سي جروحي د

بليز كملي القصة ....
وواو والله تحمست معهم .... لا تتأخرين علينا...

روعة يا قلبي
انتظر البارت الجديد

لوسمحتو حاولي تنزليهم كلهم قبل يوم الخميس لأن حتبدأ امتحاناتي و انا متشوقةةةةةةة
كتير
شكرا و الف شكر

الفصل الخامس
\
/
\
/
كانوا يسمعون الحوار وهم مصدومين...
عريس جديد...ولمين..
لاسيل؟!!
طلعوا بهدوء فوق وقبل لايدخلون غرفتهم مروا ع اسيل طقوا الباب بس ما سمعوا رد
فتحوا الباب وشافوا الغرفة مظلمة بس سمعوا صوت شهقاتها جاية من تحت اللحاف..قربت جواهر بهدووء
بس مسكتها رغد واشرتها .لأ خلينا نطلع احسن
بس هي سفهتها وقربت جلست ع طرف السرير وصارت تربت عليها بهدووء...
....:اسووله حبيبيتي لا تصيحين....اذا ماتبينه خلاص
كلامها خلاها تزيد بالصيااح ويشوفونها تهتز من تحت اللحاف بقووة
قربت رغد:صادقة جوجو اذا ماتبينه عاادي..خالي مارح يجبرك عليه
جاهم ردها...:بليز اطلعوا وخلوني برووحي ما ابي احد...
تنهدت جواهر بخيبة امل وطلعت هي ورغد....وقبل لاتطلع لفت ع اسيل وقالت
...:اذا تبين شئ...او تبين تفضفضين ترا احنا بالخدمة
بس ما جاهم رد طلعوا وسكروا الباب وراهم
سمعت صوت الباب يتسكر...شدت اللحاف عليها وهي تبكي بقوه
"مارح تفهمون مارح تفهمون ابد...ما ابي اتزوج ما ابي اتزوج
ما ابي
اح ب"
/
\
/
\
/
\
((الخميس العصر))
نروح لذاك البيت الفخم الي في الحي الراقي...
طبعا كالعادة ام عمر ماتجلس في بيتها..
عبايتها ع كتفها ومن بيت لبيت وهات حش في خلق الله وغيبة ونميمة...هذي هي جمعتها مع جاراتها وصديقاتها وهالجمعات مافيها خير ابد...
تاركه بيتها وعيالها ماتسأل عنهم ولاتهتم فيهم اهم شئ عندها انها موفرة لهم اكلهم وشربهم....
عشان كذا تركها ابو عيالها وطلقها من زمان وراح يدور له ع حرمة تقدر توفر له الراحة والاستقرار
هند طالعة مع صديقاتها السوق وعمر الله العالم وينه من شله لشله ومايرجع البيت الا اذا يبي فلوس
يمكن نقدر نقول ان اعقل وحدة فيهم
هاله...
يوم دخلت الجامعة لقت الصحبة الطيبة والخيرة الي قدرت تعوضها عن الفرااغ الي تحسه بالبيت والحمدلله خلتها تمشي للطريق الصحيح...
طفشانة قاعدة بالصالة تتفرج ع التلفزيون...تأففت ما فيه شئ زين...وهي تقلب بهالقنوات شدها برنامج لعمرو خالد في قناة اقرأ...وقعدت تتفرج عليه
وبرا في السوق كانت هند مع صديقاتها وما بقى شاب بالسوق مالفتوا نظره بعبايتهم الي تبرق كلها لمعه وعطرهم الي برا السوق يشمه...
تعبوا من اللفلفه والدوران فقرروا يدخلون الكوفي شوب...
في الكوفي شوب
خذوا لهم طاولة(كانوا ثلاث بنات)وقعدوا ومن دخلوه شالوا معهم المكان باصواتهم
وكل وحده طلبت لها شئ تشربه..
البنات كانوا متلثمات ومكياج عيونهم ع اخر شئ...ويوم قعدوا فكوا اللثمة
بعدين قعدوا يسولفون ويتناقشون في الاشياء الي شروها
بس هند مو معهم كانت مشغله البلوتوث وتراسل واحد
حاط اسمه "أمير الغرام":
وهي"قمر مطيحة غتر":
***********
فجأة طاح الجوال من يدها يوم سمعت صوته
رفعت راسها وشافته واقف عند طاولة الشباب والمصيبة ان الشاب الي كان يراسلها قاعد معهم... خافت ماعرفت وش تسوي والتفتت ع صديقاتها
تكلمت بصوت واطي وهي ميتة خوف:بنات يلا قوموا
نوف:خير بسم الله تونا قاعدين
ردت ندى تأيدها:ايه صادقة بعدين مابعد جاء طلبنا انتظري شوي
قاطعتهم وهي متنرفزة ومعصبة:وجع قوموا شفتوا الشباب الي هناك(وماانتظرت ردهم)...
قالت بسرعة وبخوف:
ماجد معهم
شهقت ندى:احلفي!!
قالت نوف ببلاهة:مين ماجد؟؟
هند مو معهم خايفة
ردت ندى:هذا خطيبها
نوف متفاجأة:خطيبها؟؟
بعصبية:يوه مو وقتك انتي...
والتفتت بقلق ع هند
اما هي كل شوي تسرق نظر ة لماجد وهي خايفة
يوم وصل عند الشباب حياهم بصوت عالي:
مرحبا شباب
وسحب له كرسي وقعد
عاصم:لا كان ماجيت احسن؟؟
....:شسويلك ياخي انشغلت
....:الله واكبر شلي شاغلك...من كثر طلعاتك معنا الحين
قام بيروح:يعني تبيني امشي اللحين؟؟
سحبه من يده وقعده:شبلاك انت صدقت..ياخي امزح معك انا..
....:مزحك زي وجهك
....يستهبل:شكرا يعني وجهي حلو
سفهه ولف ع خويهم ناصر...:وانت مالك نية تترك ذا الي بيدك
بس ناصر مو معه متحمس يكتب
ضربه ع راسه...:هيه انت اكلمك...
ضحك عليه أحمد:ههه الاخ مو بواديك ابد...
ماجد:؟؟؟
.....أحمد:ههه شايفله وحده وقاعد يدردش معها بالجوال
سمعوا صوته وهو يتأفف بصوت عالي:أف صكت البلوتوث الله يصكها
عاصم يأشر بيده عند راسه>يعني انت مو صاحي>:مجنون انت شعليك منها
....متنرفز:بلاك ماشفتها..يكفي عيونها الي تطيح الطير من السماء
حط أحمد يده ع خده وقال:ايوه يالعاشق الولهان شلون كان شكلها
صرخ ناصر وهو يأشر ع البنات:شوفوا تناظرلنا
>>>كانت طاولة البنات مقابل طاولة الشباب وماجد معطي البنات ظهره وفي وجهه قاعد ناصر يعني ناصر هو الي يقدر يشوف البنات
وفي طاولة البنات كانت هند قاعدة بحيث انها ملقية الشباب ظهرها...بس ناصر شاف وجهها لانها فكت لثمتها قبل لا تقعد...وعرف انها هي الي تراسله لان مافيه بنت غيرها ماسكه جوالها>>>
هند من الخووف تبي تقوم تروح بس صديقاتها مارضوا يروحون...هي رجعت اللثمة عشان لا يعرفها ماجد
...وفي الوقت الي التفتت فيه شافها ناصر...وطاح قلبها يوم شافته يأشر عليها"ياويلي شافني"...
....:بنات انا باقوم ماعلي منكم
نوف:هي انتظريي
نرجع للشباب
....احمد:ههه صدق قروي الله يفشلك اول مرة تشوف بنت
....:لا والله بس هاذي غير
ماجد بطفش وهو يشرب من عصير البرتقال الي توه طالبه:شلون غير يا الحبيب؟؟
....بدأ يوصفها بحماس:ياخي عيونها مدري شلون جايه كباار وسوود...وخشمها طوييل تقول سيف لا اله الا الله....غير خدودها الحمر المليانه
عاصم:صدق ماتستحي قزيت البنت قز
ماجد يوم ناصر قال عيونها السود الكبار...سرح بفكره لبعيد...لوين ما كانت
هند
بنت عمه وخطيبته...
يحبها
يموت عليها
يضيع بعيونها الحلوه,,,وتسحره بلمعتها الغريبة
>>>لو تدري ان الي يتغزل فيها خويك
هي
حبيبتك...
بس الي لفت انتباهه باقي الكلام الي قاله ناصر
....:احلى شئ الشامة الكبيرة الي قريبة من فمها...(وبحركة مسرحية حط يده ع قلبه)..
