ساعدوني

سلام يا قلبي ..
ما ذكرتي يا قلبي لا وزنك ولا طولك على العموم المهم يكون عندك اراده وما تستعجلي على نقصان وزنك لأن النقصان السليم يبيله وقت ومجهود منك , فإذا كنت من النوع الي يمل بسرعه من الرجيم وما عندك إراده قوية فتدرجي شوي شوي لين ما تتعودين عليه وتحبينه كمان , فأول شي غيري نظام حياتك ونوعية اكلك , يعني حاولي تقومي الصباح بدري وسوي رياضه او زيدي من حركتك ونشاطك البدني وحاولي تفطري الصبح بدري بدل البيض المقلي بيض مسلوق وبدل جبنه كامل الدسم خذي جبنه قليل الدسم وبدل رغيف كامل كلي نص او ربع رغيف وقليلي السكر في الشاهي والقهوه و زيدي الخضار والسلطه في اكلك يعني بدل ما تاكلين صحن رز ابدي خليه نص صحن رز ونص الباقي سلطه من غير زيت وحاولي تبتعدي عن المقالي والسكريات قدر الإمكان والمشروبات الغازيه كمان وعوضيه بالعصاير الطبيعيه والفواكه وفي الليل نامي خفيف وممنوع التجويع يعني إذا جعتي كلي لقمه لقمتين ما يضر بس مو اكل دسم وممكن تاكلي سلطه او فاكهه وإذا نفسك في المعجنات او الشوكلاته او المقالي فيكي تاكلي قضمه صغيره او قضمتين ما يضر بس زيدي من حركتك ونشاطك البدني علشان تحريقيهم بسرعه ولا تاكلي وتنامي بعده على طول استني ساعتين بعد الأكل على الأقل وبعدين نامي ويستحسن شرب الشاهي الأخضر والزهورات بكثره ومن غير سكر ..وصدقيني مع الوقت معدتك راح يصغر وراح يتعود على الأكل القليل وما راح تتعبي مع الرجيم ولا راح تتركيها اصلا ونسيت اقولك من اليوم ابدي قللي الزيت في اكلك ومن المستحسن تاكلي اللحوم المشويه او حتى المسبكه مع زيادة الخضارفيها مع ملعقه زيت زيتون حاولي تبتعدي عن الرز وعوضيه بالخبز ولا تنسي تمضغي اكلك زين وعلى اقل من مهلك لأن هذا الطريقه تخليكي تشبعي بسرعه وبعدين يا ستي انت من نفسك تبدي تقليلي اكلك شوي شوي وصدقيني هذا الطريقه عن تجربه يعني لا راح يتعبك ولا راح يهرلك شعرك ويتعب بشرتك بل بلعكس هو صحيح راح ياخذ وقت بس صدقيني راح تتغير حياتك للأحسن بأذن الله تعالى ,وياريت اكون افدتك عزيزتي

عذب .............كلام سليم

يسلمو على المعلومات