صدقاتي بيزوروني وحتاره ايش اقدم لهم

فينكم فراشات

اول شي عصير حطي كذا نوع طبعا عصائر طازه يعني حطي من كل نوع 1 او 2 على حسب الافراد لانو في ناس ماتحب نوع معين من العصير وبعدين قهوه مع صنفين حلى وممكن شوكولاته وبعدها اعملي صحن لكل وحده اذا كانو عددهم قليل لكن اذا كانو كثيرر اعملي بوفيه
الصحن مثلا فيها انواع من المعجنات وورق عبن شيش طاووق واي شي انتي تحبيه تعمليه وبرضو ممكن شيز كيك او قطع كيك او ايس كريم بس الان ماينفع اذا جوكم بارد
طبعا تقدميه مع الشاي او اذا تحبيه ممكن في الاول ماتقدمي عصير تخليه في الاخر مع الصحن زي ماتحبيه يصير في البدايه قهوه وبعدها شاي مع مكسرات وفشار وشبيس
شوفي حطي شي البنات يحبوه زي الشبيسات بكل انواعها معه صوص الشيز او اي صوص زي ماتحبي
والله اكون افدتك واذا جابه تسالي عن اي ابشري
ويلا يافراشات اعطوها افكار

شوفى ياقلبى دحين قدمى اول شئ سحلب
او حليب بالنشاء
وبعدين قدمى القهوه مع صنفين حلى او ثلاثه .
مع الشاهى سوى كيك اى نوع فى كيك الشوكلاته مره روعه وبسيطه .
وبعدين قدمى الانواع اللى انتى مسويتها مع الشاهى طبعا لكل وحده طحن مشكل وبس

جزاكم الله خير
لكن ايش هو الصوص الي مع الشيبسات ؟؟
والشيبسات تنفع تتقدم مع الفطائر وورق العنب مع الشاي؟؟

نينا خان
في صوص جاهزه في السوبر ماركت تجيك شيز اصفر سائل في قاروره زجاج مستورد من بره والله مادري يمكن ماتلاقيه الا في اماكن معين ممكن تعملي صوص بنفسك باللبن والمايزونيز والكاتشب في موضوع تلاقيه في قسم المقبلات عن الصوص
ممكن حبيبتي تقدميه مع الفطائر وورق العنب مع الشاي
وانشالله تنبسطي مع صحباتك بس لاتنسي تنزليلنا صور من اللي قدميته
واي سؤال انا حاضره

جزاكم الله خير اليوم بيوجونب ان شاء الله

مدري هماجوك ولالسه؟
بس حبيت افيدك
قدمي العصير ممكن تخلطي عصيرين مع بعض وتقديمه
والقهوه معاهاحلى بسبوسه كنافه ممكن تشتري انواع من الجالكسي وتحطي في صينيه وتقديمه
والشاهي معاه معجنات وممكن فشار وشيبس ومعاه صلصل وشطه وليمون
وبعده العشاء يكون مشويات افخم واطعم وممكن بعده الكابتشينو ولااستبديله مع الشاهي
وتتهني بالعزومه وبشريني عنك

جزاكم الله خير
جوني امس
والحمد الله اخذت بنصائحكم وبيضت الوجه
الف شكر لكم