احسن الماركات للمكياج

:اشلونكم اخواتي الفراشات ..... حبيت اقولكم اليوم عن احسن الماركات للمكياج .. طبعا من خلال تجربتي بوضع المكياج
اولا الوحدة منه لما تبي تختار ماركاتها للمكياج مابيها تحتار لانه كل شي راح تلقونه عندي
مابي اطول عليكم ابمقدماتي بس ابي اقولكم احسن كريم اساس شفته ابحياتي ماركة Mac لان يخلي بشرتك والله طبيعيه بالمرة حلومع طبعا البودرة حقها ، اما اذا كانت البنت تعاني من حبوب بالبشرة او شي من هذا القبيل وتبي تخفي اي شي ابوجهها تستعمل ماركة كاراجاKaraja لانها هاذي الماركه لها قوة عجيبه في اخفاء جميع عيوب الوجه،واما بالنسبه حق الكونسيلير وهو اللي يخفي سواد اللي تحت العين واحسن الماركات اهو GIVENCHYو ماركة CLINIQUEواحسن فرشات لتوزيع المكياج طبعا بودي شوب طبعا بالإضافه له القطن اللي راح اتوزعين فيه المكياج ، واحسن الوان شفته للايشدو ماركه pixi ،فراشاتي هاذي ماركة بيكسي اي لون يخطر على بالج تلقينه عندة وروعه الوانه لدرجه تلقين جميع الالوان واللي تبين ودرجاته ، اما بالنسبه حق احسن ماسكرا اهي إيفسانلوران اما بالنسبه حق اللوان الروج( الحمرة اللي تنحط بالشفاة) lancome و كريستيان ديور لانه راح تلقي الالوان فيها جنان وكلها جذابه اللوانها
ولا تنسون عزيزاتي استعمال اليد في توزيع المكياج احسن من اي فرشاة وانشالله اكون افديكم وغطيت اللي تحتاجونه