شتسوين لو قالج زوجج هالكلام

الله يهداكم حبيبتي لاتعودين زوجج كل ما صار مشكله بينكم انج
تروحين بيت أهللج وحتى لو قالك روحي قوليله لأ تبي تطلع
انت اطلع بس انا ما اطلع من بيتي جذي راح تكبرين بعينه أكثر والله يصلح حالكم آمين....

الله يعينج ياقلبي :(
شوفي اول شي لازم تحطين في بالج انه يحبج لأنه منعج تروحين بيت اهلج
ثاني شي المفروض انج ما تخلين ولا شي يتراكم ، وبنفس الوقت ما تعطينها طاف
يعني وحده من الثنتين يا اما تصارحينه بوقتها انج متضايقه من هالتصرف بطريقة
حلوة مو بطريقة اعصاب و صراخ و زعل
او انج اذا تبين تطوفين ، تطوفين من جميع النواحي يعني تطوفين وتنسين السالفة من نفسج
لانج انتي اللي طوفتيها من البداية فلازم تطوفينها للآخر من دون ما تنفجرين على الريال بوقت الزعل
لان صدقيني الريال يمل من كثر الزعل
وترى الحياة الزوجية كلها تنازلات صدقيني ، انا قبل لا اتزوج كانت حياتي عند اهلي دائما مطاعة
لكن يوم تزوجت عرفت ان الحياة كلها تنازلات ، ودايما المرة هي اللي تتنازل عن وايد اشياء
وياليت تتنازل وبس
لأ
تتنازل وهي تضحك بعد
الله يصبرنا انشالله
وياقلبي ترى مالج الا بيت ريلج حاولي تراضينه
ووضعكم الحين له حل حلو
قوليله ابي اتكلم معاك بموضوع ، اخذيه وطلعوا روحوا مطعم هادي وقوليله اليوم لازم نتصارح بكل شي
اي شي بقلبك ابيك تقوله لي وانا كذلك راح اقوللك ومن دون لا نزعل
حاولي تسمعينه و خليه يسمعج بدون لا تستفزينه ، وعقب ما يفضفضون لبعض اتفقوا انكم تخلون جلسة مصارحة
عالأقل بالاسبوع مرة اذا كانت مشاكلكم وايد
او بالشهر مرة ، صدقيني هالشي راح يقربج من زوجج حيل و مع الوقت راح تفهمون بعض اكثر من دون لا تفضفضون
الله يهدي سركم انشالله ، ولا تنسين الدعاء بصلاتج
وسامحيني عالاطالة

الزوج ماله حق يطردك ..
اولا عزيزتي .. كم لك متزوجه اذا هذه اول سنه فهذا وضع طبيعي لانها اصعب سنه ..
ثانيا حبك لزوجك وتمسكك فيه هو حل المشاكل .. مو ابسط زعل روحي بيت اهلك يالله رحتي لالالا . بالعكس خليك الانسانه القوية وحلي اي مشكله وواجهيها بالصبر ولا تخليها تتكوم حليها وصفي نفسك اول باول .. سوي شئ جديد وحلي المشاكل خليك الاقوى والجاي لرب العالمين .. استهدي بالله وغيري نفسيتك .. وسوي له مفاجاه .. لبس وتغير جو ..
ومن تجربه نصيحة .. حافظي على بيتك ولا تتركيه ..
محبتي ..
نبوضة

حبيبتي:نسناس
الله يوفقك ويسعدك ويبعد عنك المشاكل..وبعدين هذي الحياة الزوجيه لازم فيها مشاكل بس حبيبتي حاولي تتجاهلي بعض الأشياء لأن كثر المشاكل مو زينه وحاولي إذا ضايقك شي في أسلوبه أوكلامه تقولي له بنفس اللحظه وحتى وأنتي تناقشينه حاولي ماترفعي صوتك ولا تقولي له أبدا أنت سويت وسويت لأن راح يحس أنك تتهمينه وتقللي من رجولته ..ونصيحه مني لك (مثل مايقولوا أسأل مجرب ولا تسأل طبيب)إذا حسيتي متضايقه منه أوكان فيه مشكله وتبغين أنك تتجنبيها حاولي تشغلي نفسك بأي شي وأحسن شي تعوذي من الشيطان و توضئ وصلي لك ركعتين وأن شاء الله راح تتغير حياتك بإذن الله..وأخيرا أتمنى من الله أن يزيد حب زوجك لك وأن يوفقك في حياتك..

مشكورات حبيبات على الردود اللي فادتني وأسعدتني وأعادت الثقة الى نفسي

حبيبتي حاولي تحلون مشاكلكم اول باول واسمعي بنصيحة البنات ولاتتركين بيتك مهما يكون ومثل ماتقولي امي دايم:المره مو كل يوم لها رجل عشان هذا اصبري وهذا العرس ياقلبي

ما عندي كلام اقوله لان الفراشات ما قصرو غير اني ادعي لج
الله يهديكم ويصلحكم ويحفظ حياتكم الزوجية من كل شر وسوء

وانتي ماصدقتي خبر شلتي اغراضج غلط وانتي ماقلتي شكثر صاركلم متزوجين
مشكله كبيره كلمه متراكمه
غلط لاتخلين شي يتركام اي شي صارحيه فيه على طول التراكم هذا يسبب حقد وبرود بالحياه غلط قوليله كل الي بخاطرجاسلوب حلو صدقيني

انا اتوقع هوقالك اطلعي عشان يستفزك ويحصل بينكم مواجهة والدليل انه منعك تطلعين بس ولو المفروض يدور على اسلوب احسن من هذا ....قولي له ها الكلام بعد ما تترضون ان شأ الله.......موفقة اختي..
تحياتي.........