ساعدوها ضروري الله يساعدكم و يفرج همكم

1. و ندمانه أشد الندم و قربت من ربنا الله يثبتها قولو آمين

صبآح / مسآء الخير ..
بما أننا كلنا أخوات و المكان هذا أعتبره بيت ثاني ليا
اليوم جايه أحكيكم في مشكلة وحده تعز عليا و قريبه مني جداً
بإختصار البنت كانت تحب ولد صاحب أبوها ، أبوها و أبوه كانو أكثر من أصحاب
قدر الله و أتوفى أبو الولد قبل كم سنه
البنت غلطت و أتعرفت على الولد و بدأت معاه في علاقه
بعد ما بدأت العلاقه جا الولد و خطبها من أبوها و أبوها وافق
كانو صغار يعني في أول جامعه (هما قد بعض ) و عشان كذا أجلو الموضوع شويا
و في هذي الفتره أمها أكتشفت أنو بنتها تكلم الولد و على علاقه فيه
فقالت لأبو البنت و بكذا سارت قطيعه بين الولد و أبو البنت سنين طويله
الولد سار يدرس في نيوزيلاندا و البنت بقيت في السعوديه
أول ما سافر وعدها أنو رح يقلب الدنيا و ياخذها بأي طريقه
و في البدايه أتحجج لها بأنه ما يقدر لأنه طالع على حساب أمه و وعدها أول ما تجي له البعثه ياخذها
و بعدها جاته البعثه و قالها أنو بيغير البلد إللي بيدرس فيها و بعدين بياخذها
غير البلد و كمل سنه فيها و كل مره تسأله متى رح تصالح أبوي يقولها إن شاء الله بس قولي لي كيف؟؟
و مرات يتحمس و كل شي لكن ما ينتهي اليوم إلا و ينسى كل إللي وعد البنت فيه
و المشكله مو في علاقتهم بس !
المشكله في أنو الشيطان وسوس لهم و أتعدت علاقتهم التلفون و ألين ما وصلت أنو (عاشرها)
الله يهدينا أجمعين يا رب
أستمرت علاقتهم 6 سنين تقريباً
البنت تحبه بالمره و دايماً تحاول تسوي إللي يرضيه
و هوا شخصيته صعبه رغم أنها متأكده أنو ما في أحد في حياته بس على أي شي يزعل منه يقطعها
بالأيام و بالأسابيع و أحياناً بالشهور
و كل ما قابلها يحاول معاها أنو يمارسو ........
هيا ملت من الموضوع هذا كله
و من مماطلته و خايفه من عقاب ربنا
بس دايماً تجاريه لأنو الشي هذا نقطة ضعفه و هيا ما تبغى تخسره !!
الآن أبوها أتصالح من حبيبها من شهر و شويا
و الولد رجع خطبها ثاني منه
لكن أبوها مو موافق على زواجهم و أبوها إنسان مريض نفسي
يوم تلاقيه كويس و عشره لا !
يعني أول ما قابل الولد كان مبين أنو موافق و لما قابله المره الثانيه قالو أنا رافض الموضوع !
و عندي مشكله أكبر
البنت حامل
و الولد رح يسافر بعد العيد
يعني لو ما وافق أبوها رح تروح بين الرجلين
الولد سمع كثير من الناس أنو عادي ينزل الجنين ف حاط في باله هذي الفكره
على قولته كحل أخير
هيا الآن وعدت ربها بأنها ما تكرر الغلط ،، و في نفس الوقت ما تبغى تقتل النفس التي حرم الله !!

و ندمانه أشد الندم و قربت من ربنا الله يثبتها قولو آمين

أنا لو ما أعرف أنها إنسانه كويسه و عانت كثير في حياتها مع أبوها و هذا اللي خلاها تنحرف <<<--- ادري انو مو سبب مقنع بس هيا عانت كثير من قسوته و لقت في حبيبها الحب اللي تتمناه و اتحرمت منه ، هيا ما يعيبها إلا دا الشي ما كان استمرت علاقتي فيها للآن !!
و شي ثاني يخليها تتعلق في الولد هيا من كثر حبها له من يوم ما دخلت الجامعه و بدأت علاقتهم نست الدراسه و كانت كل سنه تأمل نفسها أنها تتزوج و تترك الدراسه هنا عشان تدرس معاه
فأهملت دراستها و المفروض تتخرج السنه هاذي و التساؤلات كثرت و أبوها رح يقتلها
لو عرف موضوع دراستها و حملها يعني مستحيل و من سابع المستحيلات تقوله على هذي الموضوعين لا هوا و لا أمها
و كانت تبغى تفرح أمها إللي عانت مع أبوها و تطلع تدرس بره و تعوض إللي فاتها هنا
الله يخليكم ساعدوني و لاقو لها حل!
الولد يبغاها بس فيه برود مو طبيعي !!
إيش المفروض يسوي و كيف لازم تتعامل البنت معاه ؟؟
ما في وقت
ساعدوها الله يساعدكم !!!!
و أعذروني الكلام مو مرتب بس و الله كل ما أفتكر الموضوع قلبي ينحرق
و لا اعرف اتكلم
جزاكم الله ألف خير مقدماً
ربي يريح بالي و بالها و بال الجميع