صبرت والصبر مل مني

هلا حبايبي
انا مشكلتي مع زوجي البارد
انا متزوجه من سنتين والان حامل والحمدلله
ببداية زواجي سكنت بشقه مفروشه يعني جاهز الاثاث فيها
بعد الشهرين قال لي زوجي بما انه مدرس قال لي بوديك بيت اهلك وصبري شهرين ثلاث
على ماينقلوني واسكانك بشقه انا استاذنت من ابوي وافق ابوي اني اسكن عندهم هالشهرين او ثلاث
بعدها نقلوه الى منطقه قريبه لنا
لان كان يشتغل بمنطقه مره بعيده جدا عنا
انا سكانه بالاحساء وشغله بحفر الباطن
يعني يبعد عني 8-9 ساعات
اما الحين نقلوه قريب يبعد شغله عني 2 ساعات
بس صار لي ببيت اهلي سنه وشهرين بدون شقه ولا حتى غرفة نوم
ومقصره على نفسي بوايد اشياء
مقصره على نفسي لان اقول اخلي الرجال يجمع زين حق شقتنا
وصبرت وايد
وكان يقول لي اذا صار عندنا شقه بشتري لك غرفة نوم كذا وبشتري كذا,,,,,,,,وكذا,,,,,,,,
وتخيلوا انا ماشوفه الا يومين بالاسبوع
ولما طلعت معاه من يومين مرينا على طريق الطلعه على محل اثاث غرف نوم
وقلت الله هذي حلوه بس في الاحلى منه بالمكان الفلاني.......
الا يرد ويقول (من قال لك بشتري غرفة نوم انا بشتري فراش بالارض ننام عليه ودولاب بو سحاب )
رديت عليه وقلت ( الله هذا اخر صبري تجازيني بفراش بالارض )
يعني بعد الصبر الي صبرته بيجازيني بكذا
الا يقول لي ( انتي صرتي انسانه ماديه مو نفس اول ماخذتك قنوعه) ومن قبل قال لي ( اني اتذمر )
وانا مو ماديه ولا تهمني الفلوس
وش اسوي معاه ومع بروده الي للحين مو محصل لي شقه ....
ومع كلامه الي يجرح؟؟
والله ابوي صار يقط علي كلام يعور القلب وانا انسانه حساسه مره مااتحمل حد يقول لي كلام...
طلباتكم ساعدني
وهذي الفتره احس اني مليت منه وماابي اشوفه ابي اقوله له اني تعبانه منه ومن كلامه وماابي اشوفه بس بااسلوب مايجرحه...
اختكم