سمينه وماحضرت زواجات فابي الشور الله يحقق لها كل خير من تفرج عني 1

كلها وجع وألم !

13-01-2022 - 09:06 pm

ووين افصل ؟ (انا من سكان مدينة الرياض)

السلام عليكم ورحمة الله وبركاته
أسعد الله صباحكم / مساكم
بكل خير ورضا وطاعه وسعاده
وكل الود
أخواتي..
شاءت الأقدار أن يكون لي من هذا اليوزر (اسمي المستعار) نصيب كبير !
جيتكم أبي منكم العون بعد الله سبحانه وتعالى ,
فلا تردوني وفرجوا لي كربه عسى الله يفرج عنكم كل ضيق ..
عمري في بداية العشرين متعلمه ومثقفه ومملوحه بشهادة اللي حولي ولله الحمد
لكن أعاني من سمنه :(
وزني تقريبا 122 كغم للأسف !
أهلي (غير إجتماعيين) أبدا خصوصا امي
مافيه عندنا اي تخالط او علاقات مع الناس (لا نزور ولا ننزار) ماادري عن الدنيا ؟؟!!
اللي حدني على الكتابه إن
صديقه عزيزه لي بتتزوج في اخر شهر 6 وعزمتني وان شاء الله بروح
طبعا انا اسمعهم يحكون عن
الزواجات - الموديلات - الرقص - ..........
وانا ماسبق وحضرت عرس (ماادري كيف بنخطب وأتزوج ؟؟ وانا مااعرف العالم ولا يشوفوني؟)
ولله الحمد انا حلوه بس سمينه :( آآآآآآآآآآآآه آآآآآآآه
الحمد لله على كل حال ونعمه .. لكن
أبي منكم تفيدوني ايش الموديلات والموضه من الألوان ؟
وايش اللي يناسب جسمي ؟

ووين افصل ؟ (انا من سكان مدينة الرياض)

وانا من الطبقه المتوسطه واخالط الطبقه العاليه بس طبيعة عايلتي بعدتني عن المناسبات الاجتماعيه
وامي ماتدخل في احد ( احبها وربي رغم كل شي ... عانت كثير من اخواني واشوف في عيونها رغبة انها تبي تشوفني عروس بس مابيدها حيله وغصب عنها سنين وهي ماتخالط احد بس جماعتنا ونادر بس في المناسبات الرسميه ) !
أنا بحضر الزواج بدون احد من اهلي لكن مااعرف وش اسوي ؟
صديقاتي مايعرفون عن وضعي الاجتماعي شي وودي اكون بصوره حلوه قدامهم وقدام الحضور
وكيف بتلاحق عمري اذا قاموا البنات يرقصون وانا ماعرف وسمينه بس ترى سمنتي متوزعه على جسمي مو متركزه في مكان !
هل اقدر اتعلم ولا فشيله ولا وش اسوي ؟؟؟
الله يعافيكم ويوفقكم لكل خير ويجعل مثواكم الجنه دلوني على موديلات والوان واماكن مشاغل لو عالخاص .. وكيف اتصرف بالنسبه للرقص ؟؟
تكفون اخواتي قلة الحيله والمعرفه حدتني على السؤال
كتمت لين ضقت فقلت بعد الله الجأ لكم
!!
والله يحقق لمن ترد كل مناها ويرزقها الزوج الصالح
او يسخر لها زوجها وذريتها اذا هي متزوجه

التعليقات (9)

حجازية عاشقة

14-01-2022 - 12:07 am

حبيبتي ياريتني اقدر افيدك بس ما اعرف شي عن مشاغل الرياض ان شاء الله الاخوات يفيدوك ومبروك لصديقتك وعقبالك بإذن الله
اللهم فرج كربها ويسر امرها وادخل الفرحة إلى قلبها اللهم آمين

