ش الي ذكره فينيي

وش الي ذكره فيني..؟
اللي تركني وانا في عز غربالي
بعد الشدايد وش اللي ذكّره فيني؟
يبغى زمانه يعود ويرجع الغالي
وشلون يرجع بعد ما طاح من عيني
لا الوقت وقته ولا له شي في بالي
انا نسيته مثل ما كان ناسيني
يا ما تمنيت نظره منه في حالي
يا ما تمنيت صوته لو يناديني
واقول ل"أظلم"علي الليل بلحالي:
الله يجيبه يشتت غربة سنيني
من كثر ما كان طيفه دايم قبالي
احيان احسه معي وتضمه يديني
ليته تركني بعد هذا على فالي
زي ما تركته بعد قتله بساتيني
من بعد ما صار جا بلسانه الحالي
يبغى يرجِّع زمانٍ بينه وبيني
قولو له : اني ما احبه كثر ترحالي
أو..لا..حرام يتضايق والا يبكيني
قولو له : أني احبه بس من تالي
وان راح والا رجع ما عاد يعنيني
ان شااء الله تعجببكم