صار نقاش حاد مع ابو اشباب ادخلي

الحياة صعبة وتحتاج الى سبل مريحة فاانا تجربتي بالحياة ان الزوج العصبي لازم وقت المشحنات تسكتي عنه لان اذا رديتي علي هو بيزيد وتسبب الى نفسش بالوصول لاسمح الله الى الطلاق فاانا زوجي عصبي اول مااتزوجت كنت اي هوشة ارد عليه واوطول الكلام معا بس الحين احاول اني اسكت لان السكوت احسن يحسسا بالذنب وسلامتكم والله يبعد عن المشاكل وعنكم

انا بصراحة تعاملي مع زوجي بشع لاني عصبية مرة وهو دائما يزعلني وادا زعلني بصراحة اعصب واقولة كلام مرة قوي وان انبهة دائما انة يحاول يبعد عني ادكنت زعلانة او متضايقة بس يحب العناد مافية فايدة من الكلام معة ابو الشباب يسوي مشكلة اوموقف يقهرني ويزعلني وادا درا اني زعلانة انا اداصرت زعلانة ماقولة اني زعلانة اكشر واسكت ويسال وادسالني اقول لا ماني زعلانة بس واضح من نبرة صوتي والتكشيرة طبعابس يبدا ينرفزني اويقول انتي زعلانة علاشان كد اصلا مالك داعي هدا سبب يزعل وفي النهاية اطلع انا الغلطانة وهوماغلط فاابدا انا اقول كلام يزعل مرة واحيانا اقول اسكت ولاكلمة قليلة دوق صح ادري بس وقت زعل بس اسمعوو النتيجة انة يزعل علي ولايكلمني لمدة ماتقل عن اليومين هادا اقل شي واكثرالاحيان اسبوع بس الثمن غالي اولا انة يدخل مكشر ويطلع معصب وينزل عنداهلة ولايردعلامكالاماتي ثانيا ماطلع من البيت لو اموت وخاصة اهلي اصيح وابكي ماعلية مني وابدااترجاة انا يومين عقب متجف الدموع والصياح ياللة يرضى وادرضى قال اناقلبي طيب شفتي سامحتك كنة ماودة يرضى ههه بس المشكلة ماهو راضي يفهمني اقول ادازعلت ابعد عني لاتكلمني ولاتنرفزني بس شكلة مستانس يغلط وينرفزني واغلط علية ويزعل علشان مااناقشة بالوضوع نهائا دعواتكم لنا بالهداية وانة يفهمني بس

اذا كانت الوحدة عصبية مثلي وهو مثل النار يعني سالفتي معاه كبريت هو يولع وانا اشب كل هوشة صارلي 6 سنوات مو عارفة اوصل الي طريقة تهدية وقت المشحنات بس الحمدالله احاول اني اتجاهل واسكت واصبر ولا اضايق حالي

انا اذا عصبت مااحب اتكلم لاني اعرف نفسي اني بغلط وهو يعرف دامني ساكته ان فيه شي

تدرون يابنات اش نتيجه كثره الزعل والهواش مع الزوج لو كان دلع او اموور تافهه او انك ناقشتيه بشغله واحتد الكلام بينكم:.
أول شي بيمل منك وبتقل معزتك بقلبه وكثره المشاحنات وحتى لو رجعتو بعدها زي العسل بيخلييه ياخذ موقف مع نفسه حتى لوكان صغير تصوري انه ممكن يكبرهالموقف الصغير مع الايام يعني زي نقطه الحبر اذا حطيتهيا بالمويا اش يصير بالبدايه تكون صغيرره وبعديين تتوزع بالمويا الا ماتغطييه...."
وانا اقولكم هاكلام من تجربه صحبتي تزوجت وهي تموت عليه وهو بعد ماشاء الله من كثر الهواشات الصغار تقول والله لو تصيير مشكله وش صغرها كبرناها ومالقينا اسلوب للحوار لدرجه صرنا نتجنب بعض حتى بالنقاش وانعدمت لغه الحوار بينهم

انا زوجي اذا شفته معصب اصكت ولاكلمة لين يخلص لاني اعرفه اذا هداا وخلص الي فيه يجي ويراضيني
بس المشكلة انا اذا عصبت ..
اولا لازم ابكي على اقل شي ولو هو تافه حتى اي كلمه ما اقدر اقولها من كثرة الدموع الي تنزل
لدرجة انه يجي على طوول يراضيني
وما ارضى بسرعه تقعد في قلبي ايام
بس انا حساسه احس اني على طول ازعل من اي وافهم غلط احيانا هذا الي يضايقني بنفسي

مشكورين على تفاعلكم مع الموضوع ودائما علماء النفس يقولون الحوار وطريقته هو أفضل حل للمشاكل ومستحيل يسير نقاش وأحد الطرفين معصب لازم ننتظر حتى تهدى العاصفه