شوفوا زوجي كان حيقتلني

بسم الله الرحمن الرحيم
كنت في يوم رايحه لبيت خالتي لمساعدتها في ترتيب جهاز بنتها وكنت لتوي مخلصه اختبارات
وعانيت مع صعوبة الاسئله وكانت نفسيتي مره تعبانه على الأخر... و فوق هذا أدق على زوجي
ما يرد علي ....
المهم...
و أنا في بيت خالتي و وسط رجت بزارين خالتي و واصله حدها معاي لدرجة أني كنت
حابسه دموعي للبيت لما أرجع ... وكانت الساعة 4 صبح و مستنيه أبويه يجي يأخذني ...
أتفاجئ بزوجي يدق علي بعد غيبه ... و يكلمني وهو مره زعلان :
بسرعة أنا كلمت أبوك أني بأخذك (( لأني لسه مملكه )) أنزلي ...
أنا قلت له غريبة طيب ليش ....قال لي أنزلي بسرعة و مالك شغل ......مع السلامة
بصراحة أنا مره خفت صرت بس أفكر إيش الشيء أللي أنا مسويته زعله نزلت عادي
كأني ما حسيت بزعله و بضيقته ...
طبعاً نزلت مع أخوي الصغير.... و طول الطريق ساكت حاولت أرطب الجو صرت أقوله:
حياتي مره وحشتني ....
عقبال ما أغلف جهازي قول آآمين ........
اليومين دي دقيت عليك ما ترد علي ......
تصدق الأسئلة كانت مره صعبه ......
و هو ساكت ولا عبرني...
وبعدين قمت أطالع أخوي اللي جالس و رأي و مسكين كان واضح عليه انه خايف وقام يأشر لي
إيش فيه زوجك .......؟؟؟
ما رديت عليه من كثر ما أنا مقهوره عاد أنا اللي عارفه ...
و رجع الهدوء وهو ولا كلمه .....!!
وبعدين أخوي صار يقول لي في أذني : أبى مويه ....
قمت قلت له : حياتي وش رأيك توقف عند أي سوبر ماركت أنا مره عطشانة ..........!!
ولا حياة لمن تنادي .....ولا كأني أكلمه وأنا خلاص صرت ماسكه نفسي عن البكى ودي بس
أنزل من سيارته ....
و فجاءه لقيته موقف على الكورنيش وكان شبه فاضي تعرفوا إيش سوى المجنون ...
خرج من السياره وفتح بابي وقال لي أنزلي...
أنا مره أنقهرت يعني معصب طول الطريق وفي النهاية جايبني على الكورنيش ......
ما رضيت وقلت له ما أبي ....!!
قال انزلي أحسن لك ... ( غريبة وش هذه اللهجة الجديدة )...
قلت لك ما أبي رجعني بيت أهلي أنا تعبانه والولد عطشان ....
مسكني من يدي وقال بللهجة شديدة أقول لك أنزلي ......وسحبني من السيارة ...
قلت له إيش تبى فيني حرام عليك .......
والله اللي فيني كافيني وش سويت لك حرام عليك عمري ما غلطة في أي تصرف معاك إن
كان في شيء قول لي بس مو بهذه الطريقه...
كل هذا الكلام وأنا بس أبكي ..
فجأة ألاقيه شايلني ويجري بي للبحر لمن دخل في موية البحر و وصلت المويه لركبه أنا صرت اصرخ
وأقول له وش تبى تسوي يامجنون نزلني نزلني ....
و أخوي صار بس يبكي و هو بالسيارة يصارخ نزل أختي لا تقتلها..
و أنا صرت أطالع زوجي وأنا أبكي وعيوني راحت جمر من البكى ...
وقتها زوجي صار يهمس بأذني ويقول ....... تعرفون وش قال النذل ....
إلا دموعك يالغاليه مقدر أمثل لما أشوفها
الدنيا كلها ما تسوى دمعه من عيونك .....
أنا أزعل من حياتي ونور عيني.....؟؟
أزعل منك يالغاليه ........؟؟
أموت فيكي وأحبك من كل قلبي ......
اموت فيك قد هذا البحر بطوله وعرضه تفتكري إني ما حسيت فيكي يا عمري و أنتي نبض قلبي .....
وقام يصرخ بأعلى صوته
أحبك
أحبك
أحبك
أحبك
أحبك
وقام يدور بي وهو شايلني .........
وأخوي لسه بيبكي في السياره مو داري عن شيء ......
عاد تصدقوا والله أنتم اللي مو دارين أنو هذه القصة من خيالي ....... يعني لازوج ولاخطيب....هههاي
لازم تكونوا عاطفيين مع زوجاتكم وزواجكم لأزم تشبعوا العاطفة الجياشة .....
ليش تتركوها تتخيل هذه اللحظات الرومانسية.....؟؟
ليش ما تطبقوها على أرض الواقع وتسعدونا ....؟؟
لأزم تقول لك زوجتك سوي هذا الشيء معايه ..... كذا ما راح تصير حلوه ...ولا وش رأيكم .......!!؟
ليش ما تعيشوا كأجمل حبيبين هو العمر مره وحده وما يتكرر عيش عمرك يا أخي طبعاً في
ما يرضي المولى أيضاً ......
ليش في مجتمعنا نجد الكثير منا لا يظهر مقدار محبته لزوجته .........؟؟؟
و ليش ما نظهر هالمحبة لمن حولنا ......
ملطوش لاحلا فراشات..