شخصية مصمم

1. السلام عليكم حبيباتي ..

السلام عليكم حبيباتي ..

أكيد كلنا نعرف المصمم أحمد البدوي .. وأنا ما بدي أتكلم عن تصاميمه عالحين لأننا كلنا نعرفها وفيه اللي بيموت فيها - مثلي - خصوصا بعد الاتجاه الجديد والتغييرات اللي صارت ملحوظة في موديلاته .. لكن اللي بدي أتكلم فيه شخصيته لأني كنت أتعامل مع المحل بدون ما اقابله شخصيا .. وكان وصلني إنه رفض يسوي فستان لزبونة في فرع المسعدية كانت راح تلبس فستانها قدام الرجال .. وبصراحة حسيت إنه كلام مبالغ فيه .. لكن حصل وشفتله لقاء على الخليجية .. وصرح في كلامه إنه يرفض بالمرة إنه يسوق فساتينه لأي مجتمع منفتح أو أي عروس تلبسه قدام أحد غير النساء .. لدرجة إن المذيعة نفسها كانت كاشحة شعرها فقالت له : لو إني طلبت منك فستان راح تسوهولي ؟ قالها وبثقة بمعنى الكلام - طبعا ما أتذكره حرفيا - قالها : لو انك راح تلبسينه في مكان ما يشوفه غير المحارم ما راح أمانع ؟!!
صدقوني أنا بعد اللقاء هذا إزداد احترامي لهذا الإنسان وحب للتعامل معه أكثر .. تخيلوا مثله ممكن يكسب قد إيش .. من المذيعات أو المغنيات أو الممثلات اللي الريالات عندهم ما تساوي ، ومع ذلك يرفض البيع لأنه مو من الشرع ؟؟!! مع إن شكل المصمم نفسه مو مثل المطوعيين أو الشيوخ وماهو حتى ملتحي .. لكن سبحان الله الدين فعلا مو مجرد مظاهر
نسأل الله أن يرزقنا السعادة دوما في ظل طاعته