....:آآآآآآه ولا اسم بلوتوثها يا نااس
"قمر ومطيحة غتر"
>>>ليتك ساكت احسن
هو قال الكلام من هنا وفز ماجد من هناك...
وبصرخة وهو يخبط بيده ع الطاولة:أيش؟؟
((في بيت هند))
بالغرفة وع أعصابها..هي يوم ناظرها ناصر وخافت...
ماقدرت تقعد..خذت اغراضها وطلعت رجعت للبيت
رن جوالها
"ماجد يتصل بك"
...وفز قلبها
وصار يضرب طبول
"يمه ماجد ايش اقوله الحين"
ماردت..سكت الجوال ورجع يرن مرة
ماقدرت تتجاهله...مهما كان
هذا ماجد ولازم ترد عليه
فتحت الخط بيد ترتجف...
هند:.......
ماجد:مابغيتي تردين؟؟
طاح قلبها وخافت من نبرة صوته"ياويلي اكيد عرف"
.....:الو هند؟؟
بخوف:ه...هلا؟؟
.....:ههه ليه القمر خايف
يوم قال قمر ماتت من الخوف"اكيد يتطنز علي يوم شاف اسم بلوتوثي من صديقه"
....:هند شفيك؟؟مو طبيعية؟؟(ضحك)..لا يكون مستحية مني
....بصوت واطي:لا
....:أدري مالي داعي أدق وماقد صار أي شئ رسمي بيننا
....بتهور:لا والله عاادي
...بخبث:يعني مستانسه اني داق
استحت وماردت وهي مستغربة انه رايق ومو معصب
....بجدية:شوفي هند انا داق عليك ابي نتفق ع الملكة...وودي نقدمها..شهر صعبة..
لو تصير بعد اسبوعين احسن
استحت:الي تشوفه..
...ابتسم:خلاص اجل اكلم عمي واتفق معه....يلا تامريني بشئ
....:سلامتك
...:الله يسلمك ياقلبي
....ماردت وقفلت الخط
دخلت عليها هاله وشافت وجهها أحمر وهي مازالت ماسكه الجوال عند اذنها
....:هلا هند متى جيتي؟؟
انتبهت لها:هاه؟؟
....:أقول متى جيتي؟؟قاعدة بالبيت لحالي طفشانة..
باستهزاء:والله محد ضربك ع يدك وقال احبسي نفسك بالبيت
بهدوء وهي تقعد ع الكنبة البيج الي بالغرفة:وين أروح طيب؟؟سوق ولا مع امي الي كله حش وغيبة ونميمة
بطفش:أقول لا تسوين فيها واعظة..ترا طفشت منك..ايه صح.(لفت عليها..)
ترا ماجد قدم الملكه بعد أسبوعين توه داق علي
...انقهرت منها:كم مرة قلتلك مايجوز تكلميه مابعد صار محرم لك
...:هاله والله لو ماسكتي ان يجيك شئ ماشفتيه..ياثقل دمك بس
....تنهدت بقلة حيلة"هالبيت ماينفع معهم لا الشدة ولا اللين"..:خلاص سكتنا
طيب متى قدمها؟؟
...:قالت بفرح وهي تدور حول نفسها..:توني قايلتلك بعد اسبوعين...
فرحت لفرح اختها:الله ونااسه مبروك الف مبروك والله فرحتلك
وراحت ضمت اختها
ردت وهي تبعدها عنها:هاله مو لايق عليك التمثيل..لا تسويلي فيها فرحانه...
ع العموم الله يبارك فيك
فكتها وطلعت من عندها
وهاله سكتت بانكسار وقعدت مكانها
هند مو مقتنعه ان فيه احد بهالبيت يحس بالثاني....تشوف كيف امها تاركتهم ولا تسأل عنهم
ولا عمرها بينت لهم حبها او عطفها او حنانها
كبرت هي وهاله ع هالشئ التعامل بينهم ببرود
بس هاله تغيرت عن اول...من دخلت الجامعة
والصحبة الصالحة ومجالس الذكر..حركت شئ بقلبها نايم من زماان
صارت تحاول تتقرب من امها واخوانها
حتى ابوها الي قاطعته من زمان والسبب امهم فرح بهالشئ
فيه احد من عياله تذكره
بس اخوانها لا..مازالوا ع نفس برودهم
/
\
/
\
/
قبل كذا في المول
بسرعة راح لطاولة البنات وهو مايشوف من التعصيب
وصل لهند الي ملقيتهم ظهرها..وحط يده ع كتفها ولفها له بقوة...
والي صدمه
انها
ماطلعت هي
صرخت البنت بخوف::خير ياقليل الحياء
وقف مصدووم..وكل الي بالكوفي انتبهوا لهم...
بعصبية:صدق ماتستحي ع وجهك...
هو ببلاهة:أ...أس..أسف والله ماكان قصدي
سحبت شنطتها وضربته بها..:وسيع وجه...وماكان قصدي بعد..
وطلعوا
(ندى ونوف)
...وماجد بمكانه متفشل...
بعدين يوم استوعب طلع من الكوفي ومن المول بكبره
قاموا الشباب وهم مصدومين...راحوا يلحقون خويهم
كان توه راكب سيارته"صدق انهبلت وين اودي وجهي من الشباب شبيقولون عني...
بس عشان قال شامة واسم بلوتوثها بتكون هي؟؟؟
(ضحك ع غباءه)يعني محد يحط هالاسم الا
هند"
...وهومازال يضحك بصوت عالي والي يمر من عند سيارته يتحمد ربه ع العقل..
"والله غبي بقوة"
شوي سمع تخبيط ع شباك سيارته ...رفع راسه وشاف اخوياه كلهم
"والله الوهقة شقولهم الحين؟؟"
سفههم كأنه ماسمعه بس زاد التخبيط ع الشباك واضطر يفتحه
ببرود وهو ماسك ضحكته:نعم؟؟خير شتبون؟؟
عاصم:ههه حنا شنبي؟؟ولا انت؟؟
قاطعه أحمد:بالله عليك الي سويته قبل شوي وشو ههه
ناظر قدام وشغل السيارة:مالكم شغل؟؟
بس ماقدر يحركها لانهم واقفين ع الشباك
دخل ناصر راسه:هااي تر حركتك قويه؟؟مره وحده تمسكها(غمزله)تعرفها؟؟
طير عيونه:خير شهالحكي..انهبلت انت؟؟.ما اعرفها ولا يحزنون
ضحك بقوه:ههه علينا أجل ليش عصبت
...صرخ عليه:أقول مالك نية تبعد عن الشباك..ولا والله تشوف شئ ماشفته...
خاف منه:ههه خلاص(طلع راسه ورفع يده باستسلام)ههه
خلاص ياشيخ بروح...بس مصيري باعرف(ولف ع الشباب)
صح شباب...
ضحكوا وهزوا روسهم يأيدونه
سفههم وحرك السيارة..بس انفتح الباب وركب عاصم
...ناظره من طرف عينه:خير قاط؟؟
...:ههه شهالنظرة بسم الله علي اكلتني..ياخي اكسب فيني اجر ووصلني بطريقك
مارد وحرك السيارة
الهدوء يعم السيارة الا من صوت المسجل
بعد فترة صمت طويلة...تكلم عاصم
.....:هند صح؟؟
فرمل بقوة وبغى يخبط بالسيارة الي قدامه
....لف عليه مصدوم:أيش؟؟
صرخ عاصم:حسبي الله على ابلسك شف الطريق بتودينا بداهية انت؟؟
سكت وهو مصدوم ومشى كمل طريقه
.....:مين هند؟؟
....:ههه تستعبط؟؟الي بالمقهى قبل شوي توقعتها هند صح؟؟
.....:لأ!!
