شعري وخلطات الحنونة شكر طلب

في البداية أحب أشكر الحنونة على جهودها الواضحة الي تبذلها في سبيل مساعدتنا في علاج شعورنا
والحمد الله بفضل الله ثم بفضل خلطاتها تحسن شعري كثير
يعني قبل كنت لما أغسل شعري بالشامبو يصير ملمسه خشن ويابس وشابك في بعض
وبعد فترة بسيطة جدا ينفش
وحتى لما استشوره يظل نافش ولازم استخدم كريستال وأمر عليه بمكواة السيراميك
أما الحين وبعد مااستخدمت جزء من خلطاتها
صارت شعرتي لينة ورطبة والنفشة الي كنت أعاني منها راحت
ولما استشوره يصير خيال روعة ولا استخدم لا كريستال ولا المكواة
استغنيت عنهم تماما
ولكن قبل كم شهر صبغت والحمدالله ماتضرر شعري كثير
لكن مقدمة الشعر هي الي تضررت أكثر شيء
صارت المقدمة ناشفة وجافة ومتقصفة وفي فراغات في الجوانب
وصرت مستحيل أرفع غرتي
على طول أخلي الغرة على وجهي علشان أغطي عيوب المقدمة
فياليت أختي العزيزة لو تكرمتي علي بحل لمشكلتي هذي
مع العلم أني متزوجة يعني مابي خلطات أنام فيها
ولأنو عندي دوام فماأقدر أستخدم الخلطات اليومية
تحمليني شوي وعطيني خلطة عدد ساعاتها معقول وتكون من مرتين لثلاث مرات في الاسبوع
وكمان حابة أسألك عن خلطتك هذي
ملعقتين سدر مطحون+ملعقتين حبة سودا+ملعقتين زيت خروع+ملعقتين زيت نارجيل+ملعقتين زيت لوز حلو تخلط الكل وتضيف عليه شوي ماء مغلي فيه ثوم وبصل وبعدها تحط الخليط مرتين بالاسبوع لمدة 3ساعات او اكثر
هل اقدر استخدمها مع العلم أنو شعري مصبوغ وطبيعته جاف
وهل أقدر أضيف للماء المغلي الزعتر علشان التساقط وكم المقدار ؟؟؟
ومشكورة مقدما