سلسلة مواضيع سرقو نكي وميجو 1 الكلام الجنسي اثناء المكالمات

لكل بنت تعاني وتستحي وتقول ساعدوني زوجي يقول ... زوجي يسولف عن ..
السلام عليكم يا عرايس
طبعا هالموضوع مشترك بيني وبين اختي وحبيبة ألبي " سرقو نكي "
وراح يكون سلسلة مواضيع مو موضوع واحد بإذن الله وهدفها توعية العرايس قبل فوات الاوان وياليت كل عروسة تقراه وتحط كل حرف ببالها
لأنه بالاخير راح يصب في مصلحتها بإذن الله .. واحنا مانتمنى لكم الا كل خير والعيش بسعادة مع ازواجكم
شووفي اختي
لما تجين مهرولة للمنتدى وتكتبي موضوع طول بعرض
بنات الحقوني زوجي يبغاني ابووسه
زوجي يبغاني اسولف معه واتجاوب معه وانا استحي
زوجي زعل مني لأنه ترجاني اتكلم معه بهالموضوع وانا رفضت
زوجي يبغى يسمع مني كلام حلوو لكن انا ماعطيه وجه
زوجي يدق علي كل شوي وانا اسفطه ومابي ارد عليه استحي
يا اختي في الله وياحبيبتي .. اعرفي قبل كل حاجة اني كتبت هذا الموضوع عشانك وعشان مصلحتك
لأنك انتي اللي بتتعبين بكرى وانتي اللي بتندمين وبتقولين ياليتني ماكنت جافة مع زوجي بفترة الملكة
تبين تعرفين ليه ؟
اول حاجة انتي تخيلتي شكلك بليلة الدخلة .؟
بتقولين لا ويمكن تقولي اي
بكل الاحوال
كل الاشياء اللي ماكانت تعجبك لما كان يقولها بالتليفون .. راح تصير لما يتسكر عليكم الباب
لكن الفرق ان انتي ماتعودتي تسمعينها ولا عودتي نفسك على تقبلها
بتروحي واعصابك مشدودة اضعاف مضاعفة عن البنت اللي كانت تتجاوب مع زوجها وتاخذ وتعطي وتتفاهم معاه
لأنها رسمت لنفسها صورة واخذت فكرة عن اسلوب زوجها وايش يحب وايش مايحب
اما انتي حرمتي نفسك من هذا الشي .. راح تروحين وكأنك رايحة للمشنقة شايلة هموم على راسك واولها ايش راح يصير بليلة الدخلة
انتي بهالفترة لازم تكوني مهيئة عقلك الباطن وحواسك على تقبل هذا الموضوع
كلنا بالبداية كنا نستحي ومانتقبل لكن ضغطنا على انفسنا وشدينا عليها مرة على مرة لين صار الوضع عادي
مو معناها اننا صرنا جريئات ووقحات لا .. بس صرنا فاهمين الفكرة وقدرنا نوصل لعقلنا كيف يتخيلها وجهزنا حالنا كيف راح نكون وكيف بنتصرف
وبغض النظر عن كل هذا
انتي لاتتضايقين لما زوجك يتكلم ب هالمواضيع تراه حلالك وانتي حلاله .. انتوا مو قاعدين تكفرون
اذا ماسمعتيه ولا عطيتيه جوه لاتزعلين لو سهر عند اصحابه ولا كلمك .. لاتزعلين اذا اشبع رغباته بأشياء انتي ماتبينها ولا تحبينها
لاتجين بكرى تصيحين لأن محد بيحس بحرقتك غيرك
ومو دايم الحياء محمود .. وفهالموضوع الحياء مو في محله .. استحي لكن لاتبالغين بالحياء
كوني طبيعية
واذا كنتي فعلا انثى وانا بتكلم من جانب علمي الحين
بالبداية راح تتضايقين من المواضيع هذي ومن زوجك وتشمئزين وتكتئبين
لكن بعدين راح تلاقين نفسك مستمتعة وتحبين لما يفتح هالمواضيع << انتبهوا هالكلام علمي مو معناه اللي كذا قليلة ادب وماتستحي ومو متربية
لأن طبيعة المرأة كائن سمعي << احنا نحب نسمع كلام حلو ورومانسي ونخق على هالاشياء
اما الرجل كائن حسي << الرجل يحب يشووف يحب يلمس يحب الاشياء الحسية اكثر من المرأة
فأنتي لو عودتي زوجك على الصد وانك ماتسمعين له وانك تستحين .. بكرى راح يتعود ولما تتزوجي بيصير خلاص
ياخذ حاجته بدون مايشبع حاجتك بالكلام والغزل والكلام والغزل اثناء العملية الجنسية مهم جدا جدا للمرأة ويثير شهوتها
انا اتكلم لكم ويمكن بعضكم يقول اني وقحة واتمادى لكن كلامي كله ماجبته من الهوا
الحمدلله انا زي ماابغى زوجي يرضيني ويسعدني بأشياء كثيرة بعيدة عن الجنس
انا كمان لازم اسعده واعطيه .. فأقل حاجة اسويها عشاني وعشانه اني اثقف نفسي واطلع
مو اروح له زي البهيمة اللي ماتدري وين الله قاطها
لازم اثقف نفسي جنسيا واجتماعيا وكيف اتعامل مع المشاكل وكيف احلها بدون مااحتاج مساعدة من احد
مو بس افكر بالهدايا وايش اجيب لمحروسي وايش احلى عطر رجالي
ولا زوجي مايلبس حلو ولا مايجيب لي هدية ولا مايعطيني مصروف
في مواضيع اكبر من كذا واهم من كذا ..