....:أقول اذا بتخفّ ع الشباب كلهم...بس مو علي
.....ضحك:ههه
.....:والله كنت متوقع....بس حركتك قوية...احمد ربك ان البنت طلعت ولا سوت فيك شئ
......:ههه ادري حركتي بايخة...بس ماقدرت امسك نفسي
...بس تعاال..(لف عليه معصب)....شعرفك؟؟ها
....بهدووء وهو يتركى ع الشباك:أبد استنتجت
خواتك مايطلعون بالحالهم ابد...وانت مو راعي بنات وخرابيط
مافيه الا هي خطيبتك
....:عفريت مايفوتك شئ
...:قل ماشاءالله لاتنظلني انت ويّا هالوجه
....:تف تف ماشاءالله
....ههه بس انصدمت يوم ماطلعت هي...فشييلة والله كل الي بالمكان قاموا يناظرون
...:بلاك اهبل احد يسوي الي سويته..حتى لو طلعت هي مو قدام الناس عااد
...:ادري بس ماقدرت امسك اعصابي
المهم يالحبيب(وقف السيارة وناظره بتعصيبة خفيفة),,ماودك تفارق
عطيتك وجه ترا؟؟
....فتح الباب:ههه اعوذ بالله ما تكمل معروفك انت..خلاص ياشيخ ذليتنا ع هالتوصيلة
ضحك وهو يبتسم لصديقه:ههه ما عاش من يذلك يا ابوتركي
...:تسلم....يلا نشوفك ع خير
سكر الباب وراه...وانتظره ماجد لين دخل بيته وسكر الباب وراه
/
\
/
\
وبنروح لحبايبنا الي يجهزون للحفلة
طبعا يوم رجع سلمان وفراس ((هدى طلبت سلمان تنام عند اهلها هي وشادن
وبالمووت وافق وبتقعد عندهم يومين))
يوم رجعوا خبروهم بالي يفكرون فيه
وبدأوا التجهيز...
يوم الجمعة
سلمان كتبوا له كلل الي يحتاجونه وراح يجيبها
وفراس والعنود ورهف وساره يرتبون المكان الي بيسوون فيه الحفلة ومعهم فاطمة
وام سلمان تساعد بس ع خفيف لانها تتعب بسرعة
وساره ماخبرت فيصل باللي يسوونه بس طلبت منه ما يجي ياخذها الا عقب صلاة العشاء>>عشان يمديهم يجهزون
الصالة الكبيرة هم قرروا يزينونها...شالوا الكنب الي فيها وفهوود ماريحهم
مره يقول الا باشيل معكم
ومره يجلس ع الكنبه ويخليهم يشيلونه معها^_^
بس رهف تشتغل وهي مو معهم تداري دمعتها....كل شوي تاخذ نفس عشان تبعد الصيحة الي شوي وتطلع...
تحس حلقها وفكها يوجعونها لانها تحبس الصيحة
"ليه يسوون كذا؟؟ليتني ما اقترحت عليهم يسوون هالحفلة..
كرهتها خلاص"
تتذكر كلام ساره قبل 3 ساعات
الصبح دخل عليهم سلمان سلم ع امه وقعد يفطر معهم....بعدين قام وأشر لساره تلحقه
دخلوا المكتب حقه وصح الباب وراه
ولف عليها وبابتسامه..:شخبارك يا أم كرشه؟؟
ضحكت وهي تقعد ع الكرسي:ههه...الحمدلله كويسة...ازيك انتا؟؟
قعد ع الكرسي قدام مكتبه..وقال بجدية:الحين خلاص مقررين تسوون الحفلة؟؟
...:اييه البنات تحمسوا وحرام اكسر خاطرهم...
....:اهاا..طيب ما رح تعزمون احد؟؟
عقدت حواجبها..:نعزم أحد؟؟زي ميين؟؟نبيها عائلية بسيطة...
تنهد ورجع ظهره ع ورا:زي خالتي مثلا!!
.....:وشو؟؟...لا
....:لييه لا؟؟حرام والله خلي امي تستانس بس حابسه نفسها بهالبيت لا تطلع ولا تجي
ع الاقل تشوف اختها تسولف معها
....:ادري والله يعمري يا يمه...بس..
قاطعها:بس ايش؟؟...لا تقولين رهف...خلاص كبرت ما عادهي بزر...نقول والله تخاف من خالتي ومدري ايش!!
تنهدت بحيره وسكتت"ليت الخوف من خالتي"
فتره صمت قصيره...بعدين رفعت راسها كانها تذكرت شئ
...:سلمان تدري ان خالتي جتنا قبل شهر تقريبا...
تفاجأ..:والله؟؟شلون؟؟
....:أمي طلبتني انادي خالتي...كلمتني ذاك اليوم وهي تصيح تقول مشتاقة لأختها مرره...عاد
جت هي والبنات عندي بالبيت..
....:ورهف؟؟
....تنهدت:دخلت سلمت وطلعت بس
ابتسم براحة..:أجل خلااص مادام انها دخلت عليهم يعني معد صارت تخاف..
فالله يعافيك تكلمين خالتي اليوم وتجي هي والبنات
ما قدرت تقول لأ..شكل اخوها متحمس زيهم واكيد وده يشوف خالته..."آآآه يارب يعدي اليوم ع خير"
/
\
/
\
بعدين بغرفة رهف
متربعة ع السرير تفكر..والعنود منسدحة عندها وتفكر بعد بأشياء الحفلة
شوي دخلت عليهم ساره..
...:صباح الخيير صبايا
...رهف:هلا صباح النوور
نطت العنود وسحبتها من يدها تقعدها ع الكرسي:متى جيتي؟؟
....:قبل ساعة يا حلوة؟؟..........أقول عنوده حبيبتي
روحي عند جدّه تحت وشوفي اذا تبيك تساعدينها بشئ...
ضربت لها تحيه.:حاضر يا عمه...
وطلعت ركض لتحت..
أول ما طلعت قامت ساره بسرعة وسكرت الباب بالمفتاح
...:أشواا خفت تنشب لي..
رهف علامة استفهام كبيره..:سارونه شفيك؟؟
لفت عليها معصبة ويدها ع خصرها..:كم مره قلتلك سارونه حقة فيصل بس
.....:ههه سوري نسيت
قاطعتها وهي تقعد جمبها:المهم ما علينا...اسمعي الي باقولك زين...
رهف:؟؟
"ياربي شلوون باقولها..بتقعد تصييح"
...غمضت عيونها وتكلمت:رهف سلمان طلب مني شئ وما قدرت اقوله لأ...
باستغراب:وشو؟؟
تنهدت وناظرت فيها بقلة حيلة:يبغى يشوف خالتي وطلب إنا نعزمها اليوم
قامت ع طولها بسرعة..وصرخت:نعم؟؟خالتي تجي؟؟
لا
قاطعتها:يا رهف خليها تجي كلها ساعة هي والبنات ويروحون بسلامتهم
ضربت الارض برجلها بعصبية..:لا يعني لا ما ابيهم
....:وش اسوي انا؟؟امي وسلمان يبونهم...
شدت قبضتها لبلوزتها من تحت ومشت بالغرفة بتوتر كبير
...:مدري مدري ما ابيهم...
جت عند ساره مسكت يدها وعيونها تلمع من الدموع
....:ماما ساره تكفين>>تستعطفها بكلمة ماما
....:مو بيدي يعمري والله حتى انا ما ابيهم
بكت وبكت بس وش يفيد بكاها؟؟
مسكت بلوزة ساره من قدام وشدتها لها...:الا بيدك
بترجي وهي تبكي:تقدرين تقولين لهم لأ..تقدرين تقولين ما ابيهم
قامت وعطت اختها ظهرها
وبصوتها الباكي:بس انا مين يسمعني؟؟
غطت وجهها بيدينها ودخلت في بكاء يقطع القلب
...وبصوتها المخنوق:ليه ياربي يصيرلي كذا؟؟
ليه كل ما جيت انسى...يصير شئ يذكرني
جت عندها ساره وضمتها من ورا:رهف حبيبتي مو كل مره تسمعين اسمهم تصيحين
تمسكت بيد اختها الي ضامتها بها
تبكي من قلب بدون رد
سحبتها ساره وقعدتها ع السرير..
مسحت لها دموعها الي مغرقه وجهها
..:ساره ما فيه يوم بارتاح فيه
قاطعتها بسرعة مرتاعة:لييه حبيبتي ما ترتاحين ان شاءالله هذي اخر زيارة لهم
..صرخت ببكى وهي تناظر اختها بوجهها الصغير وعيونها الي بحر دمووع
...:يعني مصرة يجوون اليووم؟؟ساره (تشاهق)ساره انا..انا..
رمت نفسها بحضن اختها:ساره ما رح تحسين بالي احس فييه..
محد جرب الي انا جربته
ضمتها ساره وهي متندمه انها قالت لها"لو اني قايلة لسلمان لأ احسن...وش اسوي الحين"
....:رهف تكفين خلاص...ترا والله تعبت
تغير صوتها وخنقتها العبره:وش تبين اسوي ترا حتى انا ما اعرف اتصرف..انا زيك بنت مابيدي شئ...
