شي شي موطبيعي لسد الشهيه تجاربي مشترياتي ويومياتي بالصور

مرحباا ياقمورات ... الشهر عليكم مبارك
وبما اننا اليوم تاريخ 1_ 9 يعني اول يوم من رمضان اعاننا الله واياكم على صيامه وقيامه
حبيت ابدآ مع نفسي صفحه جديده مع اني بديت من زمان بس حابه انتظم
واحط يومياتي عشان اتشجع اكثر فآكثر
وآي وحده تشوف طريقتي وتعجبها وحابه تنضم معي حياها وعين لها فراش وعينن لها لحاف
بس ياويلها لو تحووس وتخبص
بصراحه انا مو طماعه واقولكم اني ابي انحف 20 كيلو
لا ابي بقدما اقدر احافظ وما يطلع شهر رمضان وانا زايده
اقلها يكون ثابت او ناقص بس مايكون زايد > قنوعه البنت
والاشهر الجايه ان شاء الله يمدي على خير
ومشان هيك بقولكم على شغله مهههمه جدآ واعتقد هي اللي خلتكم تدخلون
موضوعي عشانها > اللي هي سد الشهيه اللي بطريقتي انا
اقسم لكم بالله ان لي كم يوم ماشيه فيها حسيت فعلآ بسدة نفسي بجد عن الاكل والحلا
والايس كريم
وصايره مااشتهي الوجبه كثير بالذات العشاء و يجيني حلا القهوه والمعجنات لحد عندي ومااكلها
> حلفتكم بالله قولو ماشاء الله
مااطول عليكم هي ثلاث اشياء اعتمدتها بنظامي تخيلو ماسويت رجيم عنيف ولا حتى رياضه عنيفه
وانسدت شهيتي بقوه + تغير شكل جسمي بشكل واضح يارب لك الحمد وراح اواصل على هالطريقه
اذا الله قدرني واتمنى لكم الفايده معي وهالاشياء الحمدلله مافيها اي مضره لآن كلها طبيعيه
1 منتجات الهيربل لايف بصراحه روعه وكلمة روعن قليله مابي اطول عليكم في الكلام عنها
بإمكانكم تعملو بحث عنها وتشوفو طريقتها وهذي صورت المجموعه كامله
وطريقتي فيها بصراحه مو بشكل يومي اعتمدها بوجباتي على حسب المزاج والنفسيه
احيان ادخل الوجبه البديله واحيان لا حسب النفسيه > بكيفي
طبعآ هي نكهات كثيره مره
بس الاساس فيها هو ((الشاي)) تبعها شي مو طبيعي في مساعدتي على سد الشهيه وفي منه نكهات كثير انا افضل الليمون اصلآ من ريحته واضح انه
طبيعي 100%
والحرق بين الوجبات وهذي صورته
2 كبسولات وهالكبسولات صار لي استخدمها ثلاث اسابيع
والحمدلله مااشتكيت منها غير كذا انها تحتوي على اعشاب ومواد طبيعيه
وشخلت الصيدلي بالاسئله وقال كثير ياخذون منها وهي تختلف عن الريد اكتيل كثير وماتآثر
لآنها تعمل على حرق الدهون من الوجبه اللي انتي تاكلينها
ومن هنا ان شاء الله نضمن ان الوجبه اللي ناكلها تنحرق لو بشكل بسيط خصوصآفي رمضان
وعملت عليها بحث وشفت تجارب بنات كثير ويمدحوها وتوكلت على الله وشريتها
والى الان مرتاحه عليها وقالي الصيدلي اذا ماتبين تزودين ولا كيلو برمضان خذيها
وصار لي عليها الى الان مع الوصفات كلها اكثر من ثلاث اسابيع
مع رجيم اي كلام واحس نفسي بالشكل اكثر
واقسم بالله المشي معدوم بس اقعد على جهاز الكريزي فت 20 دقيقه باليوم
اسمها ( نيو بنتيا500 ) وهذي صورتها
3 وصفه اخذتها من الدكتور عبد الباسط وهي بذور الرجله وهذي صورتها
شفت البنات بيتكلمو عنها كثير وحبيت اجربها بصراحه حلوه مره وتقوم بسحب الدهون من اكلك
وتسد الشهيه وطريقتي فيها هي اخذ لي ملعقه صغيره مع الماء قبل الاكل بربع ساعه
وهذي هي الوصفات بآختصار طريقتي في سد الشهيه واتمنى تجربوها وتطعوني رايكم وتدعون لي
وانا حاظره لآي سؤال
وبالنسبه لنظامي
انا بصراحه ماعندي نظام غذائي معين وماراح امشي على نظام غذائي محدد
لآني اكتشفت اني اذا حطيت لي جدول امشي عليه
خبصت ام الدعوه وانقلب من رجيم الى شيطان رجيم في الاكل واللخبطه
عشان كذا صممت اعمل اللي علي من ناحية توفير اكل الدايت بقدر المستطاع
واحطه هنا بصور يوميه بحيث اني مااخربط واذا في وجبه دايت او وجبة هيربل لايف> حسب النفسيه
وقررت اتبع هذي الاشياء بقد مااقدر
1- اشرب ماء كثير اقل شي 8 اكواب واذا كانو 10 افضل
وبما اننا برمضان راح يكون طريقة شربي
بعد الفطور مباشره يعني بعد مااكل التمر حدود 3 كاسات او اربع
عشان تحسين بسدة النفس بعدها وماتخليك تكثرين اكل
وباقي الكيسان مقسمه على باقي اليوم
2 الشوربه الشوربه الشوربه >> هي الطبق الرئيسي بعدصلاة المغرب والعشاء
راح يكون بعد التراويح > يفضل يكون اكل بس مافيه دسم كثير وراح اكثر من عصيرات الفواكه
الطازجه
3- بعد الوجبه بساعه كاس شاي اخضر وبين الوجبات من شاي الهيربل
4-العشاء او السحور يكون قبل النوم اقل شي ساعتين ثلاث ساعات
5- الوزن مره كل اسبوعين يكون على الريق وبملابس خفيفه وبعد الخروج من الحمام اعزكم الله
6- ناخذ يوم واحد بالاسبوع مفتوح بقوه نآكل فيه كل ابو شي
7- الرياضه اقل شي نص ساعه باليوم وفي رمضان يفضل المشي قبل الافطار بساعه هذي بحاول فيها
الله يقدرني واذا ماقدرت بعد التراويح
وانا عن نفسي راح امشي على السير او بالحوش مع جهاز الكريزي فت
الله لا يسامح من تقوم بنقل موضوعي بدون ماتنقل اسمي
بآقي اوريكم مشترياتي لكن بالصفحه الثانيه ارجو عدم الرد