شعري دهني

حبيبتي بآلنسبه لشعرك
فهذا نفس نوعيه شعري وانا تعبت منه .. الحل
تستخدمي كريمآت او زيوت مغذيه قبل الاستحمآم
وتستخدمي شآمبو منآسب لنوعيه شعرك ( لازم يكون مكتوب عليه للشعر الدهني )
طلبك الثاني حبيبتي انا مثلك شعري كآن اسود فآحم
عندي لك طريقه وان شاء الله تفيدك
خذي قدر وحطي فيه سفن اب تكفى شعرك وحطي فوقه كركديه
وخليه يغلي.. وبعد كذا اعجني فيه الحناء بدون اضافه اي مآء
وان شاء الله راح يعطيك لون .. ولو مااعطك ارسلي لي مسج واعطيكي حل ثآني

تفضلي هذا الموضوع الذي نزلته في احد المنتديات عن الشعر الدهني
ان شاء الله تستفيدي
هذه بعض الخلطات والنصائح للشعر الدهني
نصيحة ياصاحبة الشعر الدهني
ان تكثري من الفاكهة وخاصة البرتقال والموز والتفاح يعني حبة في اليوم من كل نوع بعد الاكل بثلاث ساعات
لازم يكون ثلاث حبات في اليوم هى كفيلة بدعم جسمج من الداخل بالمغذيات وتحارب التساقط وعن تجربة
اشربي مغلي الزنجبيل هو ممتاز للشعر من ناحية حمايته من التساقط والتقصف
خففي من الدهون بانواعها خاصة المقالي يكفي في الاسبوع مرة واحدة
حاولي إن تمشي في اليوم نصف ساعة حتى الدم يصل إلى فروة شعرج لأن التدليك لايناسب الشعر الدهني
كلي كل يوم زبادي هو راح ينبت لج شعر
هذا من الخارج
بالنسبة خارجياً
فاصفار البيض لايناسب نوعية شعرج راح يزيده دهونه وتساقط
الذي يناسبج هو البياض
اخلطي بياض البيض مع عصير ليمونة
وقليل من العسل
وإذا العسل تسبب في تساقط شعرج ابتعدي عنه
ضعي من الجذور اهم شيء . مدة ساعة فقط لاتزيدي الوقت فقط ساعة
ثم اغسلي شعرج شامبو خاص بالشعر العادي نعم العادي لأن الشامبوهات للشعر الدهني قوية على الغدد الدهنية الموجودة بالفروة وراح تجففها جفافا قوي وبذلك راح يقوي افراز الغدد للدهن
لذلك انصح بالشامبو للشعر العادي هو آمن
عندما تنتهي من غسل الشعر لاتضعي لاحمام زيت ولا ماسك انسيها . ضعي م من خل التفاح في ماء حصة وسط
واسكبي الماء الشطفة الاخيرة على شعرج وخصوصاً الفروة واتركيه 5 دقائق ثم اشطفيه مرة ثانية بالماء
خل التفاح له فوائد كثير للشعر . منها الكثافة . وفق التساقط . تجفيف الفروة من الدهن . يلمع الشعر ولما تحسي شعرج خلاص اتسخ يعني صار مليان زيت اغسليه مو شرط اسبوع . لما يتسخ وتحسي انه ثقل اغسليه
الغسلة الثانية راحة
الغسلة التي بعدها اخضري الاس او الريحان او الحبق او الهدس ( له اسماء كثيرة على حسب البلد )
اعجنيه مع سدر بماء مغلي بذور الحلبة وضعيه على الفروة والشعر بس خففيه حتى لايثقل الشعرة واتركيه ساعة ثم اغسليه مثل الغسل الفائتة مع خل التفاح (هو بعد كل غسلة )
مرة كل شهر عليج بالحناء ممتازة للشعر الدهني والمتساقط وعلاج لمشاكل الشعر
اعجنية باي مغلي عشب تحبي إذا تبي لون شعرج غامض يعني الحناء لايبان لونه
اعجنيه بمغلي المرمية وضعي قليل من الزبادي وبياض بيضة . اتركيه ساعة ثم اغسليه
واصبري هذه الخلطات ليست سحر من يوم وليلة يختفي التساقط ويكثف يحتاج الوقت ل 6 أشهر

يسسلموو ع مروركم
راح اسوي اللي قولت عليه ياريما وان شاء الله يطلع احمر بس قد ايش احط كركديه؟؟؟؟؟

ايش اسوي مع شعرري الدهني؟؟

للآسف جربتو ومآصآر آحمر

لصاحبات الشعر الدهني مثلي أنا قرأت هذي الطريقة للعضوة حنين الفهد بمنتدى ثاني وجربتها ونتائجها كانت رائعة و100%
السلام عليكم ورحمه الله
كل عام وانتم بخير
كثير منا نحب نزيت شعورنا وانا اولهم بس
اكثر شي يعقدنى انى اضطر اغسل شعري كذا
مره بالشامبو علشان اتأكد ان الزيت كله راح مو
اتفأجا وانا استشور شعري الا لسا باقى زيت <<<<<<ياكثر ماتصير
بس هذاك اول
اللحين زيتى شعرك واغسليه مره واحده بالشامبو
وحتى لو شامبو اطفال وراح اضمن لك ان
ولا نقطه زيت راح تبقى بشعرك
السر
*
*
*
حمام الزيت
انه بعد ماتزيتين شعرك وبعد ماتغسله
بالمويه قبل ماتحطى الشامبو
حطى كميه وافره من اى حمام زيت
عندك فاشكول او فتيكا او اى نوع ودلكى
شعرك زين زين وبعدها اغسيله عادى
بالمويه وبعده اغسليه بالشامبو عادى
فائده هالطريقه ياحلوات
حمام الزيت راح يسحب لك الزيت اللى
بشعرك وبكذا راح تترتاحى وماترهقين
شعرك بكثره الشامبو ويستفيد شعرك من
فائده الزيت
والله يابنات انى ارتحت وماصرت اشيل
هم انى ابزيت شعري وكثير من اهلى ومعارفى
جربوها ومره جازت لهم

يسسلموو حبيبتي حجربها مره فرحت عشان نفسي ازيت شعري (:

يآهلا أخواتي
أنا شعري موب دهني إذا فيه كلمه أكثر من دهني هذا شعري
على طول يدهّن ويحكنّي حيل من القشرٍه الله يبعدهآ
المهمٍ أستخدمتَ
وربي يجنن ’ يعني هو صح للحين شعري دهنيَ
بس أخف من أول ’ أحط الشآمبو وأغسلّه بعدين أحط حمام الزيت يمكن دقيقتين بس
وأغسله وأنشف شعري ’ يطلع نآعم مرآ ماشاءالله ’ وبسسَ
دعواتك حبيبتيَ ’ موٍفقه : )

آن شاء الله استخدمو ويآآآآآآآآآآرب يخف شعري من الزيت والله يسعدك حبيبتي