تعبت من التفكيير تعبت من الهم
انا من نفسي ولا من خالتي..ولا امي الي مدري شفيها...مدري وش اسوي؟؟
ضمتها اكثر وبكت..تعبتت من كلل شئ من كل شئ خلاص ابي ارتاح
....ريحيني يا رهف تكفين
"هم اختها هم نفسها والحمل الي متعبها....نفسيتها التعبانه مع قرب ولادتها
وخووفها الي مو طبيعي من هالحمل....كل هذاا كاتمته بقللبها..."
نقدر نقول هدت شوي يعني صوت بكاها خف بس تطلع منها شهقات بصوتها الناعم وهي تهتز بحضن اختها
كانت مصدومة..
ساره تشكي؟؟
ساره تعبانه
كنت احس اني الوحيده المهمومه التعبانة..طلعتي يا ساره مثلي
لا وانا اثقل عليك بهمومي بعد؟؟
ليه انا كذا؟؟
لييه اسبب الحزن والالم للي حولي؟؟
لييه ياربي؟؟"
رفعت راسها وهي تمسح دموعها بكف يدها
ابتسمت لساره الي كانت تبكي بصمت ودموعها خطين ع خدها
في نفسها.."اسفه ياماما"
ضحكت لاختها..:ساره فكرت بكلامك..
رفعت راسها مستفهمة:؟؟
ضحكت وخشمها الصغير محمر وخدودها حمراء بعد...بعد الصياح
>>كان شكلها طفوولي مرره
"قررت خلاص همي بقلبي وما رح ازعج احد مرة ثانية"...:سارونه خلاص خليهم يجون...
..
زي ماقلتي ساعة وبيروحون...(ميلت راسها وبنظرة طفولية)..مارح يضر صح؟؟
ضحكت ساره من بين بكاها:ههه ماتوبين عن سارونه
بلعت غصتها..لانها بترجع تصيح..:ههه مارح اتووب ابد
قامت وهي تمسح دموعها الي تنزل من غير شعورها..
وبيدها الثانية جرت ساره تقومها
قالت وهي ترجع شعرها ع ورا:متاكده عادي؟؟اذا ماتبين بروح اقول لسلمان
..:لا خلاص..(وخذت نفس لان العبرة خلاص وصلت..ولفت للباب عشان لا تشوفها ساره)
...فكرت وشفت انها ساعة مابتضر ان اشاءلله
...قبصت خدودها :يحبييلك يارهف..
ابتسمت:طيب شرايك نطلع نروح نجهز خلاص ما بقى وقت
...:طيب يا آنسة رهف
طلعت ساره بس رهف قالت:انتي اسبقيني وانا باغسل وجهي والحقك
...:اوكيي
قفلت الباب وسندت ظهرها له..
جلست فترة قصيرة..بعدين بكت غصب عنها...."آآآه ياربيي..يعني لازم اعاني لوحديي
خلاص ساره تعبت منيي...مين ارووح له؟؟ماما مقدرر..سلمان مستحيل"
قعدت مكانها وهي مستندة ع الباب
ضمت ركبها لصدرها.."
يمكن مارح يصير شئ...
عادي يجوون>>كانت تطمن نفسها
بعدين حراام خربت ع ساره فرحتها
خلاص ما راح اقول لاحد..
مو خلاص انا كبرت>>تلعب ع نفسها
بس رجعت دموعها تنزل
بس والله توني صغيرة
تعب قلبي

لا
لاتقولو ليش صارت قصة حب...
حرام عليكم و الله حرام...
مابتعرفوا ان قصص الحب... سبب رئيسي من
اسباب الطلاق...
و خاصة ان الطلاق منتشر بشكل فظيع
بالدول العربية ....
مابتعرفوا ان قصص الحب تدمر الشباب و البنات ...
نعم تدمر...
و تدمر المجتمع
و تخلي الواحد يعيش بأحلام خرافية لا انتهاء لها ابدا
و خاصة بالنسبة للبنات.....
يعني الي ينشر القصة... يأخذ الاثم إذا حدا تأثر
بالقصة هيدي و كم و كم من الناس حيتأثروا فيها..
و الدليل تفكير البنات هالأيام تفكير تافه جدا.. و
يقتصر على الحب و كل شي عن الحب...
واخر شي اقول القصص الحب اكثرها ليست
بالواقعية تماما... و الجميع يعرف ذلك و لكن
الناس من كتر ماصاروا يقراو صدقوا.... و حاولوا
يطبقوها في حياتهم...
و فشل اغلبهم.... للاسف.. و بعدين بالنسبة لقضية
الاغتصاب كل ما الناس قالوا خلونا ننشر قضايا
الاغتصاب حتى الناس ينتبهوا و ينتبهوا على بناتهم
الصغار...., و ماعم نلاقي الا العكس و هو
انتشارها بكثرة... ليش لان الكاتبيين و المسرحيين
يعرضو هذه القضية بكامل تفاصيلها ..
كأنهم عم يقولوا يعني الي مابيعرف كيف يغتصب
يتعلم.... بس هنا ماحاسين ان الرسالة عم توصل
سلبية...

لبنانية متميزة مشكورة على مرورك الجميل والكلام الأجمل وبصراحة تعرفين إن كل الرويات كذا

الفصل السابع
\
/
\
/
((في بيت جواهر))
تهز أسيل الي تناظر التلفزيون:اسيل تكفين تعالي معنا
:منيب...اتركيني خلاص
....:الله يخليك اذا مارحتي معنا..ماراح توافق امي...
...:أحسن لاتروحون
.....:لا بليز انا ورغد نبي نطلع السوق مع رهف
.....:اهاا...
سكتت شوي..
...:عشان رهف بوافق بس بشرط
بسرعة:آمري تدللي المهم وافقي..
....:ههه. ماتدخلين غرفتي اسبوع كامل..
...براحة:بس..ع هالخشم...مو بس اسبوع اذا تبين شهر بعد
وطارت للجوال تدق ع رهف
...:ألو
...:رهوف شفيك تردين من غير نفس
.....:اخلصي علي شتبين
......:اظاهر اني غلطانه بالرقم..يلا باقفل
...بطفش:جوجو والله مو رايقتلك..شتبين
...:الحين هذا جزاي اني داقة عليك باقولك نطلع للسوق اليوم؟؟
.....:معليش خليه يوم ثاني...مالي خلق اليوم
....:خير...كل مادقيت قلتي مالي خلق؟؟
اذا ناسيه بعد بكره العيد وحضرتك مابعد شريتي شئ؟؟
>>>ثلاث أيام وهي مريضة جسديا ونفسيا
....:اوكي نطلع اليوم بعد المغرب
...:أخيرا...ترا أسيل ورغد بيجون معنا
....:طيب...يلا سلاام
...:سلام
((بعد المغرب))
في السوق...
أسيل متنرفزه منهم..يدخلون المحل ويطلعون من غير مايشترون شئ
.....:تدرون...أنا بروح اقعد بالكوفي القريب..واذا خلصتوا عطوني رنة
قالت العنود:انا بجي معك تعبت من الدواره
وراحت معها..ورغد بعد راحت معهم
باقي بس جواهر ورهف يدورون
....شافت جواهر قطعة حلوه
رفعتها بوجه رهف:الله رهف شوفي هذي مرره حلوه..بتطلع عليك تجنن
....ردت من غير اهتمام:اوكي حلوه
رجعت البلوزة وجرت رهف من يدها وطلعوا من المحل
...:تعالي...رهف فيك شئ؟؟مانتي طبيعية؟؟
ناظرتها من تحت النقاب...وماردت
بس انهبلت جواهر يوم شافت الدموع
....:هيه رهف بليز لا تصيحين؟؟ع الاقل مو قدام الناس
هي حاسة من اول ان الموضوع فيه إنّ ولا هذي مو رهف الي تعرفها
دقت ع السواق وخلته يقرب السيارة
ركبوا السيارة...بس ماتحركوا
وفتشوا لان السيارة مضللة
....:شرايك الحين تقوليلي..القصة كاملة
لفت ع الشباك..وتكلمت بألم
...:عمر
علامة استفهام ع راس جواهر..:؟؟
....:عمر الحقير رجع...جاء البيت
شهقت:كذابه؟؟
لفت وهي منفعلة:..تخيلي جاء البيت..شافني...(فكها يهتز)م ..م و بس كذا ق..ق رب مني
(بقرف ودموعها تنزل)لمسني..لمسني يا جواهر تخيلي
كان بيسوي الي سواه اول
وحكت لصديقتها كل شئ صار..من طلعت للحوش مع فهد
لين طلع وليد في الاحداث..واختفى بسرعة زي ظهوره
بصراخ وهي موصله حدها من التعصيب:
ما كفاه الي سواه فيك..وله وجه يرجع بعد؟؟
...وهي تبكي:وش اسوي؟؟
...:وشو وش تسوين...ياالخبلة علمي امك..علمي..سلمان اخوك..مو تسكتين
...:مقدر أخاف..
