سعوديه مغربيه سوريه بنغاليه اهم شئ ادخلي

السلام عليكم ورحمة الله وبركاته
امم بصراحه عندي احساس انه فيه كم عضوه يوم شافو العنوان كل وحده منهم نادت بنات الحاره
وجابت معاها الخيزرانات وداخله ياقاتل يامقتول ..
وطبعاُ تتفاجئ انه موضوعي طرحته على آساس الوحده العربيه بين المسلمين ..
والي لاحظت انه اختفاء من كم اسبوع شفت بنات لهم نفس الدين ونفس الرب ونفس العقيده ..
يتنابزون بالألقاب انتي من جنسية كذا و جنسية كذا وع مدري اش فيهم ..؟!
معقول وصلنا لهذآ الحد من صغر العقول وعذراُ على هذي الكلمه بس هذا الي انا شايفته..
وينا عن عائشه الطاهره مانفتح مواضيع ندافع عنها ويننا عن القضايا الدخيله علينا ليه مانناقشنها
ونرفع مستوى وعينا وتفكيرنا عن كل تافهه وصغير.
صراحه يابنات انا مره زعلت واستغربت من اسلوب بعض الاخوات الي حاولو يفرقون بين الجنسيات
واحنا بالأصل اخوان وعرب والأهم يجمعنا دين واحد وعقيده واحده اساسها لا اله الا الله محمد رسول الله
والأكثر من كذا استغرب من الردود على هذي المواضيع الي تنم عن ضعف الثقافه والجهل الي وصلنا له ..
احب اوجه رساله لكل آخت مسلمه اجمتعت معانا في بيت الفراشه ..
الرسول صلى الله عليه وسلم نهى عن التفاخر بالأنساب وما الى ذلك ..
ومن القواعد الذهبيه الي عرفناها من الرسول عليه افضل الصلاه والسلام ..
( لافرق بين عربي ولا اعجمي الا بالتقوى )
نجي احنا بنات بلاد الاسلام نطبق عكس القاعده ونقول الجنسيه هذي فيها وو ...
هذا الرسول صلى الله عليه وسلم علمنا القاعده الذهبيه الي من منظورها نتعامل مع اخواننا
المسلمين ..
اتمنى يكون التفاخر بيننا بالدين بالدفاع عن الاسلام ..
واحب انوه لشغله بسيطه :
كل جنسيه ... لا مو جنسيه .. كل بيت .. كل حي .. كل مدينة .. كل دوله
فيها الصالح و العاطل ..
بالاختصار التربيه هي اساس كل شئ لاتقولون الجنسيه هذي مدري اش فيهم وهذي مدري اش فيهم
لا حبيبتي .. في البيت الواحد ممكن تلاقين ولدين واحد صالح والثاني الله يهديه ويصلحه ..
بالنسبه للزواج من الجنسيات هذي كلها ارزاق و اقدار ما احد له حكم او دخل فيها وانا وانتم ما يحق لنا
نصف اي جنسيه حسب تعاملها مع الزوج ..
لكن كل زوج و زوجه مختلقين بطبعهم عن اي اثنين اخرين ..
وبالأخير
اتقدم بأسم بنات منتديات الفراشه بالاعتذار لكل اخت مسلمه انخدشت كرامتها او
انجرحت من اي اخت بسبب مواضيع التفرقه واتمنى تقبلون عذري وتتصافى القلوب
ونرجع احباب واصحاب..
و اتمنى يكون موضوعي خفيف عليكم ..
امم لي طلب آخير من جد محتاجه كل آخت تدعي لي بظهر الغيب ان امور خطوبتي و زواجي تتيسر
والسلام عليكم ورحمة الله وبركآته ..
غروب . .