شنو اسوأ منتجات الشعر اللي استخدمتها وافضلها هنا

شلونكم بنات حبيت كلنا نستفيد من بعض ونتوخى الحذر من بعض المنتجات المخصصه للشعر واهني نطرح احسن المنتجات واسوأها
نبتدي بالاسو|أ:
1-اسوأ زيت هو زيت هيميتاج صراحه بايخ وبارد وياليت يسوي شي مافادني ابدا يمكن فاد بنات غيري
2- ماحبيت زيت ام الجدايل او زيت الثوم او البصل ماركب ابدا علي شعري
3- زيت الفازلين وحده من صديقاتي قالت لي ان يطول بصراحه مافادني عادي بس ماضرني بعد
4- زيت الخردل يقولون ان يول الصراحه ماسوا شي وقطعته لان كان يضايقني ومومريح ابدا
5- حطيت الموز ولصق بشعري ابتلشت والله
6- حتي البيضه يقولون تطلع ثعلبه وقطعناها والماييونيز بعد قالو عنه نفس الكلام انا عن نفسي ماستعمل المايونيز لان يدهن وايد
والحين نبتدي بالاحسن :
1- زيت السمسم طبعا معروف انه يطول الشعر وغني عن التعريف
2-زيت الجرجير وافضلهم ماركه موجوده بالسعوديه امي يابته لي من اهناك بس المشكله مادري شنو ماركه يهبل الصراحه
)3_ وطبعا عشان نخلي شعرنا يبين منتعش احب استعمل السيرومات بانواعها لانهاةتعطي لمعه واحساس ان شعري مو باهت واحط خصوصا علي الاطراف المقصفه عشان تهدا ولا يبين منتفش
4- حمامات الزيت : قبل جم سنه كانو يبيعون حمام زيت بالكافيار هم الماركه ناسيتها ...واقطعوه للاسف وكان مكتوب بالعلبه ان يطول الشعر بطريقه ملحوظه والله يابنات فعلا من احطه كان شعري عقب الشاور يطول منه علي طول انا لي يومكم مستغربه منه بس عيبه ان يطول ويطيح ههه عيل شنو الفايدده زين اقطعوه ههه ههه
5- ماسكات للشعر : احب من لوريل الفيف اسمه تحطينه بعد الشامبو وايد حلو وينعم الشعر
وطبعا الشاميوات كل يوم لي شامبو جربت هيربل بانواعه صانسيلك بانواعه وهيد اند شولدرز بانواعه ولوريل بس لي يومكم مالقيت الشامبو اللي يستاهل اني اداوم عليه فيليت تفيدونه من تجاربكم

• *وياليت اذا وحده فيكم مجربه ماركه(( كريتساس ) ) تقولنا شنو استعملت وشنو فادها في والسعر

وطبعا نبي تجاربكم وتفاعلكم للفايده بنوتات الفراشه