سهرايه

اول شي ربي يبارك في زوجك وثانيا راح اكون كاتبه لك بعض الافكار حبيبتي يمكن تعجبك

مشكورة مره مره اختي ام اسيل
اتمنى ان اجد الافكار في اقرب وقت
الله يوفقك يارب
واتمنى من باقي الخوات كمان يشاركونا بارائهم

فصفص وشاهي والفشار
والا عصير تفاح مع الثلج والشيبسات
والاقهوة تركيه وتشيز كيك
وبالنسبه للسوالف هي تجي من حالها

مثلي والله اوقات احتار و اسكت !!
احسن ما اتكلم واجيب العيد ههه
وهالشي اخذته بعد درس تعلمته ...
في بداية زواجي كنت اسولف عن اي شي .. اهلي اهله روحات جيات مطاعم محلات اي شي يطري على بالي
او اعلق على اعلان او برنامج عالتي في يعني كل شي يخطر في بالك
و في مره كنا جالسين وما لقيت حاجه اتكلم فيها وخفت انو يطفش و يمل !! <<< يليته طفش ولا تكلمت ههه
تذكرت موقف صار المغرب وقلت يالله خل اكلمه عنه وليش سوا كذا << الموقف كان مضايقني لكن نسيته لاني كنت طالعه اساسا .. ف لما فضيت تذكرته
وافاتحه فيه و يعصب و يتضايق و اتهاوش معاه و اقوم للغرفه واخليه سهران لحاله
بعدها تحسفت كثير لأني بعد الزعله رحت لغرفتي ساعه تقريبا ولا جا يراضيني و زادت الحرره فيني
ف رحت اخذ شور حار يروقني وطولت بالحمام كمان ساعه او اكثر !!
وبعدها طلعت و نمت !! كل هذا وهو ما تكلم معاي ولا نطق حرف
ما ادري كم نمت يمكن ساعتين !! ولما صحيت ما لقيته واستغربت
لما طلعت للصاله كان نايم عالكنبه و بدون غطا ولا مخده و راسه مايل مو مرتاح يعني
و كان مره بردان وربي تحسفت و كرهت نفسي
حنيت عليه و صحيته ببوسه وقلت له تعال نام داخل هنا برد عليك و راح للغرفه بدون ما يكلمني ونام
استاهل
المفيد من هالقصه ههه
لو ما لقيتي شي تتكلمين فيه احسن لك تجلسين ساكته احسن ما تقلبين الرواقه والسهره لنكد
وفي الاخير سبحان الله بقدرة قادر تكونين انتي الغلطانه !! <<<< مدري متى بس بيتعرفون انهم يغلطون دايم الغلط علينا
<<<< ادري احس اني كرهتك بالسوالف ههه

ام احيان انا مثلك مع اني برباره وان مسكت اول الخيط الله يعين بس معاه لا لي سستم غير
اسكت اشوف وش في خاطره هذا قبل كل شي
اناقش وش في خاطره
طبعا باسلوب حلو ورايق
المواضيع اللي بيجي من وراها نقاش طويل ابعد عنها
اكتفي بالنقاشات اللي تنتهي وادري اني ماراح انقهر منها
يعني سميها لحظه تفاهم رومنسيه
وبعدها ادلعه باي شي
سم ولبيه وامر وتدلل وابشر والكلام يجر بعضه ويزيد حلاوه
اقوله اي شي
هذا غير الالعاب الزوجيه لو ماشريتيها تقدرين انتي تسوينها عندك بالبيت
في افكار للبنات كثير وانا اخذها من هنا
مو شرط كل سهره لابسه قميص لانجري ترى وع
مره لانجري مره قميص نوم حق سهره
مره بجامه رايقه الوانها وانتي ومخك
لاتخلين سهرتك معاه تقتصر بس عالحب فقط
يعني نوعي مره للمشاعر
ومره للحميميه
ومره للعب
ومره حتى للبلاي ستيشن بستكون لهاقعدهحلوه
واذازيي ماتعرفينله رتبي له واقعدي جنبه واكليه بيدك
وعلقي واستانسي
دبري راسك باي شي
وبعدين شي طبيعي ترى السوالف ماتجي الا من المواقف
يعني رحتي للسوق
لاتقولين كل التفاصيل
هو وش دخله باهلك واختك ومدري منهي ههه
قوليله شفت شي عجبني
حتى لو ماوادك اسمها فتحتي سالفه
وقوليله ابيها للغرض الفلاني ياقلبي وعشان كذا وكذا
اذا ماشريتيه عالاقل عيشتيه خيال هالشي
ومنها توصله الفكره
اللي تبي تعيش وانا اختك غصب تتعلم
وتريح راسها
لان فالاخير ماللزوجه الا زوجها وبيتها وعيالها
الله المستعان
بس اهم شي قبل كل شي
ادعي فقلبك واجعليها نيه هاليوم بما فيه ارضاءء لزوجك
وربي لك اجر ماتتوقعينه بالهسهره
ربي يوفقنا جميع

تذكري مواقف ايام الخطوبه هاذا الي اقدر ازيد ما شاء الله البنات قالو لك سوالفهم عشان تستفيدي منهم

والله انا زيك صراحه بس تلفزيون وفصفص وعصير كدا كل يوم ولا كمان يحط قنوات ما احبها زي الجزيره الوثائقيه اقوم اتركو واروح عالنت

نتمنى البنات يفيدونا بافكار حلوه

زورونا
اتمني ان نكون في المفضلة الخاصة بجهازك
www.ashjanfashion.com/catalog/?aff=138AJP