سميرة7

14-01-2022 - 01:08 am

والله ياحبيبتي ماعندي فكرة ان شاء الله البنات يساعدونج

سميرة7

14-01-2022 - 02:09 am

والله ياحبيبتي ماعندي فكرة ان شاء الله البنات يساعدونج

حجازية عاشقة

14-01-2022 - 03:10 am

بقايا الم

14-01-2022 - 04:11 am

الله يوفقك ياختي
لو كنت من الرياض ما اقصر
بس عندك التلفزيون دايم يعرضون ازياء عاد اللي يعجبك حاولي ترسمينه وتفصلينه
لان اختى الجاهز مايزبط دايم يبغاله جسم مرسوم بالسنتي متر ودايم يجي عاري ومو ساتر
بالنسبه للرقص تعلمي بالبيت وكل ماتحضرين زوجات كل ماتتعلمين اكثر ..
وربي يوفقك وتنبسطين بالزواج

مـيـراس

14-01-2022 - 05:12 am

ماعندي خلفيه
ان شاء بنات الرياض يفيدونك
الله يكون بعونك ويوفقك يارب

عيوني ذلتهم

14-01-2022 - 06:13 am

يشرفني ان اكون اول وحده اترد عليك بالنسبه للسمنه سوي رجيم الله ما كثرها فى النت وفى كمان فى الفراشه والموديلات انا خالتي سمينه وفصلت لزواج قريب اشترد قطعه حلوه وناعمه ولونها مايل للنيلي على الاخضر وزعتها على قماش ساده شيفون لونه قريب من القطعه ويناسبها بس على الصدر وزعتها الورود الي فى القطعه وكان مره حلو والمشاغل ما اعرف ان شاء الله فراشات الرياض يساعدونك والرقص ترى مو الكل من المعازيم يرقص لا اغلب شىء البناات هم الي يرقصوا زفى موضوع فيه اغاني الدقاقات الي يغنوها فى الافراح بدون موسيقى فى الفراشه وحاولي تتعلمي منها انك ترقصي ترى مايحتاج مره عادي خلك واثقه من نفسك

,,أبصرشو,,

14-01-2022 - 07:14 am

..
ياقلبي عليك والله ..
لاتشغلين نفسك وتفكرين بهمك ..وتشيبين وأنتي توك صغيره..
أول شي حبيت أقولك معلومه ترى مو لازم ترقصين ..يعني ومحد جابرك ولو وحده لزمت عآآدي قومي هز على خفيف..
ثاني شي لازم تكون عندك إراده .زأنك تخسري ..من نفسك شوي وتشوفي نفسك بنوتة وكيوته؟؟زعلى ماأظن أنتي مشاء الله الإراده عندك عاليه..
رووحي لطبيب تغذيه معرووف بأن شغله كويس وتبدي معاه من الصفر ..
أمم ممكن محاولتك برجيمات وغيرها ماتجيب نتيجه لأنك متحمسه وبتشوفي النتيجه بالبدايه بطيئه ورح تحبطين وتتعبين وتعبين نفسك ..روحي لأخصائي تغذيه ..أحسنلك..
وربي أني لو عندي شي أقدر أفيدك أكثر من هذا كان عطيتك لأنك من جد ضيقتي صدري..
أن شاء الله نشوفك موضوع بعد هذا يكون وزنك 61 <<نص وزنك الحآلي..
وبالتووفيق ياقلبي..

hulm

14-01-2022 - 08:15 am

والله اتمنى اساعدك بس اي فكره تجي في باللك للموديل الفستان الي تبغينه ارسليها لي وانا ابحث لك
عموما انا اعرف بنات اسمن منك قبل والان متزوجات وعندهم عيال
ياحبيبتي لاتتشائمين لان زواج قسمه ونصيب والله ذوق الشباب يختلف عن ذوقنا في شباب يحب زوجته تكون سمينه بس الاهم مزيونه

فستان خطووبه←
الله يسعدكم الي عندها خلفيه عن لوازم الخياطه تدخل→