سينبون اتحدا فيه الجاهز روعه

1. خلاط">يخلطون كلهم في الخلاط

مرحبا ,, اليوم جبت لكم طريقة سينبون انما ايه والله بدون مبالغه مثل الجاهز بالضبط
وهولأحدى الأخوات في عالم حواء ما اذكرها لأني من زمان اخذته ,,,,,,
المقادير:-
3 م ص خميره
واحد كاس حليب دافي
نصف كاس سكر ناعم
ثلث كاس زبده طريه ( مذوبه على حرارة الغرفة)
1 م ص ملح
2 بيضة
4 كاس طحين
الطريقه:-
اول شي نخلط الخميرة مع شوي ماء دافي والقليل من السكر تقريبا ملعقة صغيره من السكر.
وبعدين نخلط الحليب مع الزبدة والبيض والسكر والملح في الخلاط الكهربائي.
ونضع الخميره والخليط السائل على الطحين ونعجن كويس لانه العجن المضبوط اساس نجاح اي عجينه>>وبعيدين نقسم العجينه اربع اقسام ونتركها تخمر ساعه كامله.
والان مقادير الحشوه وهي كالتالي:-
كاس سكر بني + 2,5 م ص قرفه + نصف كاس زبده طريه
مقادير صوص العسل:- (وهنا سر نكهة محلات السينمون )
نصف كاس شيرة البانكيك + ربع كاس سكر بني + 2 م ك زبده + م ص قرفه
تذوب جميع هذه المقادير على النار
مقادير التغطية
3 م ك زبدة طريه + كاس سكر بودره + نصف علبة جبن فلادلفيا +نصف م ص فانيلا + رشة ملح

خلاط">يخلطون كلهم في الخلاط

وبعد ما تخمر العجينه نبدا بفردها و ندهنها بالحشوه وبعدين نلف العجينه بالطريقه المعروفه للسنمون ونقطعها حلقات ونضعها على صينيه مدهونه بالزيت وندهن الوجه بالحليب وبعدين نتركه يخمر بعد ما نقطعه لمده ساعه ثانيه. وبعد ما تخمر ندخلها الفرن ونخبزها لمده ربع ساعه فقط
وبعد ما نطلعها وهي حاره على طول نضيف لها صوص العسل و صوص التغطيه وممكن نضيف عليها المكسرات او صوص الشوكلاته هيرشي ويقدم بالعافيه على قلوبكم
ياليت تجربونه وتعطوني رايكم ترى بدون مبالغه مثل الجاهز واحسن بعد