شكرا دانه الرياض جربت الي قلتيه وشوفوا النتيجه

1. وتعالو اقولكم ايش صار :

يعطيك العافيه يادانه الرياض على نصيحتك باستخدام مسك العروس مع عطر جلو صراحه جنان

وتعالو اقولكم ايش صار :

امس رحت لعبد الصمد القرشي اللي في سوق اللمملكه وقلت له يعطيني مسك العروس طبعا التوله ب200 ريال ونصف توله مجانا او نصف ب100 وربع مجانا او ربع ب50 طبعا اختكم لمياء اختارت خير الامور الوسط واخذت نصف توله ب100 بس يصراحه ريحته جنان المهم واروح طايره لدبنهامز وعباتي طايره وراي كن حرامي يلحقني وااخذ عطر جلو ريحته حلوه (بس ما اعجبني مره) المهم اخذت العلبه الصغيره ب180 وأكيدفي السويلم ارخص وبعدين رحت البيت وانا فرحانه بالاغراض اللي معي وادق على اختي واقولها على مشترياتي وبعدين قالت لي انا حول بيتك ابنزل اشم العطر (وحده مشفوحه) ولما شمت العطرين مع بعض انهبلت عليهم ثم قالت لي عن اذنك قلت وين قالت لعبد الصمد القرشي صراحه الريحه جنان.
المهم نومت العيال بدري وادخل الحمام واخذ دش واحط المسك وبعدين العطر والبس قميص لونه فسفوري بس روعه اول مره البسه واحط مكياج ثقيل مثل مكياج زينب العسكري (بس طلعت احلى منها) ههه
ولما كلمني زوجي قال انا في الطريق وتعبان مره احس ان داخلني براد واحس ان عظامي متكسره طبعا ضاق صدري وقلت الليله خربت علي ولما دخل البيت استقبلته بالاحضان ولما شم العطر قالي اش الروائح الحلوه وما دريت الا والرجال دخل الحمام كانه حصان واخذله دش ولبس احلى بجامه عنده وحط العطر اللي احبه وقام يتغزل بجمالي وماهيب عاده الرجال خفيف . وطبعا عشنا ليله من الف ليله وليله صراحه اول مره احس اني مغريه مره (الظاهر ان العطر عمل عمايله) ومن بكره طلعني نتعشا برا في احلى مطاعم الرياض(الريف اللبناني) واحنا في السياره كان زوجي متلطم بالشماغ قلت له غريبه ليش متلطم قال ان ريحه عطري البارحه مسكت في الشماغ وانا حاضنته اول مادخل البيت وانه قاعد يشم العطر بالشماغ.
شكرا جزيلا مره اخرى يا دندونه الرياض