...انقهرت:تخافين من ايش..بالعكس يوقفونه عند حده..وياخذون حقك منه
...:مدري...مدري ياجواهر..أمي تعرفين تعبانة ومارح تتحمل لو قلتلها
وسلمان متهور...أخاف أقوله يروح يقتله ولا يسوي مصيبة
باقعد ندمانه طول عمري...انتي وساره بس الي تدرون
...تنهدت وسكتت ماتدري وش تسوي لصديقتها
....:والله يا رهف احسك غبيه ماينفع كذا لازم تعلمون احد..كذا بيتجرأ أكثر..يوم شافك ساكته ماعلمتي احد
وهي تمسح دموعها..:ترا ساره ماعلمتها انه دخل علي الحووش
صرخت جواهر:مجنونه؟!ليه.؟!
وهي تبكي:لا تصاارخين(غطت وجهها بيدينها وبكت بمرااره)
بهدوء:اوكي اسفه رهووف..مارح اصارخ بس قوليلي ليش؟! ليش ماعلمتيها
....:حرام ذاك اليوم كانت فرحانه محتفلة مع فيصل...شلون تبيني اخرب عليها..وغير كذا
احس انها طفشت مني>>تذكرت شكل ساره يوم تبكي وتشكي لها
.....:مستحيل تطفش انتي تعرفين ساره طيبه مره واكثر شخص تحبه بهالدنيا انتي..والله غلط علميها يارهف
....بحيرة:مدري اشوف!!
(تبي تغير الجو)...بس تدرين ايش الحلو في القصة؟؟
...التفتت مستغربة:ايش؟؟
...:انك شفتي وليد..لا وبعد ماعندك وقت بحضنه ع طول؟
استحت:جواهر..انطمي
...:ههه يحبيلهم الي يستحون
...:اسكتي
...:ههه طيب ماقلتي كيف كان شكله؟؟تغير بعد السفر
مسحت الدمعة الي نزلت بهدوء: لا نفسه..بس احس انه نحف شوي
....:رهووف بلييز ابي اشوف شكله
بملل:مستحييل يالخبلة
...:لا تخافين ما رح احبه...بس اشوفه
...:لا حبيبتي ما ادري عنك والله..ممكن تعجبين فيه..وتحبينه...(بخجل)..هو لي..مو لك
....:ههه طيب...بس باسألك شلون عرفتي انك تحبينه...؟!
تنهدت.:آآآه ما اعرف..بس مدري احس اذا شفته بشئ حلو..ويخليك تعيشين في سعاده
....:مافهمت؟؟
....:باسألك؟؟قد حبيتي؟؟
....:لا..ودي أجرب صراحة
...:طيب اسمعي...يعني مثلا اذا شفته..احس الجو حار وقلبي يدق بقووه...وانسى الي حولي وودي بس اناظر فيه
...منسجمة:ايوه وش بعد؟؟
...:اقوول عطيتك وجه امشي ننزل ابي اشتري لبس العيد
نزلت رهف ونفسيتها اهدى شوي بعد مافضفت وقالت لصديقتها
/
\
/
\
/
((يوم العيد))
على أذان الفجر والبيت فيه حياة
هدى وأم سلمان يمشون بالبخور يبخرون المجالس والصالة
وشادن فرحانة وتنطط..:عيد عيد
العنود نايمه
رهف تكلم جواهر..ع صباح ربي
عقبها راح سلمان وفراس لصلاة الفجر
بعدين ريحوا شوي وع الساعة ست طلعوا لصلاة العيد كلهم الحريم والرجال
رهف:ماما مارح تجي ساره؟؟3أيام ماشفتها؟؟
....:الا بتجي ان شاءالله...داقة علي الفجر..بتجي ع الساعة 9 تقريبا
رهف اليوم فرحانه...لأسباب كثير
اليوم عيد(الاضحى)
معناته بتشوف بنات عماتها الثنتين الي ساكنين بالخرج...يجونهم يوم العيد
واليوم بعد....شافت وليد
راحت تشوف المجلس اذا مرتب ولا لأ؟؟
فتحت الباب بسرعة وناسيه ان وليد عندهم
هو كان ملقي الباب ظهره ويلبس فنيلته
ارتاعت يوم شافته..وبسرعة طلعت وخبطت الباب وراها
دخل الفنيله بسرعه ولف يشوف مين عند الباب...استغرب يوم ماشاف أحد
كمل لبسه..وطلع كان كاشخ لآخر درجه
الثوب الا سود مقلم أبيض خفيف ولابس كبك فضي فيه فص أسود وساعه رولكس فضيه
وغتره بيضاء ومضبط السكسوكه
...كان في قمة الاناقة...وسيم..بس مو اوسم من فيصل
الي كان لابس وقت الصلاة ثوب كموني وعليه غتره صفراء مضبط العوارض
هو ابيض بس مسمر من الشمس وسماره معطيه جاذبية..خشمه طويل حد السيف عيونه مكحله وحاده رموشه كثيفه وحواجبه مرسومه حاده
رجعوا من صلاة العيد وراح سلمان يذبح الاضاحي في الحوش الخلفي في البيت
ومعاه جعفر يساعده
وليد راح يسلم ع اخوياه ويباركلهم بالعيد
فيصل وساره...عايشين جو العيد لحالهم..ومستانسين
لانه عيد
ولانه ذكرى زواجهم
جوا ام سلمان تكلم الي تعرفهم وتبارك لهم بالعيد..
وهدى في المطبخ تجهز القهوة والشاي..عشان الرجال الي بيجون يعيدون
العنود وفراس عند ابوهم يشوفون الخروف
بس رهف ما رضيت تطلع..خايفة..وكاسر خاطرها الخروف..تقول حرام ينذبح
بس شوي دق باب غرفتها وطل راس العنود..وبحماس
...:رهافف يلله بابا بيطبخ الكبده..يقول لازم كلنا نطلع
مبوزة:والخروف؟؟
....:خلاص جعفر نظف المكان تعاالي(وجت جرتها من يدها)يلا بلا
دلع ما يخوف
....وهي تسحب يدها من العنود:طيب باغير ملابس واجي,,أخاف تجي فيها ريحة الاكل
...:اوكي..بس بسرعة بتفوتك كبده بابا
طلعت وسكرت الباب وراها
وهي لبست لها لبس بيت عادي...بلوزة اورنج هاي نيك اكمامها طويله...مع بنطلون ابيض طويل
يوم نزلت الصالة مالقت احد
...:يو الدبيين اكيد الحين طبخوها قبل لا اجي
وبسرعة طلعت تركض للحوش باقصى سرعه
نطت الاربع درجات بوقت واحد...
وبنفس الوقت
وليد طلع بوجهها من الجهة الثانية..ماشافته لان الجدار يغطي عليهم
لا
مافيه تراجع
طايره بالهواء تنط الدرجات
و
طراخ
بحضنه ع طول
خبطت بقوه فيه
وبحركة عفويه حط يدينه ع ظهرها يمسكها لا تطيح
بس مادرى
ان حركته هاذي
خلت قلبها يسوي حفل سامري
وشوي يطلع من مكانه
من الا شئ
تلقى نفسها فجاه داخله بصدره
ما بعد استوعبت كل هذا صار بثانية
...:آآآآآخ
..رفعت راسها
وطاحت عيونها بعيونه الخقاقه
ثانيتين التقت عيونهم
وهو مبتسم بهدوء
استوعبت يوم حست وجهها احترق
و
آآآآآ يماه
فكت نفسها منه
وحطت رجلها داخل
اما هو بعد ما استوعب وشاف هالمخلوقة الي نطت بوجهه واختفت فجأه
ضحك عليها
...:ياحليلها..مثل ماهي ..ماتغيرت
من بعد ماتركهم من 3 سنين..اول مره يشوفها بهالقرب
ذاك اليوم عند الشلال ما شافها زين
نفس الوجه الطفولي...
نفس النظرة الخايفة
مثل ما انتي يا رهف ماتغيرتي
كمل طريقه داخل ...أخذ لاب توبه
وطلع مره ثانية بعد ما مر ع سلمان وشاف أيش قاعدين يسوون
وفوق
الباب مقفل
وهي في السرير
وفوقها اللحاف متغطيه
وباقي قلبها يرقع
وتحس بحراره
يمه خوفني....
ابتسمت
عيونك تجنن نفسها ماتغيرت
تنهدت بحالميه...
