شوفوا كيد الرجال شيسوون بالغافلات

السلام
كل الناس تتكلم عن كيد الحريم لكن الصراحة اللي اشوفه ان الرجال كيدهم عظيم
سمعت يا بنات قصص غريبة وعجيبة من رفيجاتي عن طرق المكر والخداع اللي تتعرض لها النساء
صدقوني ’’’’’’’’’’’’’’ كل وحدة لازم تاخذ حذرها من زوجها ولا تآمن له ابدا وتدير بالها عليه عدل
طبعا مو بالتجسس والتخويف والهواش والكلام الفاضي
بس عن الطريق اداء كل واجباتها على اتم وجه والا طار
المهم اقرؤا معاي القصة وشوفوا اللي صار
قصة حقيقية واقعية
كان في وحدة مزيونة والله رازقها بالعيال والبنات وعلاقتها ممتازة مع الزوج واهله وراعية بيت من الدرجة الاولى
واخيرا وبعد عشر سنوات من الزواج طلعلهم بيت حكومي
وما كانت الدنيا شايلتها من الفرحة
اخيرا صا لها مملكتها الخاصة اللي تديرها على كيفها
ولكن وما ادراك ما لكن
اقنعها زوجها بتاجير الطابق الثاني من بيتهم بحجة ان الاقساط كسرت ظهره وحتى ما يقصر عليهم بالمصروف
وفعلا ,,,,,,,, تاجر الطابق الثاني من بيتهم
لكنه كل يوم كان يحذرها من زيارة المستأجرين الجدد لان سمعة المستأجر مو زينه وانه شري وراعي سوابق
وسوالف كثيرة كل يوم يؤلفها
لين اخترعت الزوجة وقررت انها ما تزورهم ولا حتى ترحب بالمستأجرة
وفي يوم من اللايام
جت اخت صاحبة البيت وسألتها عن المستأجرة الجديدة وطلبت منها تعرفها عليها
ورفضت صاحبة البيت وحذرتها منها وان زوجها شري و كل الكلام اللي اقنعها زوجها فيه
المهم
اختها شكت بالموضوع ودارت في راسها علامات تعجب واستفهام كثيرة؟؟؟؟؟؟؟؟؟؟؟؟؟
واجبرتها على زيارة المستأجرة الجديدة
واول ما فتحت لهم المستأجرة الجديدة الباب بين عليها ملامح الخوف والقلق
ولما دخلوا للصالة شافت صورة زوجها معلقة ومعاه عروسه الجديدة
شفتوا يا بنات كيد الرجال
اللي عندها اي قصة من هالنوع ارجو اضافتها للعظة والعبرة
وشكرا للمتابعة