صج وهقه

من الافضل انك تكشخين يعني تلبسين تيور فخم وتسويين مكياج
وتغيرين قصة شعرك ومن الافضل صبغه لان الصبغه تغير الشكل
وتشترين قميص نوم فخم كانك عروس تغيرين فيه بعدين طبعا
المفروض يكون الاستقبال حار احضنيه بقوه حتى يدري انك مشتاقه له
ويكون البيت مجهز سويي كيك او عشاء بس يكون جاهز من قبل ما يجي
لانه اكيد مشتهي طبخك الصراحه مده طويله هاذا اللي عندي وان شاء الله
نفعتك والاخوات ما يقصرون بيكملون لك

على حسب موعد الرحله إذا كان بليل عاد هنا التكتيك التمام
حاولي تعملين لك مساج وحمام مغربي تزيلين الشعر من جسمك حاولي تغيرين لوك شعرك
تلبسين فستان ناعم وافضل ستان ركزي على الستان ومكياج بارز حسب لون بشرتك وشكل عيونك
إذا هو يحب طبخك شوفي الأكلات اللي يحبها وسويها له وانصحك بأكلات خفيفه عشان ماينصاب بتخمه ويدوخ ويتركك جالسه ههه
اعملي تغير في اثاث البيت ونظفيه وبخريه
روحي محلت والورد واعملي باقة ورد مع مجسم حطي فيه صورته واكتبي بيت شعر وحطي هديه متواضعه بيفرح فيها وإذا عندك اطفال لا تقولين لهم ابوكم جاي خليهم ينامون وانتي لوحدك استقبلي وصدقني لا تحاولين تبالغين في مشاعرك في الأستقبال خلي مشاعرك عفويه وصدقيني بيفرح كثير

تسلمون حبيباتي بس نبي افكار بعد حلو

الله يرده بالسلامه ان شاء الله ..
شوفي حبيبتي .. هو جاي من سفر يعني يمكن تعبان ..
ومافيه حيل ل .. بالي بالج ..
فمن رايي اول مايجي تستقبلينه استقبال حار ..
حسسيه ان جد مشتاقه له .. بيني له ان وجوده عندج يشكل اهميه ..
احضنيه .. خرعيه جان تبين .. نطي بوييهه وشقي حلجج وضميه ..
نصيحتي لج كووني ناعمه .. يعني مثلا ..
ميك اب خفيف لكن تفنني برسم عينج بالكحل ..
لبسي زي الفستان القصير مثلا تحت ركبج ويكون ناعم ..
في حال له خلق .. كوني جاهزه وشتري قطع جديده ..
ايه واذا ماسك اغراض وشناط وكذا .. شيلي معاه ..
بخري البيت والغرفه اهم شي ..
والله يوفقج يالغلا ..

حلوه أفكار البنات لكن إذا تعرفين إن زوجك يحب الكشخة ويفهم فيها صلحي مكياجك في الصالون بس لاتخلينه صارخ
وأزيدك بعض الأفكار: جيبي كيكة مكتوب فيها الحمدلله على سلامتك أو اشتقت لك وانثري في المدخل أوراق ورد طبيعي وشموع

لا ياعمري لا تلبسين بجامة كلش مو عدل لبسي فستان عند الركبة او بنطلون وكت او حتى جينز الشورت
وحطي مكياج واستشوري شعرج ورتبي البيت زين ولا حبة طايحة بالارض والغرفة لا تنسينها تولعين المكيف وتعطرين الغرفة
ويكون يومج واو

حطي ميك اب والبسي فستان سهرة او كان عندك فستان زواجك وجهزي عشاء انتي مسويتهواملي البيت كله شموع وبخري بيتك وكان عندك اولاد خذيهم عند اهلك احسن بس اهم شي استقبلي زوجك ببيتك يعني لايجي ياخذك على شان يدري انك متلهفة عليةواملي البانيو موية بس اهم شي اذا جاء استقبلية بالاحضان ودموع

حرام عليك 6 شهور مدة طويلة اكيد انه مشتاق لك وميت عليك وش دعوة
إلا خلي كأنك يوم العرس
تزيني من فوق لتحت
واملي البيت شموع وخلي عيالك يستقبولنه معك وبعدين يجي اخواك او احد ياخذهم عشان يخلا لكم الجو
وانت ي ابخص بزوجك بس بالعكس حسيه انو 6 شهور كأنها 6 سنين
عشان يفرح بمشاعرك له
والله يوفقكم

انا اقول لك
احجزي بفندق اللى اجوزته فيه وخليه يجي من المطار الي الفندق انت وقتها روحي عند الكوفيره وخليها تزبطك زي يوم الفرح والبسي فستانك وعيشي فرح تاني وادعيلي