شوفوا طريقة ارجع بها لمعة المغسلة الله يستر عليكم

مساكم مليئ بالأنوار وبالصلاة على الحبيب المختار
حبيباتي فراشات منتدانا الغالي وحشتوني من زمان مادخلت المنتدى بسبب انشغالي بامور الحياة
الله يشغلنا دائما بطاعته والعمل لوجهه الكريم
الموهيم !!!!!
ماراح اطول عليكم عندي مشكلة صغنونه معنويا لكنها كبيرة بالنسبة لي شخصيا
شوفوا ياحلوين .....المغسلة حق المطبخ الي عندي في البيت طول عمرها نظيفه وتلق بلمعتها
بس للاسف يافرحة ماتمت في يوم جبت شغالة لمدة يوم واحد عشان تساعدني في تنظيف البيت لمناسبة كانت عندي في البيت
المحروسه راحت وكبت فلاش في المغسلة وياويلي على الي جرى تعالوا شوفوا ايش الي صار عالمغسلة
كنت راح ابكي من القهر وانا الي متعودة انه مغسلتي تلق لق من اللمعان ودحين صارت مسودة ولونها
مدري كيف صار حاولت جميع الطرق عشان ارجع لها لمعتها (دعكتها بالكلوركس والعملاق الأخضر وصابون القدور وبخاخ الزجاج )بس للاسف كأنك يابو زيد ماغزيت ولا كأني عملت شئ
يابنات انا راح اتجنن (بسم الله علي )بس عن جد الحقوا علي وشوفوا طريقة ارجع بها لمعة المغسلة
والله يستر عليكم ويحرسكم ويرعاكم ويحقق لكم مناكم