صبرني ياارب

1. بقول لكم كل شي من البدايه وكيف كانت حياتي


2. كان عمره 29 سنه ومطلق وعنده ولد طبعا انا احترت ووقلت لساتي صغيره


3. وومابي اخذ واحد مطلق وعنده اولاد


4. واذا باس يكون في السرير وطبعا البوسه في السنه حسنه


5. كل شي مو عاجبه


6. تخيلوو وش هالمواضيع


7. انا قلت له عادي يمكن فرحانين فيه قال هو الثالث


8. قال نفس الشي مافيه

بسم الله الرحمن الرحيم
السلام عليكم ورحمه الله وبركاته
مادوري وش اقول اول مره احاول اتكلم بالي مضايقني ماتعودت اشكي الا لربي
بس المنتدى والعضوات الله يجزهم كل خير وردودهم ومواضيعهم احسها شجعتني اني افضفض وواتكلم بكل مايضايقني وان شاء الله الاقي منكم ردود تصبرني اكثر مما اني صابره
عارفه ان مشكلتي عند البعض وخاصه ان مشاكل بعض العضووات كبيره جدا والله يعينهم ويفرج عليهم ,, انها مشكله هينه
بس انا فقط ابي افضفض واتكلم مابي انفجر ومابي اخسر حياتي
ربي عطاني الصبر ووادعي انه يزيده وويصبرني اكثر

بقول لكم كل شي من البدايه وكيف كانت حياتي

,,
عمري 24سنه كنت عايشه بيت ابوي معززه مكرمه وولكثرتنا بعضنا مالاقى الحنان من الام ومن الاب معنى امي ماكانت تقصر عليناا بأي شي حتى الحنان بس انا كنت غير خوواتي واخواني كنت طماعه حبتين ابي حنان ابي حب اكثر كان الكل من اهلي >> الي هم امي واخواني وخواتي يدرون ان عندي عاطفه جياشه وماابخل على اي احد كبير او صغير
المهم ان تقدم لي شاب يخاف ربه محترم عطوف فيه بعض من الحنيه >>او يمكن انه حنوون بس مابين لي مادري والله

