سيجارة واحدة تنعم شعرك ادخلي وشوفي

السلام عليكم ورحمة الله وبركاته
كيف احوالكم
اليوم جايبه لكم وصفة يمكن تستصيغونها ويمكن لا
بس لو اقولكم قصتها
راح تستخدمونها باسرع وقت
انا اعرف وحدة كنت اشوف شعرها مرة مسكينه حالتها متأزمة منه ونفسيتها تتعب لما تكون عندهم عزيمة والا طلعة { مسكينه ما تنلام }
شعرها خشن مو ناعم يعني حتى لو استشورته يطلع شكله مقبول مو حلو مرة الصدق ينقال
لكن شفتها بعزيمة قريبه شعرها اللي اقولكم تغير 80% متخيلين السالفة والا لا
اقولكم سويت نفسي فاهمة وسالتها ها يافلانه شخبارك ؟ شخبار الدراسة وياك ؟؟
المهم ابي اوصل لسر نعومة شعرها وجاء السؤال المهم ؟
فلانه مرة شعرك طلع حلو من جد عجبني واتغير ؟؟ (( فرحت يحق لها والله ))
والله انا اعلمك سويت خلطة لشعري واستمريت عليها وبعدها شوفتي النتيجة
طيب تبون تعرفون شنهي الخلطة ******************** جيبو ورقة وقلم
ههه ههه
{ 10ملاعق من الحناء اي نوعيه تناسبك + التبغ الموجود داخل عدد اربع سجائر $ حبايبي التدخين مضر بالصحة انتبهوا استعملوها لشعوركم بس ههه } اخلطيه مع الحناء
بعدين حطي عليه ملعقة صغيرة من عصير الليمون + كمية من الماء تكفي للعجن
اعجني الحناء واتركية يخمر لمدة { 3ساعات }
بعدين حطي الحناء على شعرك واتركية { 4ساعات او اكثر لو حبتي على راحتك } بعدين اغسلي شعرك عادي زي كل مرة
حبايبي كررو ا الخلطة هاذي كل اسبوعين او كل اسبوع من جد اللي شعرها مو ناعم صدقوني راح ينعم وتدعولي ولا تنسون تتدعون لها اهي بعد
تحياتي لكم