صديقتي تبغى رأيكم

مشكلة صديقه لي تزوجت وهي عمرها 18 يعني صغيره وسكنت بعيد عن اهلها عشان خاطر اخوات جوزها
لسه بنات لازمهم رجال هي يوم ملكت كان شرطها السكنه عند اهلها ووافق وبعد الملكة تغير الكلام وطبعا
الرجوع صعب بعد الملكة وتزوجت وتعرفو هما البنات اعمارهم فوق الاربعين جابو لها العمى 2 مطلقات ووحده
بنت جننو اهلها مافي كلمة ماسمعتها يعني تعرفو الحريم وشغلهم وغير الام وافلامها وكانت كل ماتشتكي
لجوزها يقول بكره يتجوزو البنات وامي تروح لاخوي الكبير ونخلص بعد 6 سنين كر وفر تجوزو البنات ايش صار الي صار امو سكنت معاهم ماراحت للكبير كل ما تسألو يقول لها بكره بتروح يصرفها لها تلاته شهور على دا الحال
المشكله هي تكره ام زوجها مره لانها متأكده من كرهها ست سنين وهي تدلعها يوم تجيها قهوه شاي عشيات يعني كانت قمه في الاخلاق معاها كلمه ما عمرها سمعتها حتى النظرة كانت تنتبه لها يعني تقول عشان ام وهي شافتها كد ه طيبه قامت طبعا تستفزها وصارت صديقتي صريحه معاها وقالت لها ام الزوج ومرت الولد مايصير في بيت واحد لازم يبعد قامت هديك جنت زياده ولصقت فيها بزياده صارت صديقتي ما تقعد حاليا معاها ولا تحتك فيها ابدا يعني ادا شافتها اقبلت شردت لغرفتها وسكت الباب لانها وصلت لمرحله صعبه اشد من الكره
هي تبغى رايكم يافرشات بعدين الام من بدو عرعر وصديقتي من المدينه يعني اختلاف في العادات وفي كل شي وصعب يتفاهمو