شكلك خطير
مع الثوب الاسود
والسكسوكه...وعيونك أأه ياعيونك ما ذبحني غيرها
آآآآه عطرك نفسه ما تغير
تذكرت شئ وقامت راحت لدولابها
فتحته وطلعت صندوق مغبر
ابتسمت وهي تفتحه
كان فيه صوره...وقزازه عطر
رفعت الصورة وناظرت فيها
كانت هي ووليد والتوام
الصورة قبل اربع سنوات في الطايف
واقف ورا صخره كبيرة وقدامه التوأم...وهي فوق الصخرة وتطل من وراه ولافة يدينها حول رقبته
وتبتسم بسعاده
وهو رافع راسه يناظرها من تحت نظارته الشمسيه
باست الصورة ورجعتها
وطلعت قزازة العطر تشم بقاياها
وتتذكر
.....:رهف بليز لا تصيحين
...تمسح دموعها:لا تسافر
تنهد بضيق:غصب عني والله
مسكت يده..وبترجي:تكفى لا تروح..ابغاك
ابتسم لها:رهف حبيبتي..لا تخافين مارح اطول باقرب فرصة بارجع
حمر وجهها يوم قال كلمه حبيبتي الي طلعت منه بشكل عفوي من غير قصد
خذت نفس عميق..ورفعت راسها تناظره
....:واذا ما رجعت؟؟
...:ههه لا تخافين برجع ان شاءالله...(مد يده)..خذي هذا عطري الي تحبين ريحته
خليه عندك..واذا رجعت عطيني اياه..
ابتسمت واخذته منه..وبكذا اقتنعت انه راح يرجع في يوم من الايام
ع الاقل عشان ياخذ عطره>>>أطفال^_^
في ذاك الوقت عمرها 12 سنه بداية المراهقة وبداية نمو حبه بقلبها
اختفى عنها 3 سنوات...
بس خلاال هالوقت..ما مات الحب
بالعكس
كبر وكبر..ومع كل دقيقة تشتاق فيها له
يزيد الحب ناحيته
صح يوم كبرت ماصارت تدق عليه..امها نبهتها انها كبرت
وعيب تكلمه
وفي اليوم الي عند الشلال
واليوم يوم تشوفه
حست ان ودها تصرخ للعالم ..وتقول
أحبك
بس يا ترا,,,انت يا وليد مازلت تحبني ولا لأ؟؟
باقولكم سر عن وليد
صح هو يحب رهف ويعاملها معامله غير عن الباقي
طلباتها اوامر...والي تبيه يتنفذ
وفي وجوده تحس انها اميره محد يقولها لأ..
بس هو يحبها لانه يعتبرها اخته الصغيره
ويعاملها بحنان
وتعامله هذا خلى رهف تتعلق فيه بشكل كبير
وتحبه....وما تشوف بهالدنيا غير
شخص واحد
وليد
وبس...
/
\
/
\
الظهر الساعة 2
....:ماما...عماتي تاخروا
...:اييه ماقلتلك...مارح يجون يارهف...مافيه احد يجيبهم
انصدمت
عيد من غير عماتي..شلون؟؟
اصلا كل الي يجينا بالعيد هم...الحين مين رح يجي؟؟
هذي الصدمه الاولى بهاليوم
/
\
/
\
ع العصر بعد ما اجتمعوا كلهم...
الرجال بالخيمه برا
والحريم بالصاله فوق
تكلمت ام سلمان
....:بناتي ودي اليوم اروح لاختي شيخة(وناظرت رهف الي لافه ع جمب تناظر التلفزيون تبي تشوف ردة فعلها)
انصدمت>>ثاني الصدمات
وحست بقشعريرة من الاسم
بس طنشت
وسوت حالها ما سمعت
ساره بصوت واطي شوي
....:براحتك يمه..اذا تبين نروح لهم نروح
ماقدرت تمثل البرود
لفت بسرعة ع امها:ماما تبون تروحون بكيفكم..انا مورايحة
جواهر وغادة بيجون عندي اليوم
...:بس يمه حبيبتي عمتي من الرضاعة جاية اليوم من عرعر
ومو حلوه في حقي اني ما اروح اسلم عليها
...:ماما ما قلت لا تروحون...روحوا وسلموا عليهم..انا مو رايحه لبيتهم ابداا
سكتت ساره شوي
...:طيب يمه بعد المغرب نروح لخالتي ورهف تقعد هنا
قاطعتها امها..:لحالها ؟؟مارح اخليها
تكلمت هدى الي كانت ساكته طول الوقت
..:خالتي انا باقعد معها
...:ماتقصرين يا بنتي بس انتي تبين تروحين لعيد اهلك
ابتسمت بطيبه:عادي يا خاله،،اذا جو صديقاتها رحت...
واتقفوا ع كذا
/
\
/
\
بعد المغرب
في بيت الخاله
مسكها من ذراعها بقوة:تكلمي بتجي معهم ولا لأ؟؟
صرخت وهي مغمضة عيونها من الالم:مالك شغلل فاهمم
رماها بقوه ع الجدار...
....:والله يا هند بتندمين لو ماقلتيلي
ناظرته بقوه:وش تبي منها انت هاا(صرخت )تكلم؟؟
قربت منه ومسكت قميصه من قدام وشدته بقوه
....:وش سويت فيها ذاك اليوم؟؟هاا
البنت مريضه....والله لو يكون الي في بالي فانت صدق حقير
ضحك بسخرية..وسحب يدينها لتحت بقوه:ههه واذا كان الي في بالك وش بتسوين
فتحت عيونها مرتاعه...كلامه وثقته تأكد كلامها
.....:عمر تكفى قول وش سويت في البنت؟؟
ناظرها ببرود وابتسم بسخريه
...:سويت الي ابي اسويه من زمان
.......:لا كذاب
قربت وبتردد قالت:يعني انت...اغ ..(ما قدرت تقول الكلمه)
وجهها اسود من الصدمه
ضحك بهستيريه:ههه
أيه ارتحتي الحين
لا...حقير أيه عاق ممكن....
مكرهنا في حياتنا مصدقة بس الي سواه لا
صرخت
..:مستحيل
قرب منها مسكها من رقبتها وخنقها
بصعوبة تكلمت:ح..حرام عليك
...:ههه متى تعرفين الحلال والحرام؟؟
(صرخ)بتجي ولا لأ؟؟
تدرين الحقير الي بيصير زوجك باعلمه بكل شئ
خافت:لاا تكفى
فكها ورماها
تكلمت وهي حاطه يدها ع رقبتها بالم:
...:مارح تجي..ارتحت الحين؟؟
سفهها وطلع
وهي انهارت ع الارض تبكي
ضميرها يانبها
ضاع مستقبل البنت...والسبب انا
توقعت انه اعتدى ع البنت يوم راحوا بيتهم ذاك اليوم..وهي الي قالتله بعد ما هددها ان رهف بالحوش لحالها
ماكانت تدري بالي صار قبل 5 سنوات
قعدت تصيح بصوت عالي...سمعتها هاله..وجت ركض عندها
توقعت انها تصيح عشان عمر ياقايلها كلمه ولا ضربها كالعاده
بصراخ وهي تناظر هاله:اكرهه اكره اخوك
....:بس حبيبتي حرام عليك...ماعليك منه
....:حرام عليه هو..مو انا...(مسكت يد هاله بقوه)...تدرين وش بيسوي؟؟
بيروح يعلم ماجد بالي سويته
حطت يدها ع فمها من الصدمه:مستحيل؟؟عمر ما يسويها
...بقله حيله:هاله تكفين ساعديني...والله لو يدري ماجد
بيذبحني...
ضمتها..:لا تخافيين ما رح يقدر يعلمه..ترا عمر خواف
....بقهر:بس انا احبه ...أحب ماجد...ماابيه يتركني...(ببكى)..ماابيه يتركني عشان غلطة قديمه
بعد ما هدت نزلوا تحت وين ما كانوا الحريم قاعدين سلموا وقعدوا
بس ام سلمان ما كنت مرتاحة ابد من اختها ومن عمتها
كلهم طينة وحدة يحبون التفاخر ومستصغرين غيرهم
بتعالي:اقول منيره
انتبهت من شرودها:هلا عمتي؟؟
...:سمعت ان ولدك سلمان باع شركة ابوه
انقهرت ساره"الله يستر وش ورا هالسؤال"
ردت منيره:ايه باعها
....باستغراب:من وين تجيكم فلوس؟؟
....:خير ربي كثير
...:بس الي ما عنده شركة ملك ما كأن عنده شئ...الا شلون الحين تعيشون؟!
