سفره العجمه

والله في أخت في المنتدى عارضة سفرها وهي عندها خبرة في هالمجال وتصمم بعد على ذوق العروس بس مو ذاكرة اسمها
بسوي لج بحث وان شاء الله اقر اساعدج

كاهي وحدة في قسم "الفراشة مول "
حاطه اعلان عن سفرة للتأجير
+
محل ليالي فرح في سوق واقف عندهم سفرات عجم رااقيه
انا سفرتي في ملجتي من عندهم بس اسعارهم غاليه شوي
ب 50 و 60 دينار

والله تقدرين بعد اتحصلين عدد من اعداد الوسيط، واختاري، وبعد قبل فترة على ما اعتقد ان عروس البحرين كانت حاطه صور لسفرة العجم وتقدرين ترسلين لها رسالة على الخاص
وألف تحيه

ساء الخير ممكن سؤال وبدون احراج؟
شنو سفرة العجمه؟

السلام عليكم
في مؤسسة شيدا
بمدينة عيسى في السوق الشعبيه
في سفر عجم روعه وعلى عشرة موديلات والوان مختلفة

أختي ريهام .. سفرة العجم تعمل في ليلة الملكة (العقد) او الحناء عندنا في البحرين ، وعندكم تشابه سفرة أم البنين إذا كنتي تعرفينها .. وهي عبارة عن مائدة توضع امام العروس وتحتوي على اواني ومناظر وقرآن وشمعدان وهي تكون صناعة ايرانيه طبعا ، وتكون لونها اخضر او ممكن احمر والبعض يمزج ألوان ، وتحتوي على الحلاوة اللي تكون مغلفة بطريقه جميلة وتوزع على المعازيم عقب الحفلة ...
أتمنى اني وصلت لج الفكرة
مع تحياتي..

مشكورة أختي انسة فرفورة انا فهمت قصدك بس انا ما مرة سمعت عنها وما شفت هالشي يوم ملكتي بس انا ان شاء الله بشوف امي واسالها ونسويها حق اختي مشكورة مرة ثانيه

سفر عجم في وحده عندها سفرة عجم تأجرتها انا بملجتي كانت روعه و حلوة و كبيرة و فيها حوالي 50 قطعه من السلال و الاواني و المزهيريات و كل شي كان تأجيرها ب 25 و التأمين على ما اظن انه كان 5 دينار و اذا تبينها مع الحلاوة تكون بخمسين دينار اذا تبين قوليلي على الخاص و هي من السنابس بدور لج رقمها من الحين