شووفي تجربتي مع كبسولات الشعر

شيخـــــــــة البنـــات..

14-12-2022 - 03:44 pm

لان ياما تكون النتيجه مؤقته او لاشي!!!

يابنات ابي اقولكم عن حبوب الحديد... وعن تجربتي يشهد الله اني صادقه في كل كلمه بقوولها ...
انا استعملتها صار لي اكثر من اسبوعين يعني تقريبا عشرين يوم وازود المهم بقولكم انا شعري ايش نوعه؟؟
انا شعري كان >>> قلت كان.... طويل وناعم وكثيف وفيه لمعه ويجن حتى صديقاتي يقولون لي تقدرين تسوين دعايات واعلان على شعرك يقولون شعرك احسن من اللي يسوون دعايات...
واختكم في الله من اول ماكبرت يعني من عمر 14 بدت في الصبغاات كنت اعشق الصبغات لاني يوم اصبغ شعري يكوون ملفت واحب اغير لووك تعرفون البنت اول ماتبلغ تحب تتزين وتغير في شكلها...المهم مابي اطوول اكثر..
انزين بعدها شعري انعدم وتغير 1000000 درجه صار يتساقط وخفيف وصار مايطول بسرعه استمر الحال هذا يمكن 4 سنين وخاصة بعدما سويت حادث انعدم مره
بعدها حاولت اهتم بشتى الطرق ولكن لا نتيجه تذكر. استخدمت زيووت مختلفه واحسن الزيووت اللي البنات يمدحوونها بس مافي اي تغير يمكن كان يزيد الخراب وغير عن هذا كانت الطرق صعبه وغير الريحه وغير كلام اهلي عن الريحه كانوا يعصبون علي ههه .. فحاولت افكر شسووي حق شعري....
قلت اهتم فيه من اهتم فيه من الداخل لان الاهتمام الخارجي ماجاب نتيجه من زيووت وحمامات زيت واعشاب!!!!!!!...

لان ياما تكون النتيجه مؤقته او لاشي!!!

قبل 4 شهوور استخدمت حبوب كبد الحوت استفدت منها ولكن نظرا لحالة شعري.. النتيجه مارح تكوون فتاكه ولكن جاب نتيجه يعني خف التساقط وطال شووي ولكن ماكثف شعري.... بعدها فكرت بالحديد لان قبل 5 سنين كان عندي فقر دم والدكتوره صرفت لي حبوب الحديد وفي هالفتره لاحظت شعري كيف كان يطوول بسرعه وكان كثيف وحيوي... ففكرت ارجع اخذها اللحين .... والله يابنات اني استفدت منها كثير ماصار لي حتى شهر ولكن خف التساقط بشكل كبير قولوا ماشالله... خ
وحسيت بدت ترجعله الحيويه واللمعه وحسيت بفرق بسيط في الطوول لاني توني باديه فيه ولكني متأكده مع الاستمرار اقل شي شهرين بشووف نتيجه مرضيه
ووقفت الزيووت اللي كنت استخدمها وماجابت نتيجه قبل اكثر من 6 شهوور تقريبا يعني الفايده الاكيده من حبوب الحديد مع كبد الحوت ... لان كل نوع فيهم مفيد للشعر فمابالك لو كلهم مع بعض!!! واكيد مافي منه اي ضرر......
انصحكم يابنات الي عندها مشكله في شعرها تبتدي تعالجها من الداخل قبل الخارج وبتشوف كيف النتيجه بتكون..............
نسيت اقولكم انا مع حبوب الحديد اخذ حبوب الكبد الحوت اللي هي كبسوله وحده في اليوم لان في نوعين من الحبوب في اللي تجي ثلاث مرات في اليوم واللي تجي مره وحده في اليوم انا احب اللي مره وحده <<< لانها عجازه تحب تخلص مره وحده خ
والله اني صادقه يابناات ابي افيدكم مثل ماستفدت من اشياء كثير بالمنتدى.....
بس اللي عندها خلفيه عن الحبوب الحديد هل هو عادي اخذ الحديد في نفس الوقت اللي اشرب فيه حبوب كبد الحوت لاني سمعت ان حبوب الحديد لازم ما تاخذينها قبل او بعد اي شي من منتجات الحليب اللي فيها كالسيوم لان الكالسيوم يعيق امتصاص الحديد فتروح فايدته.. فهل من الافضل اخذ كل كبسوله في وقت مختلف؟؟؟؟؟
ويابنات يشهد الله اني كتبت الكلام هذا عشان تستفيدون..... وعندي طلب صغير اتمنى اي وحده تدخل تدعي لي بالتوفيق في امتحااني اللي هو بكره وتدعي ان الله يوفقني مع خطيبي ...
اتمنى ماكون طولت عليكم....