كان عمره 29 سنه ومطلق وعنده ولد طبعا انا احترت ووقلت لساتي صغيره

وومابي اخذ واحد مطلق وعنده اولاد

لاكن اخوي الكبير قعد يكلمني ووقال لي عن صفاته وانه من الشباب النادرين الي يخاافون ربهم بكل شي ومافي اي شي يعيبه غير انه مطلق وعنده ولد عمره 4 سنوات وقالي عن سبب طلاقه من زوجته انها كانت جافه جدا في تعامله معاه وكانت دايم الوقت تبي تروح بيت اهلها ووكله يتهااوشوون حتى وصلت الدرجه انه ضربته عليه واشياء ثانيه قويه صارت بيهم عذروني مااقدر اقولها وقال لي بعد ان حتى لو صار فيه نصيب وربك كتبه لك الولد مابيعيش معاكم يعني عند امه وهو يبي وحده تكون زوجه له وتفهمه وقالي استخيري وشوفي ووالقرار الاول والاخير هو راجع لي
انا استخرت مرتين المره الاولى ماحسيت شي والمره الثانيه حسيت اني مرتاحه
وخاصه اني اشوف الفرحه في عيون اهلي ومستانسين مره لي >> ونسيت ماقلت لكم ان في نفس الوقت كان في واحد متقدم لي بس كان والعياذ بالله راعي خموور ومايصلي
ههه اذكر مره اخوي قال لي ان ربي عوضني وعطاني وواحد وواحد ناقص حنان ووانا ملياانه حنان >>> ونسيت ان الفاقد شي لايعطيه
ووتمت الموافقه وحللنا وكل شي صار تمام ووتمت الرؤيه الشرعيه ووقبل العقد كنا على اتصال يعني نكلم بعض على الجوال وارتحت له لاني حسيته انسان فاهم ومو مثل شباب هالايام
حسيته حنون واني بلاقي الحب والحنان منه وانا كنت اخبي كل احاسيسي لين بعد الملكه
وملكنا
واول يوم خطوبه كان كل شي حلوو من ناحيته هوو بس حسيت ان اهله شووي بعيدين عنه وعن بعضهم البعض
بس ماهتميت اهم شي علي زوجي وخطيبي
ثاني يوم حسيت مادري كيف صحيح انه مهتم فيني بس مادري في شي خلاني احس باحساس ثاني
ثالث يوم هو يوم الحفله >> احنا سوينا ملكه وبعدها بيومين سوينا حفله
وطلعت بشاهدت الكل ملكه والكل انبهر فيني
وخلصت الحفله والحين والمتعاارف عليه عندنا ان بعد مانخلص انا اغير ملابسي وانروح مطعم نتعشى سوا
بس لاني كنت تعبانه مادققت بهذا الشي ووتعشينا بيتنا وماهتميت بمساله المطعم او الخروجه
نفس الشي حسيت باحساس مو حلوو حسيت انه مو مهتم فيني ومايناظرني ووطول الوقت يسولف وويطالع التلفزيون >> هو عموما مايستحي يعني عادي يتكلم جريئ في كلامه
تذكرت انه مايحب المكياج قلت يمكن هذا الشي الي خلاه مايطالعني انا كنت ابي احس باحساس البنت المى زوجها يطالعهاا اول مره هو ماكان يعطيني اي اهتمام وقمت وغيرت ملابسي ووشلت مكياجي وولبست شي حلوو وناعم ووحطيت لي كحل ووقلووس خفيف
ورجعت له اذكر انه قالي لي انه انا كذا حلووه وصرت ماحط مكياج مره مره الا بس في المنااسبات واحط اشياء ناعمه على وجهي بس نفس الشي ماحس باهتمامه لي ماكان يمسك لي ايدي ولا كان يناظر بعيني انا ماانكر انه كان حنوون ويخليني احبه باهتمامه فيني كان كل يوم يدق علي من عمله او من البيت بعد مايرجع من العمل نتكلم بالساعات وانا انبسط يعني كانه يعوضني عن لمسه الايد ونظره العين الي انا كنت احلم فيها
وايه نسيت ماقلت لكم انه مايحب الخرووجات الكثيره ومايحب المطااعم ترا ماعمره عزمني على مطعم واذا انا عزمته نروح نوصل الى المطعم ومايرضى ندخله ونتعشى فيه نطلب العشى وونروح نقعد على الكورنيش وكل مره كذا وانا عادي عندي معنى تحز في نفسي وواقول ليش ماتعشى في مطاعم زي خلق الله >>> هل يمكن انا متاثره بحكايات البنات ايام خطوباتهم خروجات وحركات روماانسيه
حتى الحركات الرومانسيه ماكان يسويهاا بعفويه كانه كان يعلمني وخاصه اني كنت جاهله بعض الاشياء ووفي اشياء اتجااهلها لاني عرفت من خلال مكالماتنا في التلفون من خلال كلامه انه مايحب البنت الي تعرف كل شي يعني يحب شبه قطه مغمضه
فاأنا سويت نفسي كذا عشانه
الحركات الرومانسيه مايسويهاا بعفويه ابد كان يقولهاا لي عشان اتعلم وخاصه انه خبرني ان زوجته السابقه كانت جاهله تماما بكل شي في امور الزواج من الامور الحميميه الى الامور العاديه في حياه اي زوجين اثنين
طبعا انا استحي من هالاشياء وماكان يصير بينا اي شي عميق سوا >> اسفه للمجاهره بهذا الشي
وايه على فكره كنت بعض الاحيان احسه بخيل بس كان حريص عشان لمى نتزوج يكون بعد الزواج يكون عندنا كم ريال نقدر نعيش بيهاا والكل عارف كيف ان بعد الزواج يكوون الزوج شبه مفلس
>>> للمعلوميه ولده مايصرف عليه ولا يعطيه نفقه لان اهل الام مايبوون شي من عند خطيبي
وهو الله يهداه شايل ايده وخاصه انه الحين الولد بيروح الروضه وانا احاول افهم واكلم خطيبي عشان يعطيه بس هوو ابد مانكر انه يشتري له ملابس وواذا طلعنا مع بعض نمشيهم وونعشيهم بس احسه جاف مع الولد يعني مو زي مانا اشوف اخواني مع اولادهم
وقعدنا تسعه شهور مخطوبين وتزوجت وصار لي الحين متزوجه خمسه شهور وانا الحين حامل ب الثالث وزني زاد
ادري اني طولت عليكم بس مشكلتي
انه مايقول لي كلام حلوو مايضمني من حاله مايبوسني واذا سوواها فهوو طلب مني انا

