شعر عن زيادة الاسعار

السلام عليكم
اليوم جايبه لكم شعر عن زياده الاسعار
بس روعه
الراس صاير فيه ورشة حداده
قام يتحلل فيه مسمار ....مسمار
قلت الركاده مير وين الركاده
كنّي مع الحجاج في رمي الاجمار
من عقب ماجانا قرار الزياده
من مجلس اهل الجود وافين الاشبار
كلٍ من الفرحة بيقدح زناده
جبنا القروض نضارب السوق وانهار
وجينا نبي بس الرجا والهواده
والله وكيلك شبّت اسعارنا .. نار
والراتب الماخوذ جته القراده
ماينزل الا..صافقه مثل الاعصار
فاتورة الهاتف وعاجل سداده
والقرض والكهرب وتسديد الايجار
والتاجر المليان جاب الوساده
يبي يوصّل راس ماله لمليار
والا المواطن صار..سهل اصطياده
جته الهوامير بوسَط غب الابحار
واصبح نهار وليل وسط العياده
مابين طب الراس والقلب وشهار
يامن يوصّل كلمتي للقياده
للحاكم المحبوب والوالد البار
ماعاد نبغى في الرواتب زياده
اللي نبيه اليوم تخفيض الاسعار
هاه شرايكم قوي صح
منقول من ايميلي