ساعدوني

يا بنات انا متوهقه
اشتركت في قناة جمالك من كم شهر على بالي ان اشتراكهم شهر ويقضي
بس للأسف الشديد مانتهى
حامت كبدي وكل شهر يشفطون مني 12 ريال الله لايبارك في عدوهم والأدهى اني لقيت موقعهم على النت!!
يا قهري كنت اقدر القاها ببلاش وانا ادفع لهم<<<كني بوحده فيكم تقول اخلصي...الزبده؟؟
الزبدة <<<< ترا ماأقصدك يا مخفوقة لا تتحمسين
ابي انهي الاشتراك كيف؟؟
رقمهم ضيعته
اتصلت على 905 قالوا مو مسجل عندنا <<< ياخسارة الريال بس
اتصلت على 902 قالوا هاتي الرقم أول<<احلف؟؟ انا لو عندي الرقم كنت كلمتكم أصلا؟؟ اشوا ان المكالمه مجانيه
كأني اشوف كم وحده تعفط وجهها وتقول يالبخيله
اقول لها بلا تفلسف
2ريال كل شهر استفيد منها
اشتري كيت كات <<< عشقي الأول
جالكسي <<<عشقي الثاني
فشار <<<< وه بس
بيبسي <<<< لاتقولون مقاطعه احبه ولو اني ما أشربه الا كل شهرين مره
واجلسي تابعي فيلم رعب
ابو الفله يا ناس
احم احم
مو كأننا طلعنا من الوضوع؟؟
المهم الله يعافيكم اللي عندها رقم هالقناة تسعفني به بسرعه
ولها شكر مقدم و2 جالكسي