واذا باس يكون في السرير وطبعا البوسه في السنه حسنه

وكل ثلاث او ارباع ايام يجيني بالفراش ماحد قاله يعلمني على اشياء ويعودني على النومه وخاصه ان شهووتي مره تزيد عند حدها وقبل ماكنت ارضى ابي كل يوم كل يوم بس لمى شفته كيف يجيني والشي مايصير حلوو اذا انا طلبته فصرت ماقول ابيه ولا ابين له اني ابيه ابد عشان بس احس بحلاووته وواقعد بثلاث ولاربع ايام او حتى بالاسبوع والقهر انه يتقرب مني ويسوي لي حركات وانا اهيج ويبتعد واذا جيت له يقول مالي خلق اف وش اسوي ياربي صبرني
لا ومشكلتي الادهى والامر اني صرت ماحس اني انثى اني بنت زي اي بنت كان الكل يحسدني على جسمي وعلى جمالي الحمد لله ماقصدي اني اصير مغرووره او اشوف حالي بس هذا الي صااير
بس هوو وعدم نظره لي خلاني ماحس نفسي حلوه ودايم يقول لي اني دبه ومتينه وانا والله مو دبه ولا متينه انا جسمي حلوو ومتناسق وزني 61 وطولي 155 كل شي متناسق مع بعضه وحتى بالملابس اكون حلوه واشوف نفسي حلوه اما الحين لا ماحس بهذا الاحساس
واذا قلت له وشتكيت له وقلت له اني ماحس بحبه وحنانه يقول لي لمى تضعفين ويصير جسمك زي مابي بقول لك وبسوي لك كل شي انتي تحلمي فيه
وبس هو يقول لي كذا تقول ان في احد صاكني كف على وجهي احس بقلبي مدري كيف مادري وش ارد عليه ينبلع لساني من الصدمه الي سمعتهاا
والله اني ماحس اني انثى ماصرت اتدلع زي بدايه زواجنا ماصرت احب البس صرت اشوف نفسي متيه ودبه كنت اول البس قصير وحركات الحين ماحاول افكر البس قصير الشي الوحيد الي يحبه فيني صدري وهذا انا اتفنن في البس عشان بس يبان ومره اخفيه ومره ابينه والبس له ملابس او بالاخص بلايز وتشيرات مغريه بس عشان يحبه اما من تحت يقول لي كبيره مره طيب وش اسوي اذا انا مليانه من تحت يقول لي خسي شوي من تحت وواجيك كل يوم وواسوي لك كل شي تحبيه وتتمنيه والله اموت ميه مره اذا سمعت هالكلام
احاول اكون زوجه مطيعه وومخلصه وواني اخلي عشنا وردي ووحياتنا سعيده
يعني اقوم بكل واجباتي على قد مااقدر واحاول اني اسويه على كامل وجه
بس مافي شي يعجبه حتى طبخي مايعجبه هو صحيح ياكل الصحن كله ومايخلي ولا حتى شي فيه بس مايعجبه طيب وش اسوي انا طبخي زين ماعليه كلام وكان الكل يمدحه قبل لمى كنت عزوبيه ومخطوبه بس الحين مادري وشوو صار
قمت اقول يمكن عشان ان المكيالات تغيرت كنت قبل اطبخ حق البيت كله والحين بس اطبخ حق شخصين
..

كل شي مو عاجبه

ولا يفهم كلامي على حسب مزاجه يعني اتكلم معه عادي جدا او سولفت معه يفهم كلامي على هواه ويفسره زي مايبغاه
ويرفع صوته انا ماتعودت احد يرفع صوته علي ولمى اقول له ليه تكلمني بهالاسلوب يقول لي انا كلامي وصوتي كذا ..>> صوته رفيع بس لمى يكلمني بعض الاحيان يهااوشني واذا جى يشكي عن اي شي مو عاجبه كلني بنبره انا ماحبهاا قلت له في امكانك انك تكلمني وتقول الشي الي مو عاجبك بس باسلوب حلوو واحسن من هذا طبعا وكاني اكلم لجدار
حاجه ثانيه >> في مواضيع مايحب افتحها او اجيب سيرتا بالمره واذا فتحتها ضاق خلقه وسكر اذانه وقعد يلف ويدور بالكلام عشان يلهيني عنهاا وقسم بالله انتوو لو تشووفوون وجهه كيف يصير بس افتحها يتضاايق بالمره ويضيق صدره وكانى الدنيا سكرت ابوابه في وجهه

