شوق وحنين انا بين السطور

شوق وحنين
يبه لبيه وش تبي امرني وتدلل تبي شاي والا كأس ماي اجيب دواك من عيوني وش اللي تبيه الحين اجهز جزمتك بتطلع ابشر وحاضر اجهزها اللحين يبه نسيت اجيب لك صحن البطاط انتظر اللحين يجيك
قبل خمس سنين اسولف معاه اركض اجهز جزمته اذا بيطلع واجيب له كأس الماي عشان يأخذ دواه
واليوم اسولف مع طيفه وصورته اللي بقت لي من ذكراه
راح وراحت روحي معاه وصرت جسد خالي ماتسكنه غير الذكريات
هذي حالتي من بعد فرقاك لاانذكر طاريك اتخيلك واشوفك ويروح الفكر وياك اجبر عيوني تحبس الدمع حتى تبقى صورتك بداخلها وماتروح تبقى حلوه وماتشوها الدموع
يبه احبك والي اللحين صورتك وياي اكلمها واعلمها عن اخباري يمكن تعلمك وش صرت انا بعدك
صار ليلي ماهو ليل والصبح ماهو صبح ابات مكسوره واصحى مشتاقه والايام تجي وتروح مثل بعضها
مااشتاق لاحد غيرك واذني حنت لصوتك الحنون
وصدري ملاه الهم يبي يرتاح بااحضانك
وعيني اه من عيني تناظر الناس من يمين ومن يسار نظرة يتيم مشتاق إلحنان
تحسد الطفل الصغير اذا ارتمى في حضن ابوه وتحسد البنت الكبيره اذا نادت يبه تعال انا هنيه ويجيها ملهوف ويلمها حيل لصدره
هذي اخباري من خمس سنين كلها شوق وحنين
مواضيع ذات صلة:
مسابقة : " أنا بين السطور "
إلى المشاركات في مسابقة " أنا بين السطور" + روابط المشاركات
تريدين نقدا بناءً من دون زعل ، تفضلي هنا !