شوفوا وش سويت بمهري تعلموا من أخطائي

1. السلام عليكم ورحمة الله وبركاته


2. شخباركم يا حلوات ان شاء الله طيبون


3. ادري بتقولون وش شريت :down:


4. فنصيحتي لكل مقبله على تجهيز نفسها:

السلام عليكم ورحمة الله وبركاته

شخباركم يا حلوات ان شاء الله طيبون

قبل ما ابدى باي شئ بقولكم شغلة يا بنات الشرقية لا يطوفكم مجمع الجمعة يجن ن:up: ومليان محلات حلوة للاحذية و الشنط و الاكسسوارات روعة مرة و خصوصا محل بنت النور فخم مرة و اسعاره معقوله يعني اكسسواراته احلى من الذهب بس ماقدرت اشتري
المهم يا بنات ابيكم تقرون كلامي زين سواء مخطوبات او لا علشان تتعلمون من تجربتي و ان شاء الله كلكم تتزوجون و يكون جهازكم احلى جهاز
اللي صار معي اني لما عطوني مهري سجلت الاشياء الي باشتريها بورقة و جهزتها زي ما كنت اقرا بالمنتدى
و بديت اشتري و ماكنت اتقيد مرة بالي مسجل عندي و من جهة ثانيه انا ما كنت اعرف الاسواق الي حوالينا كثير و اسعارهم فكنت اروح لمحلات الماركات و اشتري منهااي شئ يعجبني و فجأة بعد شهر من الفرة بالاسواق لقيت الفلوس طارت و ما بقى معي شئ و انا تقريبا ما شريت شي
تخيلوا باقي لي العطور و المكياج و الشنط و الاكسسوارات و ما خيطت فساتين سهرات و لاعندي تيورات للطلعات الكشخة

ادري بتقولون وش شريت :down:

خيطت فستان العرس و فستان الصباحيه و 4 جلابيات فخمة و الباقي راح في قمصان نوم و ملابس للبيت يعني من البناطيل و القصير من تنانير و فساتين و بعد هذي موب كثيرة لاني كنت اشتريها غالية من محلات غالية يعني فستان من الفساتين طوله اقل من المتر 770 ريال :down:

فنصيحتي لكل مقبله على تجهيز نفسها:

1. صح حددي الاشياء الي تبين تشترينها بالتفصيل حتى الشرابات و لكن قسمي مهرك على الاغراض يعني حددي ميزانية كل شغلة بحسب اهميتها
مثلا قولي فستان العرس 5000 القمصان 4000 وو هكذا علشان تعرفين تتصرفين زين بفلوسك و يا ليت تخلين مبلغ معك للاخير على جنب لاي طوارئ او تخلينه لشهر العسل و لاتنسين تعزلين مبلغ للكوفيرة و مكياج عرسك و الحف و النقش
2. قبل ما تشترين اي قطعه فري كل الاسواق الي بتروحين لها و سعري كل شي و قارني الاسعار علشان ما تتوهقين و تشترين شي و تلقين احلى منه و ارخص زي ما صار لي واذا انتي تنسين سجلي بورقة
3. يا بنات لا تستهينون بالمحلات القديمة مثلا بالشرقية لا تستهينون بسوق الحب و السويكت
4. حاولى ما تشترين كثير من الماركات الا اذا كان تصميم ما لقيته الا عندهم لان الماركات غالية و لا تسون مثلي ضاعت فلوسي عندهم على ملابس ممكن تلقينها في محلات ثانيه خصوصا الاشياء القصير و غيرها تلقينها بمحلات ثانية مو ماركه و ارخص و الي يحلي الملابس هذي مو صناعتها الي يحليها جسمك و زوجك ما راح يدق اذا هي ماركة او لا
5. الاحذيه و الشنط الي تبين تشترينها طقم لملابسك (مابقالي فلوس اشتري هالاشياء ) اشتريها رخيصه لانك تشترينها للتنسيق مع لون فستانك فحرام تضيع فلوسك و مجمع الجمعة مليان من الاحذية و الشنط روعة
6. ركزي على الاشياء الي تستخدمينها كثير يعني اذا انتوا عائلة كبيرة و بتروحين عزايم كثير بعد الزواج لا تخسرين على الفساتين الجاهزه ترى الاقمشه رخيصة لو شريتها و خيطيتها و دوري لك خياط رخيص مو كل غالي خياطه حلو ولا تكيسلين عن الفرة و تقولين اريح عمري خصوصا محلات الاقمشة القديمة حلوة و على فكرة السويكت غالي بس احيانا تلقين اقمشه فيه موب في غيره
مثلا لو شريتي من التول و الاورغنزا و الشيفونات و صممتي موديلات بحركات و الوان مناسبه لك و تبين جمالك يكفي عن شك و غيره و ممكن تشترين متر أو أقل من قماش غالي و تصممينه على فستان يعني تخلين الخياط يوزع منه على الفستان و هكذا او تيورات كشخه اتمنى فهمتونوني << ياليت من علمني قبل ما اتوهق
واذا انتوا عزايمكم موب كثيره اوفر خليها بشي راح تستهلكينه و شوفي شالي بتستهلكينه و اسئلي اخواتك او قريباتك من نفس بيئتكم << ما كان عندي من اسئله
7. لا تنسين تشترين و تنوعين ملابس البيت يعني قصير تنورة و شورتات و فساتين قصيرة و ارواب و ملابس طويلة ناعمة و يعني من كل الاشكال المفتحه و المسكرة و ملونه و لا تكون غاليه و العطور لانها الي بتستهلكينها وهي الملابس الي تهمه و العطور بعد لا تنسينهم و على فكرة كثري من الحركات الغريبه في الملابس و الاكسسوارات
منقول للفايده