استغربت من عمتها شلون حرمة كبيرة وهذا تفكيرها؟؟
وبكل عزة نفس ردت:يا عمتي الفلوس مو كل شئ بالدنيا..والحمدلله احنا بنعمة وخير ربي كثير...والي رزق الطير في السماء بيرزقنا ان شاءالله..والقنااعة زيينة
سكتت العمة وماردت...وساره يوم شافت كيف امها منفعلة..خافت ع امها وقامت تغير الموضوع
ساره:اقول عمتي..مطولة هنا بالرياض؟؟
/
\
/
\
عند رهف
هدى والعنود ورهف قاعدين بالصالة
ورهف متردده تقولها ولا لأ؟؟
بعدين خذت نفس وتكلمت
...:آآآ..آمم..هدى
التفتت عليها:هلا
...:مالك نية تروحين عيد أهلك؟؟
ابتسمت:الا ان شاءالله..اذا جوا صديقاتك
ارتبكت:آ..آآ...بس ترا صديقاتي مارح يجون
استغربت:ليه؟؟
...:كذا..اصلا انا قلت لماما كذا..عشان ما اروح معهم
...:رهف تكلمين جد؟؟
...:أيه والله ربي يسامحني كذبت ع ماما
...:طيب باسألك ليه ماتبين خالتك
ارتبكت وحمر وجهها من سيرتهم
...:هدى بليز لا تسأليني هالسؤال
وبعد محاولات رهف اقتنعت هدى تروح هي والعنود..ويخلونها بالبيت لحالها
/
\
/
\
عند جواهر
أو قبل هذي الاحداث بعدة أيام
قاعد بمكتبه ويرتب اوراقه
رفع راسه يوم سمعه يسلم عليه
بندر:السلام عليكم
تفاجأ وقام بارتباك ومد يده يسلم عليه:هلا وعليكم السلام ورحمة الله
حياك بندر
ابتسم:شخبارك فوازوه؟؟وين طاس فيه؟؟وراك قطعت مره وحده؟؟
حك راسه بارتباك ومارد بس ناظر في بندر وابتسم
ناظر في ساعته وشافها خلاص قربت من وقت البريك
...:شرايك نطلع لمطعم قريب؟؟
فواز:اوكي مو مشكلة
طلعوا في سيارة بندر
في المطعم
بعد فترة صمت مو طويلة
تكلم فواز:اقول بندر...بغيت اسألك؟؟
...:ههه تفضل..متى نزل عليك الادب
....:ههه مؤدب من زمان يحليلي...(بجدية)..بندر...مو شايل بقلبك شئ؟؟(سكت شوي)عشان رفضتك أختي
ضحك بقوة:ههه....وانا اقول ليه الاخ مسوي اخلاق اليوم ومؤدب؟؟
رمى عليه المناديل:بترد ولا شلون؟؟
باقي يضحك:ههه....ههه
....:والله سخيف خلاص ما يسوى علي سألتك
سكت وهو باقي فيه الضحكه:لا والله يا اخووي...اخذت الموضوع ايزي...مو عشان شئ زي كذا اهدم صداقتنا
ارتاح:هذا العشم فيك والله...
رجع يضحك:ههه والله شكلك مضحك وانت مرتبك...لا والاخ قاطع لاا اتصال ولاا سلام...
ما كنت ادري اني مهم لهدرجة وخايف اتركك
قام مسوي معصب.:الشرهه مو عليك علي انا الي خايف ع مشاعرك تنجرح...تدري اقعد هنا واذا كملت ضحك تلاقيني في البنك
طلع واخذ له تاكسي ورجع للبنك...مكان عملهم
/
\
/
\
يوم عيد اهل جواهر
في الليل طالعين كل اهلها باستراحة
والجو ولا احلى وناسة وسعة صدر وجمعة بنات توسع الصدر
الرجال مجتمعين بقسم الرجال
والحريم بقسم الحريم داخل...والبنات فرشوا لهم برا
والبزارين متنقلين هنا وهناك
جواهر تكلم رغد:
رغد بليز نبي نسوي أكشن الله يخلييك
...:ههه اكشن هنا؟؟شتبين نسوي بالله عليك؟؟
تفكر..:ام
نطت بحماس:لقيتها..فيه بالونات كثير عند الصغار ناخذها منهم ونعبيها موية ونرميها ع الشباب
...:ها ها ها ...بايخة
...:ليه
...:من جدك انتي؟؟شبيسوون فينا؟؟والله يذبحونا
...:اف طيب فكري بشئ ثاني
...:شوفي الفكره كفكرة حلوه بس يبيلها تعديل
...حطت يدها ع خدها:ايوه يا مس فكرة ايش عندك؟؟
....:اللعبة بينا حنا البنات نسوي فريقين والله بيصير وناسة
....:ام..اوكي طيب..انتي قوليلهم وانا باروح اجيب بالونات
وبدأ اللعب وهبال البنات وصراخهم وضحكهم لآخر الدنيا..والشباب يتحمدون ربهم ع العقل
شوي دق جوال اسيل
....:بصراخ:هلا فواز
...:وش هالصجة عندك روحي بمكان هاادي ابغى اكلمك زين
تتلفت.:ويين اروح كله ازعاج..واي حركة باتغرق موية...(باستهبال)الاعداء يتربصون بنا
.......:ههه والله مشكلة اذا انتي الكبيرة كذا...شقول عن الي اصغر منك
سمع صرختها.:آآآآآآآآ يا الدباا غرقتيني مويه..والله لوريك
....:هي اسيل
وهي تلهث بعد الركض:نعم خلصني
وهو يفكر وناوي ينفذ الي في باله:اسمعيني معي اغراض..باعطيك اياهم...شفتي الباب الصغير الجانبي الي يفصل بين قسمنا وقسمكم؟؟
...:اييه ؟؟
...:روحي هناك واستنيني..اوكي
..
.....:حاضر مستر فواز
..:اييه بس البسي عباتك احتياط
....:اوكيي..يلاا بااي
وهو من الجهة الثانية يوم قفل من اخته قعد يفكر..هل الي بسويه صح ولا لأ؟؟شبيقولون عني لو دروا؟؟
والله وهقة...من جد مافيه احد بيرضى يسوي الي باسويه
تنهد"بس والله كله علشانهم
/
\
/
\
لبست عباتها وراحت ركض من غير لا يحسون فيها البنات ويلحقونها
وخذت معها بالونات احتياط لو طلعت بوجهها وحده منا ولا منا
يوم وصلت عند الباب الاسود الي بركن الاستراحة ويفصل بين القسمين..تلثمت احتياط لو فتح فواز وكان فيه احد من الجهة الثانية
قعدت تنتظره وتاخر عليها
...:اف شيسوي ذا؟؟قهرر نسيت جوالي ومالي خلق ارجع اجيبه
جت في بالها فكره جهنمية"عقابك عندي"
الجهة الي هناك كانت ظلام..وشوي انفتح الباب ودخل فواز وهو يطقطق بجواله منزل راسه للشاشه ومو منتبه لأسيل
و
طش
البلونه في وجهه ع طول..
وشهق من الروعة وهو مفتح عيونه ع آخرهم
وسمع ضحكتها بس ما قدر يناظرها زين عشان الظلام
...:ههه هذا عقابك لانك تأخرت
ما عرف

هذا جزء تابع للي قبله نسيت ما انزله
وإن شاءه قرييب انزل جزء طويل
\
/
\
/
دخل ع هاله من غير لا يدق الباب وقفت مفزوعة وهي تناظره بخووف..عمر ما يدخل الا وراه مصيبه
...:صدق الي سمعته؟!
بخوف ويدها ع قلبها:ايش؟!
...:ساره توفت؟!
بحزن:اييه الله يرحمها
صرخ...:ليش ماعلمتوني؟!
خافت وخنقتها العبرة"وين نلاقيك ياحسره"..:كنت مختفي ايام العزا شلون نخبرك؟!
جلس وهو مصدوم...ماينكر انه تاثر بالخبر رغم انه يكره سااره..بس المووت وذكر المووت يخووفه
يمكن لانه ع ظلال وداييم المخطئ يخااف من ذكر الموت
رفع راسه وحاول يكوون هاادي يوم شاف هالة تناظره بخووف ودموعها ع خدها
هاله دايم تحاول تتحاشى عمرر وماتتهاوش معه تخااف منه رغم انه اخووها بس هند القوية هي ترد عليه وتعانده وتتهاوش معه ومع هذا دايم يطلع عمر منتصر عليها
تكلم بهدوء:طيب شلوون ماتت ومتى؟!
