شاي الضيافه للرشاقه ادخلي للفائده

السلام عليكم فراشاتي
كيفكم
اشتقت والله لكم ولهذا القسم
كنت من زواره وداخله قروب والحمد لله وصلت للوزن اللي بغيته (( ماشاء الله تبارك الله)
بس جلست فتره مدري والله كم
وبالذات هالصيف واكله الزايد وجيت برمضان الله يعيده كملت الناقص وصرت اكل اكل
الله لايوريكم شهيتي مفتوحه ومالي خلق ابد اسوي رياضه وزاد وزني
ادري طولت عليكم بس مالي الا انتم
انا سمعت عن شاهي الضيافه انو يصلح ينشرب بعد الوجبات الدسمه مثل وجباتي
اللي تعرف عنه اي شي تفيدني تكفون
هل هو ينحف فعلا مابي تقولون سمعنا لا لا لا
ابي احد جربه
وهو اي نوع
لاني اليوم شريته من بنده بس لقيت له كذا نوع واحترن بس اخترت شاي الضيافه للرشاقه هو او لا
واذا شربته يلعب ببطني او لا عادي مثل الشاي الاخضر
تكفون ساعدوني الله يحقق لكل وحده مرادها يارب
والي ترد لها مني كل والتقدير
ولها بعد هذا وش تبون بعد من قدكم ههه امزح
اللي ماتعرف ياليت ترفع الموضوع للفائده العامه
وشكرا