شوفوا اش ممكن نسوي بها

السلام عليكم و رحمة الله و بركاته
أخواتي .. أخواني ..
هادي أول مرة أحط موضوع في دا القسم ( و في المنتدى كله ).... > يعني أفهموها و بلاش فشلات ههه
بسم الله ...
شايفين الكرتون دا ...
عارفين اش فيه ؟؟؟ > بدينا نلعب غميضة .....
عارفين الخشبة إلي يدخلها الدكتور في الفم لما يبغى يشوف اللوز ؟؟ > و تخلي الواحد نفسه ... ع
هادا هو كرتونها ... > كتر خيرك يا أختي .. اش المعلومة العجيبة دي !!
طبعا تجي مغلفة > لزوم التعقيم ..
لكن مصيرها تنفك > خليها تلعب غيرها المرة الجاية !!
شوفوها ...
ايش ممكن نسوي بها ؟؟؟؟؟؟؟؟؟؟؟؟؟؟
طبعا ممكن نسوي بها أشياء كتير ... > غير الع إلي قلته فوق !!
وأنا جبت لكم بعض الأشياء إلي سويتها بهادي الأخشاب ...
سويت بها أعمال فنية في مدرستي ..
طبعا لا تآخذوني عالتصوير .. > ترى أول صورتين كانت قبل سنتين !! و الباقي .. السنة إلي فاتت ..
( 1 )
هادا العمل .. حق أطفال .. وكأنه أصيص زرع وفيه وردة .....
( 2 )
وهادا العمل ... هو سلة حلاوة للأطفال !!!!!!!!!!
طبعا الأرضية فلين عشان ممكن نغرس فيها الحلاوة الملصقة على أعواد الأسنان > يعني حركات
وهنا الأعواد أدت دور سور الحديقة ..
( 3 )
وفي هادا العمل ... سويت برواز أو ممكن نقول ستاند لأي ورقة عندك .. > نسيت أصوره بالورقة إلي تنحط عليه
طبعا أساس العمل هو غلاف شريط كاست ...
والأعواد كانت خلفية للبرواز ..
هادي صورة من جنب ....
وهادا العمل كان ضمن طقم طاولة استقبال ..
إن شاء الله المرة الجاية بحط لكم موضوع خااص و أحط فيه الطقم كامل ..
اش رايكم ؟؟؟؟؟؟؟
اتمنى تكون عجبتكم الأعمال ..
وانتوا كمان ..
عندكم فكرة ممكن تنفذوها بهادي الأخشاب ؟؟؟
إلي تجيه فكرة و يسويها يا ريت يورينا هي ...
^^ ودمتم سالمين ^^
أختكم ...
~ مرام ~
~ MARAM ~