صمنا عن الآكل والشرب ولكن ماذآ عن جوآرحنأ هل صآمت فوانيس رمضان

جد والله بنات
انتي بتجين بعد وبتاخذين من هالملابس
يعني ترضين تلبسين ملابس وسخه
ترضين تلبسين ملابس محيوسه بالارض والكل يدوسها
كلنا مانرضى .. الا ناخذ ملابس بالكيسه وبالكرتونه بعد صح ولالا !!
ونبي اشياء مالمسها احد كيف لو تعرفين انها محيوسه بالارض
وغبار وسخ والكل يدوسها .. ويجي العامل بعدين يرجعها
يطبقها وترجعين انتي تشترينها صح او لا ؟؟
طيب .. ليش لمن ناخذ الشي نتفرج فيه مانرجعه زي ماكان
والا صعب !! .. بالبيت نرجعهم ونرتب غرفنا
يعني ليش مانكون شعب مرتب ومنظم !!
يعني احنا مسلمين والنظافه من الايمان
جد بنات هالوضع وربي مره ضايقني
تجي وحده تاخذ التي شيرت مو مقاسها ترميه اقرب مكان
لو على الارض !!!!!!!
وتروح تنكت الدنيا عشان تطلع مقاسها
طيب ليش ماناخذ حاجتنا بشكل مرتب من غير العفسه
ويكون المكان دايم مرتب
يتبع

وغير موضوع العفسه في موضوع اشين
الحين احنا برمضان شهر الخير
والعباده .. وحتى لو مو برمضان
احنا مسلمين .. والمسلمين لازم يكون اخلاقهم حلوه ..
يعني مع هالزحمه ماشاءالله
جيت احاسب .. يدفوني
واللي تناظرك كانها بتجلدك
واللي تنافخ .. واللي تتهاوش مع الثانيه
خير يااخواتي !!!!
شنو هالاسلوب .. احنا المفروض جوارحنا تصوم صح او لا ؟؟
جد بنات مدري انا الوحيده اللي مستغربه او فيه غيري
بس والله شي يرفع الضغط
اجي اتفرج على تي شيرت تخطفه من يدي
وتاخذه بدون ادب ولاشي
واطلع من المحل القى حريم يتهاوشون
وصوت عالي ليش !!!!
حرام والله احنا مسلمات وبشهر رمضان
المفروض اخلاق .. واسلوب
وربي بالاسلوب كل شي يصير
ودام هاللبس مكتوب لك محد بياخذه غيرك
بس والله كل ماطلع للسوق انصدم ليش كذا والله شي يقهر
وحده عند الكاشير .. وكنت انا واختي واقفين قدامها
تقول لصاحب الكاشير بصوت عالي انا جيت قبلهم
حاسبني قبل
انا سويت كذا
قالت صاحب الكاشير .. طلعي الفاتوره اول بعدين احاسبك
والله شكله بعد ناشبه له من قبل اجي
وبعدين جلست اقول لاختي شوفي هالبس كان
طايح على الكاشير وتجي تسحبه بقوه وتناظرني كذا
انا كنت بقولها خير ياهيه انتي
بس قلت بصير همجيه زيها كذا
قلت يعني مقدر ادخل المحل واتفرج عليه واشوف
اللبس اللي خذتيه مني
وربي مدري كيف حسيت الكل نفسه بخشمه مايبي
حد يكلمه
وبس هذا موضوعي
ادري كثير كلامي بس بصراحه
مره مقهوره من هالوضعين
زحمه .. وقرف واحنا بعد نمشي ونخرب
وبعد كل الشعب معصب مدري شسالفه
اتمنى القى ردود لاني جد تعبت على الموضوع
والصور والتحميل
واتمنى القى نقاش لهالموضوع ابي اعرف
معي حق او ابالغ
ملاحظه للمشرفات : سوري لو كان الموضوع بالمكان الغلط

استغفر الله واتوب اليه

يسلمو اختي ع الموضوع
فعلا كل ماادخل محل اتضايق من الحوسه واحس مااعرف اتسوق واطلع من المحل بسرعه
واكثر شي الزحمه ع محل زارا ليه مااعرف كل ماادخل الملابس مرميه ع الارض كنك داخله مركز عادي والناس مشطبه ع القطع الزينة ومافي شي ويحوسون الحريم فيه كنهم يستنون بضاعه جديدة تطيح عليهم من السطح
وزحمة الكاشير تصفين سيرا وتجيك وحده تدقدق فيك تقول تشحت كل عشان تحاسب قبلك لان معها قطعه ولا قطعتين
صراحه مره مافيه لاذوق ولاادب الا من رحم ربي

eeeeel66
ايه شفتي كيف من جد كويس فيه ناس ملاحظين زيي
لا والله في اكثر من محل حتى بيرشكا
وكل مكان زحمه وقلة ذوق
اكيد الا من رحم الله
يعطيك العافيه ياحلوه .. ومنوره موضوعي

آنا اذا دخلت السوق كل امراض الدنيا تتجمع براسي يابختك على الاقل تفكرين بهالشئ والله من المسخره الي اشوفها ماالاقي وقت افكر
انا تفكيري خلاص ينحصر على قله الادب الي في السوق وشياطين النس والجن تتجمع براسي وقهر وغليان وكل شئ والله احس السوق جهااد قرف ومسساخه وقله ادب لااحترام ولاذوق استغفر الله انت شوفي العبايات بس والكاشفات والي متبرجات تنسي الزحمه والهمجيه وعدم الذوق,,
حالنا مزري وحالنا خلاص انتهينا بس الغرب يعملو واحنا ننفذ وبس
ملابس تجيب الهم تدخلي عن الباب وترجعي ماتدخلي هما لو ريحونا ويكتبون على ابواب محلاتهم لا للحشمه هنا كان ريونا ولاضيعنا وقتنا استغفر الله العظيم بس,,
فعلا يالغالييه الصيام برضو عن الجوارح ولازم يكون عندنا احترام,
رب يعطيك العافيه,,

معك حق أختي
نحن لما نشوف زحمة نرجع وما ندخل السوق
وبرمضان ما أتسوق أبدا وخصوصا في العشرة الأخيرة
لكن ملاحظتك لاحظتها
على الأرض الملابس مرمية
وكل وحدة تطلع الملابس وترمي
هدانا الله ، ولسه منسأل ليش احنا متخلفين ؟؟؟!!!!!!!!!!!!!
جزاك الله كل الخير

موضوعك حلو
وكويس الي كتبتيه ويارب الكل يطبق السلوك الحسن بالسوق
خصوصا ترجيع الملابس زي ماكانت

صآآدقه وربي
..
وضعنآ صعب
جدآ
أقولك أنأ خلأص شوي وأبطل انزل السوق
الوضع لآ يطآق
..
وشكرآ ع الموضوع