صبغ الشعر تجربه استفسار

السلام عليكم و رحمه الله و بركاته
مالي في المقدمات بدخل في الموضوع طواالي
انا يا حبايبي نفسي اصبغ شعري بس كأي بنت سعوديه كل ما اقول اابغا اصبغ يكون الجواب " لا رحتي بيت زوجك اصبغي" طففششت يعني تخيلو لو ما جا دا الزوج ايش اسوي في حياتي هع
الممهم و قعدت افكر افكر كيف اغير لون شعري كيف كيف
و لقيت اقرب طريقه و هيا استخدموها الناس زمان " الحننا"
جربت الحنا ما حسيت بفرق اللون >>جربتها تقريبا شهر هع كسلانه ما فيا اكمل
و نشفت شعري عشان كدا بطلت منها
و سرت ادور في النت و اخييرا لقيت صبغ الشعر بالحنا تختاري اي لون و تحطي عليه بروكسيد الاعشاب من ويلا تركيز 9%
و من يومها و انا افكر كيف اجيبو ..و مرا خرجنا مع زوج اختي و وقفو في صيدليه
و جري قلتلهم بروح اشتري حاجه و ارجع و طيران اخد البروكسيد و مرا رخييص ب 4 ريال
اخدتو و رجعت البيت خلطتو مع نسكافه و كاكاو و شويت كركم و عجنتو بالبروكسيد(خليتو على خصله 4 ساعات )
ملاحظه :~ قريت انو بنتين استخدموه و حطو حنا و سودلهم شعورهم عشان كدا استبعدت الحنا
المهم
جربتو على خصله وحده و ما حسيت بالفررق :( و خليت الخصله على جنب شويا اختي لما جات قلتلها و اخدتني و ودتني في اللمبه البيضا و حطتو على الشعر القديم و قالت واو شعرك فتح لوونوو
انا بغى يطير عققلي قلت احللفي قالت واله
المهم
والله ما صدقت على الله رحت سويت شعري كلوو و فتح اللون بس مو مرا باين عشان انا شعري اسود مرا
و ان شاء الله بسويه تاني
و بس دي تجربتي بس في عيب واحد انك ما تعرفي الدرجه الي حتطلعلك يعني لخبطي و شوفي اخر اختراعاتك عاد انتي و حظك هع
و الاستفسار هنا
غيرت رأيي في البروكسيد عشان اخاف من اللون ،، و اليوم و انا قاعده ع الفيس لقيت على جنب دي الاعلانات
و كان في اعلان عن رغوه صبغ الشعر اعتقد كدا اسمها من كوليستون
و شفتو و نففسسي اشتريه دخل مزااجي مررا
ممكن تقولولي مين استخدمتو و وعد اقول النتيجه
و بس سلامتكم
دمتم بود