التعليقات (9)

meme caty

14-12-2022 - 06:18 pm

الله يوفقك ويسعدك في حياتك .,.,.,طيب والبشرة تنفعها ولا لا يعني لاحظتي على بشرتك شئ..................شكرا

honeymoon26

14-12-2022 - 07:19 pm

بصرااحة انا جربت كمان حبوب الحديد اعطت نتيجة كويسة استمري عليها بس كمان انصحك تعملي فحص لقوة الدم ممكن المشكلة ما تكون ضعف دم ممكن تكون ضعف في الكالسيوم متلي انا اخذ حبوب كالسيوم والفترة اللي اخذت فيها الاثنين حسيت بتحسن والله يوفقك كمان

شيخـــــــــة البنـــات..

14-12-2022 - 08:20 pm

اشكركم عالمرور....
وان شالله تستفيدون...
والباقي ليش محد يرد؟؟؟
49 وحده دخلت ولاوحده فيكم ردت ولو بدعووه او كلمة شكرا ع الاقل؟؟؟؟؟

ملكة باخلاقها

14-12-2022 - 09:21 pm

حبيبتي انا كنت استعمل كبسولات زيت كبد السمك لون الغطا احمر حبتين ثلاث مرات في اليوم
بس قالولي انها تفتح الشهيه
معن الفوائد الي مكتوبة على العلبة مره حلوى ومنها انه يساعد على نمو الشعر بفترة قصيره
ياريت تفيديني اذا هي نفسها وصح تفتح الشهي
وجزاك الله خير ياقمر

ام حسن 33

14-12-2022 - 10:22 pm

اولا الله يشرح صدرك وييسرلك اختبارك ويجمع بينك وبين خطيبك على خير وانتم في اتم صحه ويجعل بينكم الالفه والمحبه والله يسعدك فعلا مفيده بس الافضل اسألي طبيبه عن صحة اخذ كبد الحوت مع الحديد وانتبهي اكثر من ثلاث شهور تضرك والله اعلم .................................

زين الصبايا

14-12-2022 - 11:23 pm

اكل حبوب الحديد بكميات غير مناسبه قد تسبب ارتفاع الهيموجلوبين في الدم عشان كذا هي مناسبه للي فيهم فقر دم
بس اللي مافيهم استشيرو الطبيب

.:: صدى الجروحـ ::.

15-12-2022 - 12:24 am

مشكوره و الله يعطييك العاافيه و انا الحين اخذ حبوب حديد و ان شالله اشووف نتيجه مرضيه
و الله يووفقك بحيااتك يا رب

بنوته جداويه

15-12-2022 - 01:26 am

تسلمين وانا وصيت ابويا وللحين ما جابها
والله يوفقك ويوفق الجميع

سارة كل الدنيا

15-12-2022 - 02:27 am

شكرا والله يعطيك العافيه ويشرح لك صدرك ويسهل لك امرك ويجمع بينكم على خير
انا دايم انصح البنات ياخدون حبوب الحديد وحبوب زيت كبد الحوت بس ياريت يسمعون مني

قصه شعر فرح بسيسو←
قصة روعة→