شنط تقليد ماركات بأقل اقل الاسعار

مراحب بنوتات
اخباركم ؟؟
ان شالله تمام
المهم يابنات بخش في السالفه على طوول
انا من زمان ليس ببعيد وركزوا لي على ليس ببعيد خ
المهم كانت زوجه اخوي تقول لي تبين شنط ماركات تقليد ماتفرقينها عن الاصلي وبأقل الاسعار
اذا رحتي الشرقيه روحي سوق الحب
فيه محلات فيها شناط تقليد بالهبل واذا تبين ارخص وارخص روحي لجهه سوق الجمله بسوق الحب وشوفي العجب العجااب
انا طبعا اتكاسل اروح هناك مدري لييه
المهم يابنات ب اجازه الاسبوع اللي كانت قبل كم اسبوع نزلنا من الرياض لشرقيه
الين بخاطري شنطه من جوتشي قلت يابنت الحلال تعوذي من ابليس وروحي للحب ذااه وشووفي صدق مرت اخوك من كذبها ههه لاتسمعني بس
المهم رحت هنآك وقلت واو والله يابنات شناط ب 100 ب 200 وفعلا ماتفرقينها عن الاصلي وفيه ب 500 بس اتوقع هذا اكثر شي
بس الشناط اللي ب 100 وب 200 روعه شووي عليها حتى لو تكاسرينه خفظ لك اكثر كاك
المهم انا من الدهشه والانبسااط قمت امشي وانا فاتحه فمي ومطيره عيوني واعجبتني اكثر من وحده بس بني آدم طماع
قلت الا الف السوق بكبره
وانتو عارفين الحب هذا تسبير = كبير لغير الناطقين بلهجه اهل الرياض
وصرت امشي وامشي وامشي واشووف قلت ياحظكم يا اهل شسمه اهل الشرقيه
حتى يابنات من الرخص وربي اغلب الحريم اللي شفتهم يمشون بالسوق شنطهم ماركات
المراد من ذها كل ابوه
هل يابنات الرياض مر عليكم بالرياض مثل هيك شي يبيع شنط تقليد ماركات ب وشسمه اقل الاسعار الممكنه وسلالامتكم
مع العلم اني من اهل الرياض مير الظروف خلتني اسكن بمحافظه قريبه منها ولكن ذلك لايمنع اني كل ويك اند فيها وفي اسواقها
ف ياليت تفيدوني جزاكم الله خير