شامبوك بلسمك كريمك شاركينا ووريناهم بالصور

السلام عليكم ورحمة الله وبركاته
صباح /مساء الخير عالجميع
شحالكم حبايبي ان شاء الله تمام
حبايبي
كتبت موضوعي وزهبته
وابي من كم كل وحده تنزل صورة
1-افضل شامبو استخدمته
2-افضل بلسم استخدمته او حمام زيت
3- افضل كريم للشعر استخدمتيه
4- افضل ماسك للشعر استخدمتيه
وطبعا اهم شي (( بالصور ))
عشان الكل يستفيد
ورجاء خااص حبيباتي عمري انتو
1-مانبي شكر او تحجزين مكان ولعاد نشوفك
2- اهم شي تعرضين شغلاتك بالصور <<وهاذي حطو تحتها 100 خط
3- عمنا قوقل مايقصر يعني اذا ماقدرتي تصورين دشي على قوقل البحث الصوري وبتحصلين اللي تبينه
ويالله بنات تكفون نبي تفاعل
وانا بكون اول من يبداء:
1-افضل شامبو استخدمته
هو شامبو جارنييه
بصرراحه روعه وماسبب لي تساقط ولله الحمد
وهاذي صورته 2-افضل بلسم للشعر او حمام زيت
هو فاشكول بالثوم
بصراحه روعه يعطيك نعومه وطراوه للشعر
ولمعه خيال
وهاذي صورته 3 -افضل كريم للشعر
كريم براشوت
يعطي الشعر لمعه ونعومه ومايسبب تساقط بالشعر بالعكس يحميه من التساقط
وهاذي صورته
وكريم ماكسام القديم <<حق العجايز خ
بس والله انه روعه
بالذات اللي تبي لمعه للشعر يعطيك لمعه خيال
وهاذي صورته 4- افضل ماسك للشعر
هو
بيضه
وملعقة مايونيز
و4 ملاعق سدر مطحون
ونص ملعقة قرنفل اومايسمى بالمسمار مطحوون
وهاذي صورته
نص فنجال زيت زيتون
ونص ملعقة قرفه مطحونه
وهاذي صورتها
صحيح ان خرابيطها واجد
بس اتعب وانا اقوول خيال
تستخدمينها مره بالاسبوع
تنعم الشعر
وتوقف التساقط
وتعطي الشعر لمعه
وليونه
جربوها وبأذن الله ماراح تندمون
تترك على الشعر ساعتين بس
وبعدها يغسل الشعر
اتمنى اكون افدتكم باللي عندي
بأنتظار تجاربكم وخبراتكم