شسوي مع زوجي مافي شي ينفع معاه

بسم الله الرحمن الرحيم
اخواتي الفراشات آنا وايد محتاره ما أدري شسوي ؟؟؟
زوجي عنده عدد ( النطف ) قليل بس الدكتور ( حسبي الله عليه ) قالي ان زوجج عنده نسبه تحمل أي مره ؟؟؟؟؟ وهالكلام اثر فيني بالعربي حطمني ( ضيعني ) طبعا هذا كان أول دكتور رحت له بعد زواجي ...........
المهم بعد ما مر عدة سنوات تنقلت فيها من دكتور لآخر ومن دكتوره لأخرى وبعد اجراء أكثر من عملية تلقيح صناعي فاشله .......
أخذت آخر تقرير لعملية تلقيح صناعي سويناها آنا و زوجي ورحت حق دكتور مختص بعقم الرجال , ولما شاف التقرير قالي قبل غسل النطف كان العدد 40 مليون منهم 90 بالميه مشوه و70 بالميه ميت واهم كاتبين ان بعد الغسل صار العدد 15 وهالكلام ما يدخل العقل انتي فهميني شلون احسبوها ؟؟؟
اهني آنا انصدمت ولما حسبتها لقيت ان بعد الغسل المفروض يطلع العدد 7 مليون ( على حسب كلام الدكتوره اللي سوت لي التلقيح الصناعي قالت إذا كان عدد الحيوانات المنويه أقل من 10 مليون طبعا عملية التلقيح فاشله وبعد لازم تكون الحركة ممتازه ).
والله احترت معقوله الدكتوره اتفقت مع المختبر يكتبون بتقرير زوجي ان العدد بعد الغسل صار 17 مليون علشان اخليها اتسويلي العمليه وبعدين ما يهمها إذا افشلت بتقولي الله ما كتب لج انا سويت اللي علي ؟؟؟؟؟؟؟؟؟؟ وهذا اللي صار بعد فشل التلقيح قالت لي مشكلة زوجج تخطيناها بس الظاهر المشكله عندج ( كرهتني بنفسي ).
لما رجعت للتقارير القديمة لعمليات التلقيح اللي سويتها وحسبت العدد بنفس الطريقه اللي علمني عليها دكتور عقم الرجال تفاجأت ان العدد المفروض يطلع أقل من اللي كاتبينه؟؟؟؟
معقوله كل اللي رحت لهم هدفهم الربح المادي ؟؟؟؟؟؟؟؟ حسبي الله عليهم ضيعوني بكلمة مو عارفين السبب ؟؟؟؟؟
كنت عايشه بحيره وشك بنفسي بالرغم من إن كل تحاليلي كانت سليمه والحمد لله ...بس عيشوني سنين بالحيره والهم !!!
طبعا دكتور عقم الرجال ما صارحني بسرعه إلا عقب ما ناقشته ...تصدقون اول ما شاف تقرير زوجي قالي هالرجل مو محتاج يعمل تلقيح ( يقدر يحمل طبيعي ) قلت له دكتور حرام عليك إذا انت تعتقد انك لما تصارحني تسبب لي مشكله انت غلطان انا انسانه واعيه واحب زوجي بس ابي احط ايدي عالمشكله ارجوك ساعدني ؟؟؟ اهني الدكتور طخ وقالي شوفي المرأة علشان تحمل طبيعي من رجال لابد انه عالأقل يكون عدد الحيوانات السليمه عنده عشرين مليون وبشرط هالعشرين مليون سرعتهم عاليه ومافيهم اي نسبة تشوه ........ قلت له بس ما أبي منك شي .........
بس ارجوك ساعد زوجي شسوي معاه قال لي للأسف لوكان عنده سبب للتشوه وانخفاض العدد جان ساعدته بس انا سويتله كل التحاليل ومو لاقي سبب ؟؟؟ وعطيته اقوى الأدويه لكورسات هم ما كو نتيجه ؟؟؟؟ انا ماعندي حل ؟؟؟
على فكره هالدكتور معروف..... وتمينا شهور واحنا نراجع عنده ......وهذا آخر كلامه عنده؟؟؟؟؟؟؟؟؟؟
الغريبه إن زوجي كل ما ياخذ دوا يصير أسوأ حتى الدكتور قال لي ليش نسبة التشوه ما تقل بالرغم من كل هالأبر والأدوية اللي خذاها ؟؟؟؟؟؟؟؟؟
حسبي الله ونعم الوكيل
ولا حول ولا قوة إلا بالله