صادق ذيب ولا تصادق صديق قصة وااقعية

بسم الله الرحمن الرحيم...
حبيت انقل لكم هذي القصة الواقعية الي صارت عندنا بالامارات من فترة قصيرة وياليتها كانت من نسج الخيال....
في بنت في الصف الاول الثانوي تعرفت على وحده اصغر منها (المسكينة ملتزمة)في نفس المدرسة, وبعدين المدرسة نظمت رحلة لكل الطالبات في المدرسة ....
البنات طبعا خبرو اهلهم عن الرحلة والكل موافق وفي يوم الرحلة قامت هذي الي في اول ثانوي وقالت حق الثانية نحن ما بنسير وياهم لان نحن بنطلع بروحنا (يعني قنعتها) ولان الثانية وايد واثقة فيها وافقت..
وطلعو وبعدين اتاخرت البنت على البيت ,,طبعا اهلها تخبلو وخبرو الشرطة وبعد فترة رجعت البنت وهيه منهارة....
قولو وين كانت ؟؟؟؟؟؟؟؟؟
الحقيرة ودتها شقة واغتصبوها...
أبوها يوم عرف السالفة أغمى عليه وهو الحين في العناية المركزه حالته خطيره(بين الحياة والموت)
وامها تعبانة ... والبنت حالتها لله....
يعني الله يكون بعونهم...
ياليت القصة تكون عبرة لكل البنات
صدق ان الصاحب ساحب
وانشالله الي عندها بنت او اخت تحاول تصاحبها عشان ما تحتاج لحد غيرها او تراقبها وتعرف منو ترابع
( تصادق) و ما تهملها لان الدنيا ما لها امان.
الله يستر علينا وعلى جميع بنات المسلمين
مع حبي
شمعة وله