شوفو قصتي واحكموو

1. سادسا:ياكل حقوق الناس وعليه ديون القضاء

السلام عليكم ورحمة الله وبركاته
أخواتي الكريمات انا بقولكم قصتي باختصار وقولولي تصرفي صحيح ولا لا
ان متزوجه صار لي ثلاث سنوات وعندي بنت الله يخليها لي وزجي كان في البدايه زين ولكن كل ما عشت معه اكثر اكتشفت اشياء ماهي زينه
اولا مايصلي ابد كان اول ما تزوجته يصلي وبعض الفروض يفوتها وبعدين صار مايصلي الا الجمعه والحين وصل لحد انه مايصلي ابد
ثانيا:يخوني ان كان كلام بالتليفون اوالجوال او النت انا ماني متاكده من ناحية انه يقابل بس مره حسيت بشعور قوي انه كان مع وحده والله اعلم
ثالثا:انا الحين ادرس والله يااخوات انه ماخلاني اكمل دراستي الا بعد ما ترجيته وقعدت ابكي وتوسطو اهلي واهله في هذا الموضوع
رابعا: ما يساعدني لا في راتب الشغاله اللي جبتها عشان تقعد مع بنتي ولا في فلوس الباص اللي يوديني ولا حتى مصروف لي انا ادفع من مكافاتي او اطلب من اهلي واذا طلبته قال دبري عمرك او اجلسي في البيت مو لازم تدرسين
خامسا: اكثر من مره يضربني عشان اكشفه وهو يكلم بنات واوجهه بالموضوع ومايلقى مخرج الا انه يضربني دائما يقولي انتي شكاكه وقلبك اسود ودائما انا الخطا وهو الصح

سادسا:ياكل حقوق الناس وعليه ديون القضاء

انا يا اخوات ماني كامله بس والله ماقصرت عليه في شئ البس واتدلع واطبخ احلى طبخ وبيتي نظيف دائما واسوي حركات رومنسيه ولكن كل هذا مو شايفه شئ
والله اني نصحته انه يصلي وكل شئ خطا يسويه انصحه بس بدون فايده صارت مشاكل كثيرة ورحت بيت اهلي ووصلت بيننا لطلاق وجاء هو وابوه واعتذر وحلف انه يصلي ومايكلم بنات ويعاملني بالمعروف ورجعنا بيتنا وقعدنا فتره بسيطه ورجع اخس من اول
انا اول كنت اخاف عليه وانصحه لاني احبه وابغاه يكون احسن واحد واشتاق له رغم انه ماهو زين معي لكن الحين والله يااخوات ان وجوده بحياتي صار زي عدمه صرت بس ابيه يكفيني شره وخيره ويسوي الي يبي يسويه بس اهم شئ يكون بعيد عني انا عايشه انا وبنتي حياتنا اروح الكليه وارجع بيتي اذاكر واسوي اي شغله عشان اسلي نفسي والواجبات الي عليه كزوجه اقوم بها
انا اسفه على الجرأه بس لما ينام معايه كانه ينام مع انسانه ميته احس اني ماابادله اي مشاعر ابيه يخلص ويفكني ما ابي اقول له ماابغى انام معاك لاني خايفه من الله لان هذا من حقوقه ولايجوز اني ارفض
وهاذي حياتي احس اني صرت انسانه بلا مشاعر (جسد بلا روح) الله يصبرني حتى اول كنت ادعي له في صلاتي الحين دائما ادعي عليه مماسوى فيه ان ابي اكمل دراستي عسى ربي يرزقني بوظيفه اعتمد عليها بعد الله.........