سلطه للدايت مره خوقاق

اول موضوع لي بمنتدى دايت شوب
يعني اجبروا بخاطري بوضع رد حبيباتي
هذي سلمكم الله سلطه انا عايشه حاليا على الله ثم عليها
لانها لذيذه وحلووه وفيها كل الاشياء اللي جسمي يحتاجها وتشبع وتملى البطن
يعني ما راح تلتفتين لصحن الرز حق اختك ولا لدجاجة اخوك <<< تعاني
الموهيم
الطريقه وهي كالاتي
اول شيء
جيبي صدر دجاجه وقطعيه حسب الشكل اللي تحبين يعني صغير ولا كبير على حسب رغبتك
وبعدين حطيه بصينيه تيفال على النار وبدون زيت خليه يستوي مع التحريك المستمر
واذا خلص
قطعي فلفل بارد <احمر واخضر واصفر > ..... <<<< وما خلق الله << تستضرف
وجرجير برضو قطعي الكميه اللي تبين
وخس اذا تبين
وبصل اخضر او بصل ابيض
وبعدين جيبي تفاح اخضر وقطعيه انصاف دوائر واذا عندك اله براون تراه خطير فيها
واذا تحبين تكون متكامله بجميع القيم الغذائيه
جيبي حبه وحده توست بر وقطعيها مربعات وحطيها بالفرن تتحمص <<< احيانا اسوي كذا بس مو دايم لان النشويات تسمني حيل
وبعدين حطي عليهم ليمون
وزيت زيتون <<< مهم بالدايت عشان البطن ما يمسك
وشوي ملح وفلفل اسود
وشوي خل بيض
وبالهنا والعافيه :ق1:
بصراحه انا طايحه فيها هالفتره ما اكل الا هي لاني حسيت ان فيها كل شيء
اتمنى تعجبكم واذا احد جربها يعطينا رايه عشان يتشجعون الباقي ويجربونها
واذا جربتوها علمووني