لاتخلونا نركز ع التوافه وننسى الاساس
ومع احترامي للي تقوول " لا غييري الموضوع معاه وقوليله كل شي بوقته حلوو وازعلي ولاتكلميه وخليه يندم والصح انك تسكتي لانو يدل على حسن تربيتك .... <<< ؟!؟!؟
انا اقللها سلامات !!!!!
اولا : لما يكون خوويها نقول معاكي حق لكن دا زووجها حلالها
ثانيا : دا مجرد كلام في الجوال
ثالث شي : الرجل بيتبع فطرتوو وبيبدأ معااكي كلام عشان تتعودي وتتأقلمي مع الوضع
ولو زعلتي وسويتي فلم هندي راح تكرهيه انو يفتح معاكي اي موضوع لانك ابسط حقوقه اللي هي انك تخليه يفضفض ويقول اللي في قلبه بتمنعيه منها
وعلى فكرة اللي تقول الرجال مايحبو البنت الجريئة وخليكي ساكتة ولاتردي وازعلي << ترى دا الكلام من زمن جدي لما كانو مايدرو عن شيء ولا عندهم احد يثقفهم وينوورهم
ولما يلاقو وحدة جريئة يقولو قليلة ادب وف***** ..ومن فين اتعلمت ؟؟؟؟؟؟؟
لكن في زمننا الشباب بحبو البنت الفاهمة المثقفة في كل شي ولو سويتي نفسك يآآآآي بريئة مااتدري عن شي راح يشك .. لاننا في زمن خلااص النت علمنا كل شي
بس مو معناه انك تفسخي الحيا .. اتجاوبي معاه وضحيلو انو الكلام دا يعجبك بس بخجل عشان يحس انك سليمة مو متخلفة
وعشان مايروح بالليل وانتي نايمة ويفتح النت ويبحث عن صور اباحية .. ولا تفتحي جواله ولاتلاقي مقاطع فيديو اباحية
او تصيدي انوو كان يسهر على دردشات وتشوفي محادثاته مع بنات وكلها عن الجنس والكلام الاباحي
لو فكرتي كويس راح تلاقي انك سبب في وضع زوجك .. لأنك حرمتيه وهو ساكت وبعض الازواج تتعب وهي تحاول تغير بحريمهم لكن لاحياة لمن تنادي
ومدري ليه انتوا مصرين ان الحياء شي حلو بهالامور
كوني خجولة وحياوية بعد مايخلص هذا الموضوع .. كوني خجولة لما تدخلي معاه محل وفيه شباب .. غطي عينك ونزلي راسك ولاتتكلمي بصوت عالي ولاتسمع خلق الله ضحكتك
كوني خجولة لما زوجك طول بعرض يكون واقف قدامك وانتي اللي تحاسبين وتكاسرين بالسووق
سبحان الله بهالوقت اكثر الحريم ينسون الخجل ..
وااخر شي نتمنا اي رد فيه تشكيك بكلامنا ومعلوماتنا يثبتلنا العكس بكلام منطقي وبكل أدب واحترام
وبكذا نكون خلصنا الموضوع الأول من سلسلتنا
ونسأل المولى عز وجل ان يديم عليكم الاستقرار والسعادة
ويتمم علينا بالخير