تخيلوو وش هالمواضيع

السفر لاتجيبي طاريه بالمره ياناس انا ودي اساافر وخاصه ان اقول يمكن عشان الماده لانه شووي مش ولابد بس الحمد لله مستوورين ونقدر نسافر اذا حبيناواذا قلت ليه يقول انه مايحب السفر نهاائيا وماعمره سافر غير مره وحده ومع ابوه لمى كان ابوه يبي يتعاالج بس
الحب نهائياا ماجيب سيرته تكدر المزاج سيرته وخلني اقول له يافلان تحبني شوي ويهااوشني ويقول لي ليش تزيدين وتعدين في هالسؤال زهقتيني ماتخاافين انك تزعلين من الاجابه >> ياناس هذا مرد يقوله لي
والولد الي جاي بالطريق لاتقولي لي اشياء مستقبليه وبعدها ماصارت يعني مثلا اذا قلت ابي اشتري سرير حق المولود الجديد يقول لي لا سرير اخوه لساته جديد
طيب انا مابي ابي سرير جديد حق البيبي الجديد وفي النهايه رضيت قلت بجيب السرير وبسوي فيه اشياء وبرشه بغير لونه وبسوي اشياء فيه :( >> ماحب اسوي مشاكل ولا اكبر اسووالف
ومره كان يسولف لي عن صاحبه انه سوا عيد ميلاد حق ولده وجاب طقاقه ووسوواها في صاله ومدري ايش يعني تكاليف مالها داعي

انا قلت له عادي يمكن فرحانين فيه قال هو الثالث

انا سكت وبعدها رديت عليه وقلت له بس يمكل ولدنا السنتين بسوي له عيد ميلاد انا بعدني ماكمل كلامي وهاج فيني وش عيد ميلاده ووش مصاريف بايخه قلت له انا مابسوي زي صاحبك انا بشتري كيكه ووبروح محل ابو ريالين وبشتري زين وخرابيط ووبزين حوش بيت اهلي بعد مو بيتنا وبعزم عيال عمه وعماته وعيال خاله وخالاته وبس عشان يفرح الجااهل بس

قال نفس الشي مافيه

ولا قلت خلني اهيئ زوجي عشان بعد مااولد يمكن يكون الولد متعب ومايخليني ارتاح او انام فأن يمكن يتغير الوضع عليه يمكن وماقووم بواجباتي كلها قال كيف ماتقومي بواجباتك ماتطبخي ماتنظفي مادري وشوو قلت له تخيل اذا كان الولد مايناام بالليل وودايم مسهرني اكيد اني بنام على نومته ووبحاول اقوم بواجبااتي قال لا اذا نام الولد 12 ساعه بتامنين وراه 12 ساعه >> اوف وش اسوواه
انا مو مقادره افهمه وهو مو قادر يفهمني انا والله العظيم اني احاول افهمه
واني اسوي كل الي يبيه ووارضيه بس هو مو عاجبه اي شي ويسوي من الحبه قبه
انا ماانكر اني زعووله بس والله ارضى من حالي بعد خمس دقايق واذا تكلم عن جسمي او اي شي مو عاجبه فيني وزعلت بقوه يعني حزت بنفسي مره مره اروح اغمض لي شوويه بغرفه النووم وواقعد بعد خمس او نص ساعه ماكاني شي
وناسيه السالفه
او احاول انسي نفسي حتى هو مره قالي يااخووفي انك مره تنفجرين
وانا رديت عليه بمزحه انتبه ترا اذا انفجرت انفجرت وياويلك مني ذيك السالفه
انا انسانه مسالمه الى ابعد الحدود مابي اعيش بمشاكل مابي عارفه اانه في مشاكل لابد منها ووانها بهاارات الحياه الزوجيه
بس مابي مشااكل تبعدنا عن بعض
وانا في هاليوومين احس اني ندمانه اني تزوجت وولوو ارجع لزمن قبل مانخطب كان رفضت
ماحس بحب ماحس بحناان دايم جفا دايم معاير
دايم يهااوش ويرفع صوته ماحب كذا
انا مابي غير دعوه في ظهر الغيب ووان ربي يصبرني وواقدر استحمل
ووالي عندها نصيحه ماتبخل علي
تراني مثل اختكم