليها صابونه مغربيه و افركي جسمك وبعدين اذا خلصتي رطبي جسمك
وعاد الصنفره سويها مره وحده في الاسبوع انا بالنسبه لي انه بشرتي حساسه عشان كذا ما اكثر من الصنفره والصابونه المغربيه وحتى الفرك بشويش عاد انتي ادرى ببشرتك
وبالنسبه لموية الورد احس تنفع للحبوب السوداء اللي تطلع مع شيل الشعر في اليدين والرجول يخففها بدرجه كبيره ويخليك ناعمه حطي منه قبل لاتنامي جيبي علبه فاضيه وحطي فيها كمية من موية ورد وبعدين ضيفي مويه تكون نفس مقاس كمية موية الورد
امسحي رجولك ويدينك قبل لاتنامي وشوفي النتجيه هذه اخذتها من وحده في منتدى الله يجزاه خير وربي استفد منها
ان شاء اكون افدتك

ياقلبي فرحت بردودكم ماقصرتم
والله يسعدكم دنيا واخره ويوفقكم
واتمنى الله عنده اضافه لا يقصر يضيفها
وماراح انساكم بدعوه حلوه مثلكم ..

مرحبا يالغاليه .. الف مبروك والله يتمملك على خير
شوفي مواضيعي فيه (( تقسيمات المهر أو جهاز العروسه ))
بيفيدك مرا كثير بخصوص ترتيب وتقسيم جهازك وكلها محددة قيمتها
ولاتنسين تردين على موضوعي وبأيش استفدتي ..
اتمنى اكون افدتك ياعسل..

لا إله إلا الله وحده لاشريك لهَ لهُ الملك ولهُ الحمد وهو علئ كل شيء قدير

حبيبتي استمري من دحين على الساونا والحمام المغربي اسبوعيا الي بالبيتوادهني جسمك بزيت اللوز المر بعد كل حمام عشان يفتح ويتوحد اللون
بالنسبة لوجهك لا تنامي ابدا وبوجهك مكياج لازم تنظفيه بالتونك قبل النوم وترطبيه
حتى يدك ورجولك لازم يوميا الترطيب
وتجنبي الشمس قد ماتقدري
واشربي موية وعصاير مرا كثير
بالتوفيق