تكلمت بخووف:يوم كانوا عندنا يوم العييد فجاة اختفت ساره ماندري وين راحت حتى خالتي ماتدري عقبها جاء سلمان واخذ خالتي وعرفنا الصبح انها كانت راجعة للبيت وسوت حاادث
ربط عمر بين الاحدااث بسرعه اكيد رهف درت اني انا الي كنت عند الباب ودقت علييها
....وهو يكلم نفسه:بس شلون درت؟؟
استغربت:ها مين الي درت
...:رهف؟!
باستغراب..:شفيها؟؟
...:شسوت؟؟
مسحت دموعها الي نزلت:يعمري عليها منهاره بشكل فضيع بس استغربت يوم رحنا للعزا كانت تصرخ بوجهنا وتقول انتوا الي قتلتوها
كلمت اخوها بضعف:شلون ؟؟مالنا ذنب..هي الي طلعت بنفسهاا
قام وضحك بشماته..:موو انتواا ...انا
:ايش
صرخ:ولا شئئ...
وطلع وصفق الباب وراه
تنفست هالة براحة يوم طلع من عندها ورااحت بسررعه قفلت علييها الباب بالمفتااح
وهي تبكيي بصممت..من متىى صاار الاخوو هو مصدر الخووف؟!يااربي ارحمنيي
ليه يحس بتانيب الضمير
الاحسااس ميت عنده من زمان..شصحاه الحين
اييش الي صار..معقوله ذكر الموت يأثر لهالدرجة
كانوا الخير والشر يتحاربوون دااخله
بسببك مااتت...انت الي رحت لهاا البييت ذاك اليووم..واكييد الشغااله الملعوونه قالت لها عنك
....:ههه لا تحسب اني حزين بالعكس مستانس احلى خبر سمعتته..الحين بيفضالي الجو
هي الي كانت توقف بوجهي من زماان...والحين رااحت
...:بس يقولولك انها منهاره...حرام رووح تاسف منهاا وواسهاا
....:ههه هذا الي ناقص...الحيين بس خلهم يهدون ويخلص عزااهم..عقبهاا يصير خير
.....:لا تنسى ان الي مااتت بنت خالتك ..مافكرت بخاالتك وسلمان؟!
.....:صح سلمان شلون نسيته..يوه متى اخرر مرره شفته
بالنهاييه غصب عليه سمع كلام ضمييره
ركب سيارته وطار لبيت خالته يوم جاء بينزل ناظر بلبسه وهئيته
استحى يدخل كذا رييحته ولبسه تدل ع المكاان الي هو جااي منه بس قبل لا يسوي شئ طلع سلماان من البيت وهو يودع ناس جايين يعزوون
شافه سلماان وهو عاقد حواجبه
....:عمر!!!
تقدم منه وبارتبااك:هلا سلماان.."سكت حتى مو عارف شلون يعزي"عظم الله اجركم
بحزن:الله يجزااك خيير
...:والله توني ادري..تعرف مساافر وماخبروني الا تو>>ويكذب بعد...الا كان مسافر مع ابلييس واعواانه
....:فييك الخيير
يبي يسال عن رهف يبي يعرف ردة فعلها لو درت انه جاي يعزيي..
...:اقدر اشوف خاالتي
استغرب سلماان من متى يطلب عمر انه يشووف خالته..يمكن خبر الوفاة مأثر فيه
...:حياك تفضل
دخل وهو يتمنى يشووفها..ههه اكييد ودها تذبحني..بس ياترى بتقوول شئ عن الي صاار ولا كالعااده تسكت
عزّا خالته وطلع رجع البيت وراح لهالة مالقى الا هي بالبيت
....:عندك رقمها
بخووف..مين؟؟
....:ميين يعنيي(بصرااخ)رههف
خافت منه...:طيب لا تصرخ
صرخ عليها اكثر...:عندك ولا لا؟؟
راحت تركض للجوال وهي تبكي"وينك يممه"
دورت بين الارقام وطلعت رقم رهف:هذا رقمها
....:دقي عليها
بانصياع دقت رن الجوال ورن
ولا فكرت تشييله كانت تبكي بحضن جواهر
سكت الجوال ثم رجع يرن
بتعب:سكتيه
قامت جواهر وحطت مشغوول بس رجع يرن مرره ثالثه وحطت مشغوول
عصب عمرر...:خير مالها نية ترد
.....:عمر تراها تعبانه مو فاضيه حق مكالماات
بملل...:اقول تحمد ربها داق علييها باعزييها
تفاجات....:تبي تلكمها
...:ليه عندك ماانع(ضحك)ههه اييه تذكررت مو انتي مطوعه البييت
انجرحت من كلامه وماردت خافت يعطيها طرااق
قام وسحب منها الجواال بعنف وهي صرخت
.....:شبتسوي؟؟
....:ماالك شغلل
وطلع....فكر اذا مابترد يرسل لها مسج اكيد بتشووفه
"حورية البحر اسف للي صار لسااره...عمر"
هذا الي قدر يقووله نفسه ماطاوعته يكتب عظم الله اجركم او الله يرحمها يحس انه بيذل نفسه لها
جواهر يوم سمعت صوت المسج فتحته بسرعه قبل لا تكمل النغمة وتصحي رهف الي تو عينها تغمض
يوم شافت الي مكتووب تمنت بس يكوون عندها مسدس وتفرغه في راسه بهاللحظة
بهمس وغضب:حيوان
طاح الجوال من يدها
...:جواهر
بارتبااك:هلا
...:من ميين المسسج
....:ها مو من احد
سكتت..بس كلها لحظات ووصل مسج ثاني ويوم فتحت كان نفس الاول
تكلمت رهف بانزعااج:قفليه
....:طيب.....
قطع عليها صوت المسج الثالث
قامت رهف بعصبيية وسحبت الجوال فتحت المسج وقرأته
فتحت عيوونه برعبب وقراته مره ومرتيين تبي تستوعبب
.....:ج..ج,,واهر..صدق الي اشوفه(رفعت راسها ودمووعها تنزل)..صدق المسج منه؟؟
ماردت جوااهر وهي خاييفة من ردة فعل رهف
صرخت وهي ترمي الجواال وتقووم ناحيية البااب لحقتها جوااهر وبحكم انها اقوى من رهف قدرت تمسكها وتجرها لوسط الغرفة
بصرااخ اقرب للجنوون:وخري..سلمان سلمان(راح صوتها من البكى)
....:رهههف بليز اسكتي لحد يسمعك
.....:ليه خليهم يسمعون ابي سلمان باعلمه بكل شئ ابيه يذبحه يقتله ابيه يتعذب
سلمان وينك
وهي تحاول تهدييها:بليز رهههف لا يسمعك سلمان والله بيرووح يذبححه
.....:احسسن هذا الي ابيه الحيوان له وجه يرسل ويتشمت بعدد والله ما اكوون رهفف اذاماخليته يندم
وبكل قووتها دفت جوااهر وراحت للباب
بس تجمدت بمكاانها يوم سمعت كلمة جواهر
...:تبين سلمان يموت زي ساره؟؟
لفت علييها بصدمة
جواهر وهي تبكي بعد:ايه تبين سلماان يمووت رووحي علمييه(وقامت تفتح لها الباب وتاشر لها تطلع)
لانه بيروح يذبحه عقبها بيمسكونه الشرطة وبينسجن ويقتولنه يعني بتفقدين الاثنيين كلهم يكفيي ساره يارههف حررام علييك ارحمي امك
ماردت بس راحت ناحية الجواال وهي تبكي مسكته وكتبت مسج بكلل الكرره الي تحس فييه والحقد والالم
"اسمع يا حثاله والله ما اكوون رهف ان ماخلييتك تندم
انت شقول عنك حقير حيوان مو رجال مو انسان ماعندك كرامه ابلييس احسن منك
رسالة ثانية والله لاعلم سلماان علييك ياحقير"
حطت ارساال ورمت الجواال
اما عمر يوم قرا ردها
وقف وكل الشياطين تجمعت فووق رااسه
....:انا يالبزر تقوليلي هالكلام
حس بالكره وصرخ:هذا جزاي انها كاسره خاطري والله ان تندميين ع الكلام الي قلتييه وبعدها قوولي ياسااره ويينك
مسك الجواال ومافكر بتهديدها وارسل
"تساهلين موت ساره لو ماماتت كان قتلتها بنفسي"
هي يوم قرأت هالكلام ....ماسكتت الا وهي بالمستشفى والاطباء يحاولون يهدونها
\
/
\