شكلي مو طبيعيه شرايكم

1. بدخل بالموضوع على طول

السلام عليكم حبوبات

بدخل بالموضوع على طول

انا متزوجه لي سنتين تقريبا بس ابي اسالكم عن حالتي ايام الملكه<<< صباح الليل توك تصحين
معليش نفسي اعرف ايش اللي كنت امر فيه هذاك توني فتحت جوالي القديم كنت استخدمه ايام الملكه واول ايام زواجي يعني كنت اقرا رسايل زوجي لي ربي يخليه ويحفظه يعني سبحان الله وربي اقرا اقرا اقرا ايش كان يرسل والله رسايل حب وغرام روعه يعني اتوقع اي بنت تتمنى كذا لكن انا كنت مو حاسه بشي ابد ابد مرت فترة الملكه بكل برود مدتها تقريبا 4 اشهر والله لما قريت رسايله الحين ذبت وانا لي سنتين معاه بس ذيك الفتره والله ماكنت حاسه فيه ولا كنت حاسه بشي حتى كنت كسوله مره مابي اجهز حق العرس مع اني اشوف البنات طايرين بالتجهيز الفستان الجزمه الطرحه تجيهم حالات وازمات نفسيه لنقص شي او تاخرت وانا والله ولا تقولون قالب ثلج الفستان قبل الزواج باسبوع واحد بس تصوروا شريته جاهز وعدلت المقاس وخلاص الصاله ولا فكرت فيها ابوي واختي اختاروها ولا كلفت حالي اروح اشوفها المسكه بنفس يوم الزواج شريتها وانا رايحه الصالون ولما رجعت منه مريت اخذتها كل شي على البركه مش حالك حتى اغراضي التجهيز والله خواتي كانوا يسحبون سحب من البيت عشان اروح اشتري وانا اروح اتمشى بالمجمع واروح كوفي ولا على بالي..شسالفه
الحمد لله طلع زواجي مرتب بس كان ممكن يكون مميز واروع بكثير لو اهتميت شوي بالله جاوبوني ليش كنت كذا يعني احس الموضوع غريب مو طبيعي فيه احد مثلي والا بس انا وايش تتوقعون السبب